فرصة عمل مع الكي بي ار KBR في بغداد والتقديم مفتوح للجميع لكن به شروط

المحرر موضوع: فرصة عمل مع الكي بي ار KBR في بغداد والتقديم مفتوح للجميع لكن به شروط  (زيارة 8669 مرات)

0 الأعضاء و 1 ضيف يشاهدون هذا الموضوع.

غير متصل the_skull_of_raziel

  • عضو فعال جدا
  • ***
  • مشاركة: 954
السلام عليكم اخوتي واخواتي  

حبيت ان اساعد لكي يحصل الجميع عله فرصه العمل والله يعلم بضروفي لا اكدر اطلع من البيت واتحرك واروح اشتغل بس كلت لازم افيد اخوتي الي ميشتغلون لان وره ما طلعوا الامريكان كلنه كعدنه حدايق من دون شغل ودورت هوايه الى حد ما لكيت شركة الkbr الباقيه بالعراق وتوظف بدون واسطه او فلوس بس اكو مطليب غير الي راح اذكره واني اسف ولكن حاولت اني اجيب رقم التلفون بس اتنوا اتعرفون اني ما اكدر اطلع واترحك حتى اجيب الرقم او الايمل بس جبتلكم المكان مال تقديم اولا راح ابدي بالمطاليب نوع العمل مترجم  مترجمه   ويعرف الورد والاكسل مهندس مدني مهندس ميكانيك مهندس طرق وجسور مهندسين نفط  ومو شرط ان يكون كان يعمل من قبل مع الامريكان وايضا مطلوب حداد ..... نجار...... عامل جام ......عامل بناء.... منظف  خبره بصناعة الجملونات  


1. الجنسية اربع نسخ (هويه الاحوال المدنيه )

2. شهادة الجنسيه ان كانت متوفره

3. اربع صور ملونه

4. دفتر ابو  الثلاثين ويكون نظيف يعني ممكتوب بي اي شي او حتى اكو بي شطب

5. والاهم عدم محكومية

6. استمارة وهايه همه ينطوكم اياها ويعلموك اشلون تترسه

والرواتب حسب العمل بس اني اعرف اثنين من الرواتب والرواتب تزيد حسب الخبره والعمل اعرف الحداد العادي يستلم 550$ شهرين
والمترجم العادي ياخذا 750 $ شفت واحد بس اشكد يا خذا اوفر تايم الله اعلم هاي لازم انتو اتسألوهم

العلوان


      
المكان تندل تركيب اللوحات ملعب الشعب ادخل بالشارع ماله بس من توصل يم مفترق الطرق لا تلوف عله اللوحات لوف عله ايدك اليسره وامشي شويه راح تلكه كشك ليجوه مو الكشك الي عله الشارع طبعا اذا تسأل احد محد راح يدليك لان الخباثه عدهم الف هههههه المهم من توصل يم ابو الكشك الثاني راح تشوف دوريه مال شرطه وطنيه طبعا راح تسألهم وين شركة الكونكريت الجاهز عادي حتى لان الاسم تغطيه انته تعرف هل الايام الوضع تعبان كلش المهم راح اتشوف تانكين مال سايلو وتلكه باب امشبج ادخل جوه راح تلكه ورشه مال حداده وكلكه هوايه رحل اتكول داخل مدرسه المهم راح تلكه واحد كاعد عله ميز وعنه شوارب اتكول عتوي ههههه هوه شعره ابيض اتكله الkbr مو هسه يكلك اتفضل حبيبي اتكله جاي عله شغل هسه راح يكلك انتظر لحظه ينطيك استمارة تترسهه وبعدين يكلك اتفضل بس خلي بالك الختبار مباشر والعمل ثاني يوم لان هوايه محتاجين موضفين واني بالخدمه واي شي تريد بس كلي


غير متصل the_skull_of_raziel

  • عضو فعال جدا
  • ***
  • مشاركة: 954
ها صدك راح اتسألوني شنو ليش يردون دفتر ابو الثلاثين ورقه راح يخلوكم تترسو معلومات وصدك نسيت الشركة مستقتله عله مهندسين كيهروميكانيك   

متصل Hasan&Yaseen

  • عضو فعال جدا
  • ***
  • مشاركة: 197

غير متصل alialiali10099

  • عضو مميز
  • ****
  • مشاركة: 1473
  • الجنس: ذكر
  • الحمد لله رب العالمين
راتب المهندس شكد ؟؟؟؟ بارك الله بيك
سُئل علي أبن أبي طالب عليه السلام
كم صديق لك ..؟ قال لا أدري الآن
لأن الدنيا مُقبلة عليّ
والناس كلهم أصدقائي
وإنما أعرف ذلك إذا أدبرت عنيّ
فخير الأصدقاء من أقبل إذا أدبر الزمان عنك

غير متصل أبو الحكم

  • عضو مميز جدا
  • *****
  • مشاركة: 2250
  • الجنس: ذكر
  • Don't mess with me
شركة الـــ KBR طلعت من العراق صار قرن واجتي وراها أربع شركات وماعدها حاليا اي فرع بالعراق واذا انت رايح بنفسك لهذا المكان اتمنى ان تنشر استمارة التقديم او اذا احد يروح ينشر استمارة التقديم اللي مكتوب بيها شعار الشركة للافادة العامة لاني متأكد كل التأكيد ان شركة الــ KBR انتهى عقدها وطلعت من العراق من زمان


http://www.youtube.com/watch?v=d5wsmrCWgUU


الشعب لو كان حياً ما استخف به      فرد ولاعاث فيه الظالم النهم

الحكومة نتاج لثقافة الشعب             فهنيئاً لكُم عراقكم الجديد










غير متصل the_skull_of_raziel

  • عضو فعال جدا
  • ***
  • مشاركة: 954
شركة الـــ KBR طلعت من العراق صار قرن واجتي وراها أربع شركات وماعدها حاليا اي فرع بالعراق واذا انت رايح بنفسك لهذا المكان اتمنى ان تنشر استمارة التقديم او اذا احد يروح ينشر استمارة التقديم اللي مكتوب بيها شعار الشركة للافادة العامة لاني متأكد كل التأكيد ان شركة الــ KBR انتهى عقدها وطلعت من العراق من زمان





