سؤال يرجى المساعدة سفري بعد ثلاث ايام بخصوص المطار والجواز

[اسير الظلام]

السلام عليكم اخواني الاعزاء اني اريد اسافر بدون اي مشاكل واريد استفسر عن هذا الامر
جواز ابني ب 2007 اي قبل ستة سنوات والصورة مالتة الي بالجواز يبدو كطفل صغير
والان هو في عمر ال21 وشكلة رجال ماشاءالله لحية وشوارب هو يحب من يزين ايحدد اللحية وهالفيكات مال الشباب هم يشكون ايكلك هذا مو هو مع العلم انو الصورة الي بالجواز تختلف جذريا عن شكلة حاليا
اني اكلة زين اللحية والشوارب واطلع تشبه الجواز ايكول لا نسأل بالمنتدى ونشوف اطلع محلو 
فرحمة الوالديكم كلولنة هم يقارنون بين الصورة الي بالجواز والشكل الحالي

[the_skull_of_raziel]

up للرفع والمساعده

[أسراء الوردة]

الأخ الكريم

ممكن جداً حدوث الشك .... مع أنهم يقدرون عمر الجواز ... كونهم أناس متخصصون

ممكن أستصحاب مستمسك جديد (( أجازة سياقة بصورة حديثة ))

رمضان كريم

وفقتم للخير

[cristiano ronaldo]

الأخ الكريم

ممكن جداً حدوث الشك .... مع أنهم يقدرون عمر الجواز ... كونهم أناس متخصصون

ممكن أستصحاب مستمسك جديد (( أجازة سياقة بصورة حديثة ))

رمضان كريم

وفقتم للخير

من رخصة صاحب الموضوع اختي اسراء ممكن الاستعانة بهوية الكلية وهل يعترفون بها

[alialiali10099]

هذا الشيء يسبب مشكله خلي يزينهن احسن ومن يوصل امريكا خلي يربي شعره عود يامعودين ناقصين تاخير
بالسلامه والامان وربي يسهل امركم

[WhoAmI]

هذا الشيء يسبب مشكله خلي يزينهن احسن ومن يوصل امريكا خلي يربي شعره عود يامعودين ناقصين تاخير
بالسلامه والامان وربي يسهل امركم

لا مو هو مشكلة الولد هسة مو يوصل لأمريكا ...هو مشكلته الحالية "أخاف يطلع محلو"
بربك وين صايرة هاي؟

يعني يحتاجلها سؤال ياصاحب الموضوع العزيز؟؟؟

خلي يزينها وكان الله يحب المحسنين
واذا مزينها الزمله الصوندة ودك كتل 

[دبس و راشي]

مساء الخيـــر اخوية ( اسير الظلام).
اولا ان شاء الله ايامكم الجاية كلها نور وسعادة وفرح .

وثانيا . لاتشيل هم لابنك ( الله يخلي الك).يسافر عادي .. حتى لو شكلة متغير وصايرة عنده لحية .لان الشباب بالجوازات ناس محترفة وداخلين دورات حول كثير من المواضيع الي تخص السفر . ومن ضمن هااي المواضيع تغير شكل الانسان بسبب التقدم بالعمر . فلاتشيل هم ولايضل ابالك اي قلق.
وعندي راي الك ..
ممكن تخلي بالهاند باك ماكنة حلاقة ( استعمال مرة واحده) اذا قفل ابو الجوازات وما اقتنع بان ابنك هو صاحب الجواز من وره اللحية . اكو (تواليت بالصالة ) يدخل ابنك يحلق لحيته .وابوك الله يرحمة.
هسه انته مخير ......
بين ماكنة الحلاقة و بين صوندة WhoAmI ههههههههههههههههههههههههههههههه.
ويارب توصلون بالسلامة .
تحياتي

[WhoAmI]

ههههههههههههههههههه
حبيبي الغالي دبس وراشي العزيز
كل عام وانت بالف خير
رمضان كريم وصيام مقبول
يارب الله يفرجها عليكم ويعيد عليكم رمضان بامريكا السنة القادمة يارب

تعذرني حبيبي على شغلة الصوندة شوية حبيت الطف الجو بنفس الوقت شوية صرت عصبي اسم الله عليك

تحياتي ياغالي

[ألن في بلاد العجائب]

في هذه الحالات ضباط الجوازات يعتمدون على

المسافه بين الجبهه و اسفل نقطه من الانف
المسافه بين بؤبؤ العينين
حجم الاذن 

( نسبه و تناسب )

[أسراء الوردة]

الأخ الكريم

ممكن جداً حدوث الشك .... مع أنهم يقدرون عمر الجواز ... كونهم أناس متخصصون

ممكن أستصحاب مستمسك جديد (( أجازة سياقة بصورة حديثة ))

رمضان كريم

وفقتم للخير

من رخصة صاحب الموضوع اختي اسراء ممكن الاستعانة بهوية الكلية وهل يعترفون بها

الأخ الفاضل

نعم مفيدة للأيضاح

كوسيلة مساعدة .... ويبقى الكلام الطيب مع هكذا ناس متسلطين ليس بعلم يعتد به

هو الحل الأمثل

وفقتم للخير