السلام عليكم اخوتي بس حاب اعرف شكد تطول فترة السفر والاقامة من تركيا عن طريق ال يو ان والله يخليكم حاااااب اعرف كلشي هناك من الايجار والمصرف والمدارس وشكرا
الفتره من سنه ونص ولغايه 3 سنين وموعد المقابله الاولى بعد سنه ولكن يتقدم الموعد بعد فتره
والمحافظات حسب الي مفتوحه للاجئيين وقت التقديم واكو محافظات ع البحر واكو بين جبال واكو قريبه واكو بعيده
وتوجد الرخيصه وتوجد الغاليه وحاليا من افضل المحافظات المفتوحه هي ( سامسون )
وايضا اسطنبول وانقره مفتوحه للاجئيين ولكن يترحل منهه الشخص بعد اشهر لذلك يفضل اختيار محافظه من البدايه
ومن الافضل وجودشخص يساعد العائله بالبدايه لصعوبه التعامل لان الاتراك ما يتكلمون الانكليزي واكو محافظات
اصلا ما مداخلين اله العراقيين ولا يقبلون ايجاروون الهم
اما المدارس يكون الطالب فقط مستمع بيهه بدون شهاده ( ماعندي معلومات كافيه )
والمصرف للعائله يكون كمعدل 8 ورقات بالشهر تشمل الايجار وكل الفواتير طبعا حسب المحافظه ورخص الايجار
والاقامه تكون تقديم ورقه اليوان لامنيات المحافظه المختاره وينطوك الكملك ( دفتر الاقامه )
العمل ممنوع بتركيا للاجىء وان وجد فهي اعمال جدا بسيطه
وتحويل الاموال من العراق لتركيا يكون عن طريق مكاتب الويسترن يونيون الموجوده بكل المحافظات
وعدد المقابلات هي 3 وحده تكون بانقره وحاليا
دتصير بامنيات المحافظه الي يسكن بيهه اللاجىء لتسهيل الامور ع اللاجئيين
و2 باسطنبول عدا الفحوصات والدوره التثقيفيه باسطنبول ايضا
هاي اهم الاشياء وان شاء الله اكون وصلت الك فكره بسيطه
وان شاء الله باقي الاخوان يقدمون معلومات اكثر
اختك راي / تركيا