خي العزيز الشركه موجوده واني بنفسي اعطيت العلوان لواحد من الاعضاء وراح بنفسه وتأكد وهسه يمكن ديشتغل واتمنى هسه هوه يجاوبك  على العموم اني دزيت واحد حتى يجيك الشركة وراح يجيب انشاء نسخه من الاستمارة مال تقديم  واي استفسار اني بخدمة الطيبين صدق اخويه العزيز خلي ببالك ترة همه يفتحون ساعه 8 ويعزلون ساعة 1.30

غير متصل الفرج2

  • مبدع قسم الهجرة
  • عضو مميز جدا
  • *
  • مشاركة: 4783
  • الجنس: ذكر
بارك الله بكم اجمعين على هذا التعاون الحلو
ان صمتي لا يعني اني لا ادرك ما يقال او لا استطيع الرد عليه , لكنه يعني ان ما يقال لا يستحق الاجابة على الاطلاق . فاذا كان الكلام من فضه , يكون السكوت احيانا وفي هذه الحاله اغلى من الذهب .

غير متصل iraqstare

  • عضو فعال جدا
  • ***
  • مشاركة: 114
السلام عليكم
الموضوع صحيح 100% اليوم اني رحت وقابلت وأستلمت استماره  اكتفو بالشهايد مال الخبره الي عندي
اكول عاشت ايد الي نزل الموضوع وبارك الله بيه لان كان دقيق جدأ بالوصف والشرح
ادعو الله يفتحله باب فرج

غير متصل the_skull_of_raziel

  • عضو فعال جدا
  • ***
  • مشاركة: 954
السلام عليكم
الموضوع صحيح 100% اليوم اني رحت وقابلت وأستلمت استماره  اكتفو بالشهايد مال الخبره الي عندي
اكول عاشت ايد الي نزل الموضوع وبارك الله بيه لان كان دقيق جدأ بالوصف والشرح
ادعو الله يفتحله باب فرج



الله يخليك انشاء الله عن قريب راح اجيبلكم اخبار عن شركة تريد مترجمين بس اني هسه في طور البحث والتقصي لان اني كاعد بالبيت والحركة صعبه واني مهدد المهم اني الان حصلت اسم الشركة والمكان لكن انتظرون بعد جم يوم اجيبلكم كيفيت الدخول وتدللون

غير متصل the_skull_of_raziel

  • عضو فعال جدا
  • ***
  • مشاركة: 954
اخي العزيز نفس الشارع مال لوحات بس لتدخل عله اليمنه ادخل عله اليسره وبعدين اكو دورية بالشارع وبعدين ادخل بالفرع القصير اكو ثنين جنابر مال فلافل عوفهم هم ادخل يسره وبعدين راح اتشوف تانكيات مال سايلو اثنين بالباب راح تلكت باب امشبج ادخل حتى اذا الباب مسدود راح تلكه واحد يم الباب ادخل راح تلكه ورشه مال حداده بس كله ال كي بي ار bkr او شركة الكوكريت الجاهز



نزلت العلوان لان واحد يكول العلوان مو واضح وهم تدللون اخوتي

غير متصل ioi

  • عضو
  • *
  • مشاركة: 5
السلام عليكم
انت ساعة بيش رحت هناك ؟ لان كم مرة نروح وماكو احد مقفولة الباب رجاء اذكر تفاصيل عن الموضوع واكون ممنون الك


غير متصل سبيس

  • عضو مميز جدا
  • *****
  • مشاركة: 2415
وفقك الله يا طيب على هذه المعلومات

هذا كرم منك الى كل الاخوه المحتاجين للعمل






ابو الوليد

غير متصل the_skull_of_raziel

  • عضو فعال جدا
  • ***
  • مشاركة: 954
ممكن سؤال للي راحو الرواتب اشكد محد يكول ؟؟؟؟؟؟؟؟  ??? ??? ??? ???

غير متصل the_skull_of_raziel

  • عضو فعال جدا
  • ***
  • مشاركة: 954
شنو لازم الراتب خوش لغف بيه ههههههههههههههههههههههه ;D ;D ;D ;D ;D ;D

غير متصل alijamal

  • عضو فعال
  • **
  • مشاركة: 53
السلام عابكم

تاكيدا على كلام   the_skull_of_razie وتويتي امريكا بحث بالموقع الرئيسي مال الشركة وعدهم وظائف للاجانب بالرعاق ...يعني ليهسة يشتغلون بالعراق وهذا رابط الموقع والوظايف

https://kbr.taleo.net/careersection/ext2_prof_emea/moresearch.ftl

وشكرا الى الاخ صاحب الموضوع على حبه للخير ...الله يوفقك انشالله

غير متصل memoclever

  • عضو فعال جدا
  • ***
  • مشاركة: 200
  • الجنس: ذكر
اذاواحد اشتغل بيها يصير يقدم على الاي او ام؟؟

غير متصل the_skull_of_raziel

  • عضو فعال جدا
  • ***
  • مشاركة: 954
اذاواحد اشتغل بيها يصير يقدم على الاي او ام؟؟


اعتقد اي

غير متصل the_skull_of_raziel

  • عضو فعال جدا
  • ***
  • مشاركة: 954
اخوان الشغل ما يأثر عله الاي او ام بس عله الاس اي في ورجائا من تصل هناك اسأل

