جماعة تركيا ارجو المساعدة

[قنبر]

السلام عليكم
اخواني  اني تلقية تهديد جديد يمس حياتي وحياة عائلتي واني مقدم على  iom بغداد وقررت ان اتوكل على الله و اسافر الى تركيا حتى اقدم هناك بس اريد مساعدتكم في بعض الامور.
اولا بخصوص الفيزة اني سمعت انو السفر الى تركيا بدون فيزة فهل هدا صحيح لان عند صديقبي يقول بالنسبة للي مسافر اول مرة لتركيا لازم ينتظر اقل شي شهر حتى يحصل على الفيزة مو مثل الي داخل الى تركيا سابقا.
و الشي الثاني هل عليه ان ابلغ المنظمة هنا بلتهديد و بقرار بسفري و هل ان نقل الملف من  iom بغداد الى تركيا يطول ؟
وهل التقديم على un بتركيا مستمر ام ا نغلق .
ارجو من يمتلك معلومات انو يساعدني واكون ممنون منه

[احمدمالك]

اخي الله يساعدك انشاء الله
راح اجاوبك على الاسئله الي اعرفه
بنسبه للفيزه مال تركيا اشدعوه اطول شهر قبل كم يوم اجوي جماععه يمن الفيزه ما طولت 4 ايام منو الي كال شهر او اخويه قبل عشرين يوم اجه فيزته ما طولت 4 ايام
اما بنسبه لتقديم عن طريق اليوان التقديم مفتوح او ما ينسد ابد
اما باقي الاسئله انشاء الله الاخوه الي يعرفون يفيدوك بيه


احمد\تركيا

[miss meme]

السلام عليكم
بالنسبه للفيزه متطول كم يوم وماله علاقه اول مره او عاشر مره
واذا تجي طياره فيزه بالمطار تاخذ مبحتاج تفيز
وبالنسبه لليو ان مفتوح التسجيل
واي شي يخص تهديد يفيدك بالقضيه ونقل الملف ما اعتقد يطول وكل الي حجيته بملف بفداد تحجيه بتركيا
ربي يوفقك

[قنبر]

الاخت مي مي و الاخ احمد
السلام عليكم و رمضان كريم , اني ممنون منكم على تفضلكم بالاجابة , وادعو الله ان يسهل امركم و يفوقكم

[احمدمالك]

السلام عليكم
بالنسبه للفيزه متطول كم يوم وماله علاقه اول مره او عاشر مره
واذا تجي طياره فيزه بالمطار تاخذ مبحتاج تفيز
وبالنسبه لليو ان مفتوح التسجيل
واي شي يخص تهديد يفيدك بالقضيه ونقل الملف ما اعتقد يطول وكل الي حجيته بملف بفداد تحجيه بتركيا
ربي يوفقك

+1

[ابو اوس 2]

اخي لا يمكن نقل ملفك من بغداد الى تركيا نهائيا
لان iom هنا في تركيا يختلف عملها عن عملها في العراق جذريا هنا فقط لتنظيم رحلات الطيران لا اكثر
تحياتي

[أبو توفي]

انا اقترح عليك يا اخي ان تذهب الى شمال العراق في اربيل او دهوك ومن هناك تستطيع متابعة موضعك مع الIOM افضل من ان تأتي الى تركيا واحتمال كبير جداُ انه يغلقو ملفك في بغداد وتبدأ معاملة جديده هذا اذا انت مسيطر ماديا فالخيار لك اما مسألة غلق اليو ان في تركيا فهذا الكلام عار عن الصحه



    أخوك ابو توفي