اني مختار فرجينيا اشو على موقع iom كاتبين Austin,TX شنو الموضوع

[marky]

السلام عليكم اني مقدم على فرجينيا لان كفيلي اهناك اشو اليوم دا اجيك موقع iom كاتبين اوستن تكساس .. شنو الموضوع اخوان اكو احد يكدر يوضح الموضوع ... وشكرا وسؤال ثاني اذا عندي كرين كارد تكدر زوجتي تسوي طلب الى اهلها كدعوة زيارة او اي شي ثاني ... تحياتي لكم

[ام اديان]

للرفع والمساعده

[tafar]

السلام عليكم اخوية

بدون زحمة عليك  يعني المنظمة قامت بالاتصال بالكفيل الي بفيرجينيا لو لا

يعني القصد اذا ممتصلين بيه احتمال صار زخم على ولاية فيرجينيا وحولوك على غير ولاية يعني هذا احتمال وارد اخوية

ام قمر  

[abo simsim]

اني نفس الحالة مختار فلوريدا وبالموقع كاتبيلي تكساس

[ترتيل]

 السلام عليكم اخي
انته كم ولايه خال احتمال وهل بهل ولايه الي انته وضعتهم عندك كفيل بكل ولايه لو مخلي بس فرجينيا وله كان اتصال بكفيل فرجينا ونزلتلك اوستن بالموقع
طبعا اني مااعرف شنو الاحتمال
ولكن حسب تخمين اذا واضع تكساس من ضمن الخيارات فوضعتلك المنظمه هاي ولايه وبعد ماعرف انته شمخلي

اختكم ترتيل

[abuhatem]

صارت باخوي ايضا
عنده كفيل ،لم يتصلوا بالكفيل وحددوله ولاية اخرى

[repentant]

اني كنت باوستن
مدينه صغيرة تحتوي على اعمال كثيرة مطاعم فنادق معامل لحوم شركات كومبيوترات ولمارتات .....الخ
الباصات راقية جدا سعر تكت الباص 17 دولار تصعد بي 24 ساعة شهر كامل الباصات ليلي نهاري سريع بطئ تحتوي على مترو ايضا
الايجارات رخيصة والمجمعات راقية جدا غرفة تحتوي على ملحق حمام مع مطبخ مشترك مجهز بكل شي وصالة مشتركة مع غسالة ملابس ومنشفة راقية جدا مع ماء حار وبارد وخط انتريت مو طبيعي مع مسابح وقاعت حديد وتنس و....الخ صمن المجمع سعر الغرفة 330 دولار والمجمعات عبالك عايش ابمكان افضل من الزوراء
تحتوي على جامعة راقية هي اليو تي رايع جامعة بامريكا بالهندسة
النساء جميلات جدا فيها بيض من الطبقة الراقية واغنياء لان جوها لطيف جدا .......وسود ومكسيك
الدوان تاون تحتوي على شارع مثل شارع الكونكريس وشارع 4 وشارع 6 من اجمل الشوارع يا حارثيه يا شارع فلسطين صاور الناس زحمة وماكو سيارة اتفوت وفيها ما لذ وطاب
تحتوي المدينه على متنزهات ونهر جميل ومناظر خلابة
المطار قريب عن المدينه
تحتوي على منظمات عدد2 اني كنت على كاريتاس وهي منظمة تعاملها جيد
لم يرجع اي شخص سافر معي الى العراق او انه حول الى ولاية اخرى
في الصيف نوعا ما حارة تصل درجة الحرارة 35 في الشتاء اقل شي وصلت 7 تحت الصفر وتصور شهر الواحد في منتصفه ارتدي نصف اردان
ورجعت من هناك نادما جدا
والله اعلم والله اويفقك واتمنى خدمتك

[ابو فرقان]

دزلهم ايميل واسالهم

[firas baghdadi]

للرفع والمساعدة

[icloud]

ما كو اي زخم على فرجينيا والولاية الوحيدة الي صعب تقدم عليهه هي مدينة ديترويت يعني كلش طبيعي تكدر تقدم على فرجينيا ،،،،،، صديقي ماكو بس جواب واحد ويصعب على كلبي اكلك كفيلك دك الناقــــــــــــــــــــــــــــــــــ إإإإإإإإإإ

على العموم فرجينيا حلوة بس السكن كلش غالي ابشمال الولاية القريب على العاصمة واشنطن والشغل يعتبر جيد بس اكيد ارخص لمن تروح للغرب يعني غرب الولاية بس الشغل اقل