غير متصل هذا عراقي

  • عضو مميز
  • ****
  • مشاركة: 1080
بارك الله بيك حبي والله يوفقك ويفرج عليك بس فد سؤوال

شنو الحديد العادي ؟
وشنو العلوان ؟

غير متصل the_skull_of_raziel

  • عضو فعال جدا
  • ***
  • مشاركة: 954
بارك الله بيك حبي والله يوفقك ويفرج عليك بس فد سؤوال

شنو الحديد العادي ؟
وشنو العلوان ؟


العلوان

المكان تندل تركيب اللوحات ملعب الشعب ادخل بالشارع ماله بس من توصل يم مفترق الطرق لا تلوف عله اللوحات لوف عله ايدك اليسره وامشي شويه راح تلكه كشك ليجوه مو الكشك الي عله الشارع طبعا اذا تسأل احد محد راح يدليك لان الخباثه عدهم الف هههههه المهم من توصل يم ابو الكشك الثاني راح تشوف دوريه مال شرطه وطنيه طبعا راح تسألهم وين شركة الكونكريت الجاهز عادي حتى لان الاسم تغطيه انته تعرف هل الايام الوضع تعبان كلش المهم راح اتشوف تانكين مال سايلو وتلكه باب امشبج ادخل جوه راح تلكه ورشه مال حداده وكلكه هوايه رحل اتكول داخل مدرسه المهم راح تلكه واحد كاعد عله ميز وعنه شوارب اتكول عتوي ههههه هوه شعره ابيض اتكله الkbr مو هسه يكلك اتفضل حبيبي اتكله جاي عله شغل هسه راح يكلك انتظر لحظه ينطيك استمارة تترسهه وبعدين يكلك اتفضل بس خلي بالك الختبار مباشر والعمل ثاني يوم لان هوايه محتاجين موضفين واني بالخدمه واي شي تريد بس كلي

غير متصل iraqi 64

  • عضو فعال جدا
  • ***
  • مشاركة: 231
  • يقيني بالله يقيني
 السلام عليكم اخي العزيز ورحمه الله والديك على هاي المساعده اكو شغله صغيره يعني انت لازم تعرف الفرق بين العلوان -- والعنوان وانت كررته اكثر من مره زين هاي بله عرفناهه الاخرى شنو الحديد العادي ؟؟؟؟؟؟؟؟؟؟ وسالك الاخ اللي قبلي وبعدك مصر على الكلمتين ارجو التصحيح للافادة مع الشكر.

غير متصل the_skull_of_raziel

  • عضو فعال جدا
  • ***
  • مشاركة: 954
اخي خطا بالكتابه اقصد بيه الحداد العادي جان 550$ هاي بالنسبه للحداد العادي ام حداد 4 جي يختلف وايضا حداد 6جي او ما يطلق عليه لحام انابيب راتبه يختلف

غير متصل أبن الدورة

  • عضو فعال جدا
  • ***
  • مشاركة: 101
  • الجنس: ذكر
بس احب اكول للشخص الي يكول اني متاكد الكي بي ار طلعت ؟؟؟ اني صديقي يشتغل بالخضراء بالكي بي ار وموجودة بعده ؟؟ واني حاليا ادام بالتاجي والخدمات ما زالت بين ثلاث شركات كي بي ار وسوسي وسوداد ؟ هذولة الي لازمين التاجي من ناحية الخدمات ي=فيعني بعدهم موجودين وانت ما متاكد تحياتي
لا تاسفن على غدر الزمن لطالما ..... رقصت على جثث الاسود كلابا
لا تحسبنها برقصها تعلو اسيادها ..... يبقى الاسد اسدا والكلب كلبا

غير متصل the_skull_of_raziel

  • عضو فعال جدا
  • ***
  • مشاركة: 954
بس احب اكول للشخص الي يكول اني متاكد الكي بي ار طلعت ؟؟؟ اني صديقي يشتغل بالخضراء بالكي بي ار وموجودة بعده ؟؟ واني حاليا ادام بالتاجي والخدمات ما زالت بين ثلاث شركات كي بي ار وسوسي وسوداد ؟ هذولة الي لازمين التاجي من ناحية الخدمات ي=فيعني بعدهم موجودين وانت ما متاكد تحياتي


عاشت الايادي 1+++

غير متصل الفرج2

  • مبدع قسم الهجرة
  • عضو مميز جدا
  • *
  • مشاركة: 4783
  • الجنس: ذكر
تسلمون على هذا التعاون الحلو يا حلوين
ان صمتي لا يعني اني لا ادرك ما يقال او لا استطيع الرد عليه , لكنه يعني ان ما يقال لا يستحق الاجابة على الاطلاق . فاذا كان الكلام من فضه , يكون السكوت احيانا وفي هذه الحاله اغلى من الذهب .

غير متصل the_skull_of_raziel

  • عضو فعال جدا
  • ***
  • مشاركة: 954
تسلمون على هذا التعاون الحلو يا حلوين

انشاء الله شي جديد عن قريب

غير متصل هذا عراقي

  • عضو مميز
  • ****
  • مشاركة: 1080
حبي رحنة اليوم وكالوا مقبطة كم يوم وتعالوا ماكو واحد يعرف الاخبار بهد كم يوم بلضبط نروح ؟

غير متصل OK H.K

  • عضو فعال جدا
  • ***
  • مشاركة: 722
( وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنْتَ أَرْحَمُ الرَّاحِمِينَ )

غير متصل احمد السنفور

  • عضو فعال جدا
  • ***
  • مشاركة: 169
اخوان هاي الشركه اسمهاawi الشركه مال توظيف بالسفاره او الملحقيه هي هاي شغلتها مكتب توظيف يعني بس بالسفاره .الشغل بيها عمال حدادين طباخين و مشغل مولد يعني شغلات تعبانه و الدوام 12 ساعه .ماكو طلب ع مهندسين بس تعينات براسها خير ماكو .لا كي بي ار و لا غير شي

