باسوورد الموقع

[ابو الاوبترا]

السلام عليكم شباب شلون الصحة ورمضان المبارك عليكم
اريد اسئلكم الباسوورد مالتي مال موقع صار اكسباير
ومدا يفتح الموقع
دزيت FORGET PASSWORD
ووصلني الايميل وبي رابط ودست عليه وطلعلي اكتب الباسوورد الجديد
لهنا عادي
المشكلة مدا ياخذ الباسوورد وحاولت على اكثر من كلمه مدا يقبل اصلا مدا يحمل الصفحه
وتالي شلون اللي يعرف ياريت ينورني
تحياتي الكم

[برنسو]

اخوية العزيز ابو الاوبترا ... هذا معناه الحساب مالتك انقفل يمهم ويحتاجله اعادة تفعيل. لان الباسوورد اله محدة محددة اذا صار اكسباير ينقفل الحساب وميفيد وياه بعد اي طريقة لتعيين باسوورد جديد.

الحل انه ترسل الهم رسالة تكلهم حسابي انقفل... فارجو اعادة تفعيل الحساب. من يجي ردهم انه تم تفعيل حسابك تروح على فوركيت باسوورد وتصير العملية مباشرة بدون اي مشاكل.


تحياتي ..... برنسو

[alialiali10099]

Up

[برنسو]

لالالالالالا حياتي كلشي مابي الموقع  ولدز رساله الهم ولا تسوي شي الكلام مال اخ  الفوكاية مو حقيقي اعذرني بس هاي الصراحة ..؟ والتفعيل مابي شي . هاي اني صارت بيه  بحيث ميكلك شي ويخليك حاير حتى متنداس الدكمة ولا تنكلب الصفه ولا شي يخليها سكته يضل مغلس . ..

المهم الحل سهل ... تكتب  كلمات سر صعبه شويه الحد ميقتنع الموقع وكبل راح يوافق اني حوالي نص ساعه يلا كدرت

جرب هذني ويشتغل مليون بالمية . لتخاف مابي شي وربك . بس اذا مصارن هذني اريدك انت تحاول تسوي كلمة سر صعبه لحد ميقتنع الموقع لان  مره صارت بيه وخلاني ادوخ . خبلني الى ان ضليت احاول بي يلا وافق على واحد من الباسوردات



Pass@2020
Pass@9898
Pass@2323
Pass@3434
Pass@5454
Pass@2222
 اختار اليعجبك انسخ وشمر
 

اخي تحذير ... كلامي مو حقيقي شنو!! اني مدا احجي من جيبي هذا الامر صار عندي وعند هواية اعضاء وبهاي الطريقة فقط ودزوا رسالة تاكد انهم سووا اكتف للحساب يله كدرنه نسوي باسوورد جديد.
اما اذا حضرتك متعرف تسوي باسوورد طبقا للشروط فهذا ما يعني انه كل الاعضاء ميعرفون.

اني كلامي واضح ويطبق بحالة كلمة السر كانت طبقا للشروط وايضا مصارت اي نتيجة بهاي الحالة يكون حسابك locked


تحياتي ..... برنسو

[ابو الاوبترا]

السلام عليكم اخواني
والله هسه اني جربت الحالتين
مال اخوية علاوي ومال اخوية برنسوو
جربت طريقة علاوي بالبداية وكتبت باسوورد هالطووووووووووووووووووووووووووووووووووووووووووووووووووووووووووووووووووووووووووولة والله مو شقه
بحيث كوة حفظتة وما صار وشلت الرموز اللي انت كاتبها الي وهم ما صار شي
وهسه دزيت ايميل وخلي نشوف بلكت ساعه من ساعه فرج
واللي عنده معلومات اكثر لا يبخل علينه
مو عدد المشاهدات مية وكسور والاجابات 4 يا اخوان هم هالله هالله بينا !!!!!!!!!!
تحياتي

[firas baghdadi]

للرفع والمساعدة