[أبو الحكم]

الاخ الكريم


احب اكلك على شغلة جدا مهمة وهي ان الاخطاء الادارية بالمنظمة اسهل من شرب كلاص المي فلا تهتم ابدا تتعدل وداعتك بس المهم خلي تفرج عليك وعلى كل المتقدمين وعود بوكتها اذا اصروا على تثبيت الولاية اخسرلك كم دولار وغير ولايتك على حسابك ولو اني ماانصحك ابدا تغير ولايتك ومدينتك لان ماشاء الله مخليلك ولاية ومدينة من العشرة الاوائل في امريكا من ناحية المناخ والعمل والايجارات الرخيصة وكل الامور اللي يحتاجها الللاجيء في بداية حياته ولو مختاريلك هيوستن لو سان انطونيو جان كتلك روح وانت مغمض وخطيتك بركبتي بس مدينتك مقاصرة ابدا ومثل ماتفضل احد الاخوة الاعضاء ولاية ومدينة ممتازة بكل شيء


جار الانتظار

السلام عليكم اني مقدم على فرجينيا لان كفيلي اهناك اشو اليوم دا اجيك موقع iom كاتبين اوستن تكساس .. شنو الموضوع اخوان اكو احد يكدر يوضح الموضوع ... وشكرا وسؤال ثاني اذا عندي كرين كارد تكدر زوجتي تسوي طلب الى اهلها كدعوة زيارة او اي شي ثاني ... تحياتي لكم

[marky]

شكرا اخوان ما قصرتوا بالرد اشكركم جزيل الشكر .... قدمتوا معلومات حلوة عن المدينة واشو اقتنعت بكلامكم ... اتوقع انه الكفيل مالتي دك الناقصة على كولت الاخ icloud  لان اني اشك هوه مسوي شي واني ما حاط اي ولاية اخرى فرجينيا فقط ومحتمل هذا الشي كان سبب بتاخير معاملتي والله كريم ... شكرا مرة ثانية على المعلومات

[the_skull_of_raziel]

اخي العزيز والله نفس الشي صار ويايه اني طالب تكساس الباسو والكفيل هناك وهم خلوني المكان كونتكيت نيو هافن ودزيتلهم علوان الكفيل واستفسار وكل اشويه يدزولي راساله جيك الموقع راح اتخبل واني اكاتل روحي عله تكساس وهمه امغلسين

[زيونة]

الأخ العزيز ...
أن بعض الظن أثمً .. و احنة بشهر رمضان المبارك حسب معلوماتي القادمون الى فرجينيا هم اللذين لديهم كفيل من الدرجة الأولى لانها غالية و المنظمات يشترطون على الكفيل بمساعدتهم في موضوع السكن أو غيرة و لهذا يحولون اللاجئين الى ولاية رخيصة  فما اعرف كفيلك من الدرجة الأولى ؟؟ أم لا هذا حسب معلوماتي و إذا اكو بيها شيئ غلط أرجو من الإخوان المتواجدين بفرجينيا التعديل .... مع الشكر .

[اناانااناعراقي]

اخي الخطا وارد وصديقي حصلت معاه نفس المشكله وطلع خطا اداري والاخطاء وارده ممكن تتصلب المنظمه وتبلغهم بمشكلتك وااوستن يقولون انها جيده

[the_skull_of_raziel]

الأخ العزيز ...
أن بعض الظن أثمً .. و احنة بشهر رمضان المبارك حسب معلوماتي القادمون الى فرجينيا هم اللذين لديهم كفيل من الدرجة الأولى لانها غالية و المنظمات يشترطون على الكفيل بمساعدتهم في موضوع السكن أو غيرة و لهذا يحولون اللاجئين الى ولاية رخيصة  فما اعرف كفيلك من الدرجة الأولى ؟؟ أم لا هذا حسب معلوماتي و إذا اكو بيها شيئ غلط أرجو من الإخوان المتواجدين بفرجينيا التعديل .... مع الشكر .

اخي العزيز اذا مثل ما اتكول  زين اني ليش طلبت منهم الباسو  تكساس وهي ارخص مدينه بتكساس كله وهم ذبوني بمدينه غاليه ومابيه الكفيل وهي نيوهافن  كونكيت شنو السبب!!!!!!!!!!!؟؟؟؟؟؟؟؟؟؟؟؟؟