غير متصل الفرج2

  • مبدع قسم الهجرة
  • عضو مميز جدا
  • *
  • مشاركة: 4783
  • الجنس: ذكر
اخوان هاي الشركه اسمهاawi الشركه مال توظيف بالسفاره او الملحقيه هي هاي شغلتها مكتب توظيف يعني بس بالسفاره .الشغل بيها عمال حدادين طباخين و مشغل مولد يعني شغلات تعبانه و الدوام 12 ساعه .ماكو طلب ع مهندسين بس تعينات براسها خير ماكو .لا كي بي ار و لا غير شي


يعني شلون هسه نعوف امريكا ونجي نشتغل بالكي بي ار ؟؟؟؟؟
ان صمتي لا يعني اني لا ادرك ما يقال او لا استطيع الرد عليه , لكنه يعني ان ما يقال لا يستحق الاجابة على الاطلاق . فاذا كان الكلام من فضه , يكون السكوت احيانا وفي هذه الحاله اغلى من الذهب .

غير متصل احمد السنفور

  • عضو فعال جدا
  • ***
  • مشاركة: 169
منو كلك عوف امريكا ابقى بس هذا الحجي للحدايق الماعدهم شغل

غير متصل the_skull_of_raziel

  • عضو فعال جدا
  • ***
  • مشاركة: 954
منو كلك عوف امريكا ابقى بس هذا الحجي للحدايق الماعدهم شغل

اخي احمد مو كل الشغل للحدايق اكو واحد من الاعضاء مهندس هسه كام يشتغل وياهم وراتبه 900 $ واكو واحد دزيته بنفسي قبل لا انشر الموضوع راح اهناك  وهو هسه ديشتغل  مترجم ويكتب اكس وجداول اسماء الموضفين والجرودات وراتبه 765$ شهريا وللعلم اكو خط بمكان محدد ما اكدر اذكر المكان وهذا الخط يبعد عن بيتهم 100 متر يا خذه للعمل بس الاكل عليه واني متأكد من قولي

غير متصل الفرج2

  • مبدع قسم الهجرة
  • عضو مميز جدا
  • *
  • مشاركة: 4783
  • الجنس: ذكر
ان صمتي لا يعني اني لا ادرك ما يقال او لا استطيع الرد عليه , لكنه يعني ان ما يقال لا يستحق الاجابة على الاطلاق . فاذا كان الكلام من فضه , يكون السكوت احيانا وفي هذه الحاله اغلى من الذهب .

غير متصل the_skull_of_raziel

  • عضو فعال جدا
  • ***
  • مشاركة: 954
اخوان التقديم صار هوايه سهل لان البارحه واحد راح وكال الكي بي ار شالت بس بقت awi والتقديم اون لاين ووكلش سهل وعلى الراغبين بالتقديم  يرحون للمكان حتى ياخذون التعلميات وشكر للجميع

غير متصل the_skull_of_raziel

  • عضو فعال جدا
  • ***
  • مشاركة: 954
اخوان الكي بي ار راحت بس awi صارت بمكانها ولازم الواحد يروح هناك حتى يحصل الايمل ويدزلهم الcv اونلاين وصار التقديم اسهل مع تحياتي

غير متصل SILVER__D

  • عضو فعال
  • **
  • مشاركة: 57
قبل فتره اكثر من 10 أيام قدمت على شغله في ال KBR خابرني الركروتر مالتهم يوم الجمعة كالي احنه مستلمين السي في مالتك وننتصر انحددلك موعد مقابله يا أما على السكايب أو  وحجز الك تيجي لمقر العمل يعني اوفس مالتهم في فرجينيا عن قريب وبعد ماعرف شنو التطورات
والموقع صاير بالسفاره الأمريكية بغداد واذا عبرت امتحان مالتهم ماعرف مال شنو بالضبط اشتغل واذا لا ارجع انتضر منهم تلفون ثاني تحديد مقابله
والشغل على ملاك وزاره الخارجيه الأمريكية
بعد نشوف وين تصفى وياهم
تحياتي 

غير متصل Eagle eye

  • عضو
  • *
  • مشاركة: 21
هههههههههههههههههههههه

هاي  ليش العراقيين كلمن يحجي بكيفه,,,,وليش الحبايه يسويها كباية ,, وليش دائمآ يحاول يطلع فهيم براس العالم ,, وهو بس يسمع ومشايف بعينة و يا ناس ما اكول بس أتقوى الله بالعباد,, واذا الخبر ممتأكد منه 100% لا تحاول تنقله وتكول سمعت ,, او فلان كلي ,, حتى لو صديقك كلك ,و شنو هو نبي وميجذب عليك ,, هذا الموضوع ينطلق عليه ( الدعايه ,, ) وعدنا داخل منطقة العمل ( رومر) Rumor

أو هي الأشاعة ,, الي هو اصلآ خبر كاذب أو خبر صحيح بس جماعة يسوون عليه شوية زلاطة وملح

الخبر المنشور صحيح مو كذب ,, بس اخذ اكثر من حجمة الطبيعي,, وأكو شخص صح حجه عليه الي هو كال أسم الشركة AWIبس هم رجعوا وحطوا عليه بهارات وملح

باختصار الشركة جانت بملعب الشعب وانسدت,,
الشركة متعينك مباشر بالسفارة,,
مو كل وأحد يقدم استمارة ويخلص مقابلة معناها أتعين,, وراها تلحكة مقابلة مع الامريكان ,, واحتمال متعبر وتنفصل
اقوى راتب للمتعين الجديد $700 دولار و 95 دولار 12 ساعة يوم واحد عطلة
لازم عندك أنكليزي,, ترة يحطوك منظف
أذا عندك صبر ,, راح تنفتح مجلات اخرى الك ,, واحتمال تتعين بالسفارة

الخ .. الخ ... الخ ما بيه احجي وانطي تفاصيل بعد.. بس الي يريد يفتهم شنو الموضوع وعندة سؤال محدد يدزلي على الخاص
واخير ترة التعين مجانآ ,, مجانآ ,, وحاليآ ملعب الشعب مسدود يا أخوان ,, ومن يفتحون المكان الجديد ابلغكم ,, وين وشلون
والي ينطي فلوس مغفل ,, والي يحاولون يستغلوا ,, بس يدزلي على الخاص وينطيني اسم ورقم تلفون اذا وجد ,, ويشوف بعينه شيصير بالمقابل ,, لان اكو هواي ناس انطرحت زوج,, واني مسؤول عن كلامي ,, مسؤول عن كلامي ,, ترة حاليآ  التعين مسدود ويبدي ورة شهر ال 12 بهاية السنة ,,, واي واحد اخذ أو راح يكول انطيني فلوس رجاءآ بلغني لان اكو هواية ناس استغلوا بأسم الشركة ,, وأريد نتعرف عليهم خدمة للصالح العام


مع التقدير

جهة مسؤولة 




غير متصل اسعد العراقي

  • عضو فعال جدا
  • ***
  • مشاركة: 521
  • اذا دعتك قدرتك على ظلم الناس فتذكر قدرة الله عليك
هسة الصدك وين والجذب وين مدنفتهم كل شي وضاعت علينه الحسبة وفوكاها جهة مسؤولة اشرد احسن
http://www.ot2.com/download/95703/Jesus المسيح خلفية-9223281.jpg.html

غير متصل Eagle eye

  • عضو
  • *
  • مشاركة: 21
هسة الصدك وين والجذب وين مدنفتهم كل شي وضاعت علينه الحسبة وفوكاها جهة مسؤولة اشرد احسن

يعني لو كايلك جيب فلوس واعينك ,, جان صرت خوش ادمي براسك.. مو جبتلكياها من الاخير وكتلك ترة اكو كلاوجية وجاي ينصبون على العالم
لو تحب أصير غشيم.. ومن كتبت جهة مسؤولة مو معناها أني مدير الشركة ولا موظف وياهم ( بس هذا كلامهم اصحاب الشركة ),, و الشركة موجودة داخل الخضراء وأحنا قريبين منهم ويومية مخابرهم واحد وكايللهم بطحوني وأخذو فلوس مني , ومتعينت, فالجماعة أبلغين اي واحد تسمعون ماخذين فلوس جيبونه رقمه او تلفونه لأن العديد من الموظفين الموجودين بداخل الشركة يجبون ناس على اساس كرايبهم واصدقائهم ويكفون باب الشركة يتوسلون ويكولون خطيه ايجار وما عدهم شغل ,, وهم باطحيهم ليكدام بعشر ورقات علمود يعينه,, ورة ميداوم يكول فلان اخذ مني فلوس,, لهذا سدوا ملعب الشعب,, من ورة مشاكل الرشاوي ,, (والمي تكذب الغطاس ) روح وشوف بعينك ومن تلكى مزدود والناس القريبين يكولولك عزلوا بعد راح تقتنع بكلامي واذا متريد فالخيار الك ,,
بس حبينه نفيد العالم علمود لا ينزوجون وأحد يكلهم أكو تعيين حاليآ

 

تحياتي

غير متصل القدّيس

  • عضو فعال جدا
  • ***
  • مشاركة: 92
هسة الصدك وين والجذب وين مدنفتهم كل شي وضاعت علينه الحسبة وفوكاها جهة مسؤولة اشرد احسن

يعني لو كايلك جيب فلوس واعينك ,, جان صرت خوش ادمي براسك.. مو جبتلكياها من الاخير وكتلك ترة اكو كلاوجية وجاي ينصبون على العالم
لو تحب أصير غشيم.. ومن كتبت جهة مسؤولة مو معناها أني مدير الشركة ولا موظف وياهم ( بس هذا كلامهم اصحاب الشركة ),, و الشركة موجودة داخل الخضراء وأحنا قريبين منهم ويومية مخابرهم واحد وكايللهم بطحوني وأخذو فلوس مني , ومتعينت, فالجماعة أبلغين اي واحد تسمعون ماخذين فلوس جيبونه رقمه او تلفونه لأن العديد من الموظفين الموجودين بداخل الشركة يجبون ناس على اساس كرايبهم واصدقائهم ويكفون باب الشركة يتوسلون ويكولون خطيه ايجار وما عدهم شغل ,, وهم باطحيهم ليكدام بعشر ورقات علمود يعينه,, ورة ميداوم يكول فلان اخذ مني فلوس,, لهذا سدوا ملعب الشعب,, من ورة مشاكل الرشاوي ,, (والمي تكذب الغطاس ) روح وشوف بعينك ومن تلكى مزدود والناس القريبين يكولولك عزلوا بعد راح تقتنع بكلامي واذا متريد فالخيار الك ,,
بس حبينه نفيد العالم علمود لا ينزوجون وأحد يكلهم أكو تعيين حاليآ

 

تحياتي


بارك آلله بيك يا اخونا العزيز , وياريت تكدر تساعدني بالحصول على عمل في أقرب وقت مع هذه الشركة واكون ممنون منك مع الشكر الجزيل لحضرتك


غير متصل SILVER__D

  • عضو فعال
  • **
  • مشاركة: 57
شوعلكت شسالفه يمعود إذا الأستاذ معني بالشركة خلص هوه يجيبلكم المفيد وأنشأ لله الي يريد يشتغل يساعدهم وميقصر وياكم
كولو يا الله
تحياتي الكم
سلفر

غير متصل Eagle eye

  • عضو
  • *
  • مشاركة: 21
السلام عليكم

أخوان أشكركم ردودكم ,, بس نظام السفارة كل سنه بشهر العاشر يوقفون التعين ,, لان يعتبر نهاية سنه مالية وهذا ينعكس على الشركات المتعاقدة وياهم و,, مثل AWI..والعقد لو ينطوة الشركة جديدة لو يمددوا للشركات القديمة ,, في كلا الحالتين التعين راح يبدي ورة شهر ال12

ومن يحددون المكان الجديد للتعين راح أكو اول واحد يعلمكم وانزل التلفونات الي راح تتصلون بيها مباشر بالشركة ,, لأي أستفسار أو شكوى

وانشاء الله بعد فترة راح أنزل الاسماء الي ابتزوا العالم علمود العالم تتعرف عليهم وميقعون بالغلط مرة ثانية ,,


غير متصل iron man

  • عضو فعال جدا
  • ***
  • مشاركة: 405
  • الجنس: ذكر
الله يبارك بكل واحد يحب الخير لاخوته ...يارب يسهل امركم شباب

غير متصل likeman

  • عضو فعال
  • **
  • مشاركة: 68
شلون تكول بشهر 12 ينفتح واني العام قدمت بشهر التاسع وداومت بشهر ال11
حبيبي اتاكد من معلوماتك ومنو كالك بلاش التعين اني بالنسبه الي مادفعت شي
بس اغلب الي داوموا فلوس الله وكيلك ﻻن من
الشركه شغلته تتكنسل والمقابلات كله بساحه النسور
القصر او البروسبرتي تقريبا 3 مقابلات وغير الفحص
والبصمات ..يامسووول الشركه



غير متصل likeman

  • عضو فعال
  • **
  • مشاركة: 68
اسف مكملت التعليق  يامسوول الشركه الي يساعدني
رايد ايميل مدير الشركه بكون ابن حلال ويحل شغلتي ماريد بس رساله تاكيد عمل
داومت شهرين ونص وتركت وعندي ايميل مسوول الشركه الي
كان بالبروسبرتي بس كلما اراسله يكول خطاء الايميل
والاخوان سالتهم هنا يكولون روح لملعب الشعب
وجنابك تكول مسدود شسوي اخوان ساعدوني
وانتو ناس تحبون تسوون خير

غير متصل Eagle eye

  • عضو
  • *
  • مشاركة: 21
حبيبي ,,, like Man

اولأ أني جاي أنصح الناس ,, الي يحب ياخذ نصيحة ابلاش خيرآ على خير والي ميريد ,, هاي مشكلته , واذا وقع بالخطأ هم راح انساعدة,, راح اثبتلك ,, أنه كلشي ابلاش , وبدون اي مقابل
وأعرف أنت جاي تسأل على ورقة الاج أر,, علمود السفر ,, بس انطيني ( البي نمبر مالتك) (P0xxxx)الي جان على ورقة التايم شيت ( ورقة الراتب)  وياها ايميلك علمود ادزها الك وبيك خير وادلل ,, ومن تستلمها ,, ردلي خبر وعلى العام   علمود اصدك بعد

تحيـــــــــــــــــــــــــاتي

غير متصل likeman

  • عضو فعال
  • **
  • مشاركة: 68
رحمه والديك والله يكثر من امثالك تنقذني من مشكله كبيره ممنون الك راح ادزلك على الخاص تسلم ورده

غير متصل القدّيس

  • عضو فعال جدا
  • ***
  • مشاركة: 92
السلام عليكم

أخوان أشكركم ردودكم ,, بس نظام السفارة كل سنه بشهر العاشر يوقفون التعين ,, لان يعتبر نهاية سنه مالية وهذا ينعكس على الشركات المتعاقدة وياهم و,, مثل AWI..والعقد لو ينطوة الشركة جديدة لو يمددوا للشركات القديمة ,, في كلا الحالتين التعين راح يبدي ورة شهر ال12

ومن يحددون المكان الجديد للتعين راح أكو اول واحد يعلمكم وانزل التلفونات الي راح تتصلون بيها مباشر بالشركة ,, لأي أستفسار أو شكوى

وانشاء الله بعد فترة راح أنزل الاسماء الي ابتزوا العالم علمود العالم تتعرف عليهم وميقعون بالغلط مرة ثانية ,,




آلله ربي يوفقك لكل خير , واحنا كلنا بانتظار اخبارك يا ورد الورود

غير متصل احمد البغدادي55

  • عضو فعال جدا
  • ***
  • مشاركة: 298
ولوو هوة موضوع قديم بس  بس شفت الجماعا متحمسين وية موضوع

هذا تقديم كان وبداية رمضان يمكن اني اول 10 دخلنا لشركة وبقيت اراجع بيهه شهر مخليت عدم محكومية وسويت مقابلات الي هم يسموها فتنك وبصمات فتنك يطول بيك ساعتين وبكل مقابلة يصورك فديو عبالك مدري وين حيشتغل والمصيبة اني عندي 8 عمام لاازم تكتب كل فرد سيفي منه عمي سيفي وزوجته سيفي وجهالة سيفي يعني دفتر ابو 30 وين يخلي ههههه وراها يسويلك مقابلة فديو ويسئلك عامي شامي ويشوفك صدك لو جذب كسر بجمع شركة فاشلة اني عود دزني المدير عليهم ودز اسمي لهم والشركة مقرها بل تاجي على اساس على سنة جديده تتحول بل مطار والجماعا الي عدهم واسطة مشت شغلتهم مع العلم هم خوش ولد اتصلت بل مدير قبل اسبوع كلي حمودي افترت علينا احنا نطلب اسماء موضفين اشو هم كامو يدزولنة هاي شركة مخربطة   ,,, من خلصت كلشي مقابلات 3 تدقيق واخذ معلومات ونوبة فتك وعدم محكومية طلعت الروح حد متجيبهه وبعدين روحو نتصل بيكم يعني iom ميحقق هيج وياك   ... ورا اسبوع تقريبا اكو صديق بل منطقة جان عنده فتنك راح لكاهم بخبر كانة حاطيلهم سيارة مفخخ كبال باب شركة ومفجريه ههههه والاسم الشركة مو معمل حدادة معمل السجاد يصير مقابيل ملعب الشعب هم اهناك يعرفو معمل سجاد ولا داعي لذكر اسم كي بي ار واسف على الاطالة تحياتي

غير متصل Eagle eye

  • عضو
  • *
  • مشاركة: 21
ولوو هوة موضوع قديم بس  بس شفت الجماعا متحمسين وية موضوع

هذا تقديم كان وبداية رمضان يمكن اني اول 10 دخلنا لشركة وبقيت اراجع بيهه شهر مخليت عدم محكومية وسويت مقابلات الي هم يسموها فتنك وبصمات فتنك يطول بيك ساعتين وبكل مقابلة يصورك فديو عبالك مدري وين حيشتغل والمصيبة اني عندي 8 عمام لاازم تكتب كل فرد سيفي منه عمي سيفي وزوجته سيفي وجهالة سيفي يعني دفتر ابو 30 وين يخلي ههههه وراها يسويلك مقابلة فديو ويسئلك عامي شامي ويشوفك صدك لو جذب كسر بجمع شركة فاشلة اني عود دزني المدير عليهم ودز اسمي لهم والشركة مقرها بل تاجي على اساس على سنة جديده تتحول بل مطار والجماعا الي عدهم واسطة مشت شغلتهم مع العلم هم خوش ولد اتصلت بل مدير قبل اسبوع كلي حمودي افترت علينا احنا نطلب اسماء موضفين اشو هم كامو يدزولنة هاي شركة مخربطة   ,,, من خلصت كلشي مقابلات 3 تدقيق واخذ معلومات ونوبة فتك وعدم محكومية طلعت الروح حد متجيبهه وبعدين روحو نتصل بيكم يعني iom ميحقق هيج وياك   ... ورا اسبوع تقريبا اكو صديق بل منطقة جان عنده فتنك راح لكاهم بخبر كانة حاطيلهم سيارة مفخخ كبال باب شركة ومفجريه ههههه والاسم الشركة مو معمل حدادة معمل السجاد يصير مقابيل ملعب الشعب هم اهناك يعرفو معمل سجاد ولا داعي لذكر اسم كي بي ار واسف على الاطالة تحياتي




حبي

كلامك نص صحيح والنصف الثاني غير صحيح

موضوع تقديمك كله من الفتنك والمعلومات والمقابلات والروتين الطويل صحيح مو كذب لان انت راح تدخل للسفارة الامريكيه ,و وانت تعرف شنو معنا أما هي شركه فاشلة فحبي هاي الشركة صارلها سنتين وي السفارة,,,وتقريبآ أتمدد عقدها لسنه 2014 وو وكذالك شغلة المفخخة,, هم كلام مو صحيح ,, وليش كلامك صحيح وكلامك صديقك مو صحيح ,و كلامك لأن انت متأكد منه بس كلام صاحبك انت سمعت من عندة مشفت بعينك وهذا يوقعنا بغلاط اهوايه ,, شنسمع انصدك.. وسؤال أنت تكول كملت كلشي وصارك هوايه ليش مداومت ليهسه

بس هاي مال أتصلت بالمدير واكلك أفترت عليناحمودي ( أذا) انت تعرفة المدير فخلي أتولي  مو قصدي استهزاء بيك لا حبي لا تفهمني غلط

بس الي أعرفة ميطابق كلامك لا موضوعآ ولا شخص المدير نفسه ومستعد اثبتلك

غير متصل احمد البغدادي55

  • عضو فعال جدا
  • ***
  • مشاركة: 298
حبيبي هذا الي صار وياية وبل نسبة شلون تثبتلي اتصلك بل مدير واسجل مكالمة وجيبهه الك حتى تصدك  :-\

هذا المدير بكي بي ار بمطار بغداد 2011 جان متعاقد وية شركة كاديني  وحاليا هية نفسهه هية wo  واسمه الشركة ومكانهه  اعتقد القدرة والابداع مكانها مقابيل ملعب الشعب وتكدر تروحلهم وتشوف اني اخر يوم من سلمت عدم محكومية اجتهم الاستخبارات طلبو منهم العقد مالتهم لاان بصفهم دائرة حكومية اعتقد الامن العامة تفصل بيناتهن بس صبه  اخر ايام   لااشباب اهواي كامو يقدمون وازيدك علم مو ياهو يجي يقدم يسئلو منين انتةة من بغداد الرصافة الاولى عليهم اكس بس الكرخ يعني شارع فلسطين زيونة العامرية الاعضمية اصليخ من هاي المناطق اعتقد وصلت واني حبيت اوضح هذا الي صار وياية واسم المدير اسمة مصطفى ابيضاني وطويل  ,,,, هسةنجي اشلون حتثبتلي  :-\ :-\ :-*

غير متصل احمد البغدادي55

  • عضو فعال جدا
  • ***
  • مشاركة: 298
ليش مداومت لحد هسة .؟ لعد شنو الي خلاني اكول عليهه شركة فاشلة شهر كامل بشهر رضمان اني اراجع بيهم وكلشي مكمل وماعندي شي روحو ونتصل بيكم واحنا 5 يجوز اني كان تلفوني مغلق او مشغول اصدقائي نفس شي واني كتبتلك المدير داز اسمي مو اني من وحدي رحت

غير متصل the_skull_of_raziel

  • عضو فعال جدا
  • ***
  • مشاركة: 954
اخوني الاعزاء الموضوع للفائده العامه والله ميحتاج تجادلون تقبلوا تحياتي

غير متصل Eagle eye

  • عضو
  • *
  • مشاركة: 21
حبيبي هذا الي صار وياية وبل نسبة شلون تثبتلي اتصلك بل مدير واسجل مكالمة وجيبهه الك حتى تصدك  :-\

هذا المدير بكي بي ار بمطار بغداد 2011 جان متعاقد وية شركة كاديني  وحاليا هية نفسهه هية wo  واسمه الشركة ومكانهه  اعتقد القدرة والابداع مكانها مقابيل ملعب الشعب وتكدر تروحلهم وتشوف اني اخر يوم من سلمت عدم محكومية اجتهم الاستخبارات طلبو منهم العقد مالتهم لاان بصفهم دائرة حكومية اعتقد الامن العامة تفصل بيناتهن بس صبه  اخر ايام   لااشباب اهواي كامو يقدمون وازيدك علم مو ياهو يجي يقدم يسئلو منين انتةة من بغداد الرصافة الاولى عليهم اكس بس الكرخ يعني شارع فلسطين زيونة العامرية الاعضمية اصليخ من هاي المناطق اعتقد وصلت واني حبيت اوضح هذا الي صار وياية واسم المدير اسمة مصطفى ابيضاني وطويل  ,,,, هسةنجي اشلون حتثبتلي  :-\ :-\ :-*

حبي

ال AWI عدها موقع بالمطار بس صدكني هذا الشخص ميشتغل وياهم لا من بعيد ولا من قريب وكون على ثقة ورقم وشخص المدير مالتهم بالمطار موجود عندي حاليآ ومستعد أد زلكيا  على الخاص ,, وبالنسبة الموقع الشركة الي بملعب الشعب هو عبارة عن موقع تقديم فقط ,, لا أكثر وموقع الشركة بغير مكان هاي واحد

وثانيآ هو وي الكي بي وي كديني أشجابة على الاي دبليو أي  وجديدة عليك واحد يجذب ويكولك اني أعرف فلان وفلان واني مدير بفلان شركة ,, مو أنت كلتها كلشي مسوالك اني مشايف مدير كلشي ميكدر يسوي ..

هسه نجي شلون أثبتللك وأني لا مدير ولا هم يحزنون ,, مجرد أحاول أساعدك واساعد الناس لان اني دائمآ كلما أصير عندي شغلة الكه ابن حلال يسهل اموري ويساعدني فليش ما اساعد وأرد الجميل للناس

أكو بالورقة مال المقابلة الي انطوكياها  وحددولك موعد مقابلة رقم على جهة اليسرى 2012-234 هيجي تقريبآ ينكتب ,, دزليا على الخاص واثبتلك شنو معاملتك وين صارت

غير متصل احمد البغدادي55

  • عضو فعال جدا
  • ***
  • مشاركة: 298
مشكلة مكاعد تصدكني بس هذا الي صار وياية وممجبور اكذب عليك بشي  :(  ماكو اي ورقة نطوني من سلمت فايل كملت كلشي كلولي روح واحنا نتصل بيك وابوك الله يرحمة

غير متصل the_skull_of_raziel

  • عضو فعال جدا
  • ***
  • مشاركة: 954
مشكلة مكاعد تصدكني بس هذا الي صار وياية وممجبور اكذب عليك بشي  :(  ماكو اي ورقة نطوني من سلمت فايل كملت كلشي كلولي روح واحنا نتصل بيك وابوك الله يرحمة


اخي قدم من اربيل احسنلك


غير متصل likeman

  • عضو فعال
  • **
  • مشاركة: 68
كلام اﻻخ eagle eyeصحيح ومظبوط 100%100
ماكو داعي للتشكيك في كلامه ﻻن اﻻخ صاحب
موقف نبيل ومشرف وهو اصدق شخص بالنسبه لمعلومات الشركه
اما بالنسبه اﻻخ احمد البغدادي اعتقد منطي فلوس والجماعه ناكرين
شغلته نصيحتي الك اخ احمد اسمع كلام اﻻخ eagleومراح تتندم

غير متصل احمد البغدادي55

  • عضو فعال جدا
  • ***
  • مشاركة: 298
likeman ههههههههههه حبيبي صارلي من مقدم 6 اشهر وكلشي ماكو هسة ماريد بس ارجع فايل حتى شغل ماريده هههه تحياتي

غير متصل الماس ستي

  • عضو
  • *
  • مشاركة: 15
  • الجنس: ذكر
السلام عليكم اخواني اني قدمت على السفاره ونطوني استماره وكالو نتصل بيك وصارلي 3 تشر ماكو ممكن عرف منا منا بل سفاره يكدر يساعدني ارجوكم ساعدوني بس خلي ايمشي معاملتي

غير متصل احمد البغدادي55

  • عضو فعال جدا
  • ***
  • مشاركة: 298
السلام عليكم اخواني اني قدمت على السفاره ونطوني استماره وكالو نتصل بيك وصارلي 3 تشر ماكو ممكن عرف منا منا بل سفاره يكدر يساعدني ارجوكم ساعدوني بس خلي ايمشي معاملتي



اني مثلك كملت كلشي عدم محكومية مقابلات فديو لو  شغلات مملة كملتهه بهذاك رمضان الفات صارلي تقريبا 8 اشهر ولحد الان ماكو هية تابعا لشركة كاديني كاديني تغيرت اسمهه صارت awi اسم الشركة القدرة والابداع

غير متصل long wait

  • عضو فعال
  • **
  • مشاركة: 47
حتى البنيه تحتاج عدم محكوميه

غير متصل the_skull_of_raziel

  • عضو فعال جدا
  • ***
  • مشاركة: 954
اعتقد المره ما مشموله بعدم المحكوميه هذا اعتقاد شخصي بس لازم اتسألين