ساعدوني ارجوكم ......

[سارة سعد عاتي]

بسم الله الرحمن الرحيم
السلام عليكم ورحمة الله وبركاته
ياجماعة اني طالعة التركيا بعد اسبوع
وفكرت اروح اقدم على لجؤ بـUN
ابتركيا
بس المشكلة اني ماعندي سبب قوي اطلب بي لجؤ
اتمنى من حضراتكم اساعدوني
لان طلعت روحي
اني غير متزوجة
واهلي ميريدون يطلعون العندة
اي معلومة خلي يساعدني بعد اسبوع اني اروح لتركيا
يعني هم يلة اذا اكو شي لازم اسوي
وشكرا لكم

[mohamad.ezel]

والله ياسارة اني هم مثل قضيتج
ومنتضر لاخوان اشوكت يساعدونة

[ام اديان]

وعليكم السلام اختي العزيزه
ان شاء الله يدخلون الاخوان الخبره ويساعدوج لكن اذا اهلج ميريدون يطلعون وانتي غير متزوجه شلون راح تدبرين امورج تره الشغله مو سهله وتطول سنوات يعني وين تبقين هالفتره ؟؟
فكري بوضعج زين قبل متقررين 
بالتوفيق ان شاء الله

[سارة سعد عاتي]

العفو اني خالتي بامريكا يعني اني اروح يمهة
شكرا على اهتمامك

[Mohammed altaee]

نتمنى من الأخوة  والأخوات في تركيا إبداء المساعدة عن كيفية التقديم على طلب اللجوء هناك

   

[alialiali10099]

وعليكم السلام اختي العزيزه
ان شاء الله يدخلون الاخوان الخبره ويساعدوج لكن اذا اهلج ميريدون يطلعون وانتي غير متزوجه شلون راح تدبرين امورج تره الشغله مو سهله وتطول سنوات يعني وين تبقين هالفتره ؟؟
فكري بوضعج زين قبل متقررين 
بالتوفيق ان شاء الله

عيني ام اديان قصدها الشغله في تركيا اطول سنين وانتي تبقين وحدج بتركيا مو سهله وزين شتكليلهم ضايجه وطافره روحي واريد اسافر يابه لازم عندج سبب مقنع هيه مال كلاوات ياعيوني انتي اسف بس لازم اكووو. شيء وتهديد على حياتج يله تنقبلين وسالفة طويله اطول من يوم السبت باسبوع تره

[البرق]

بسم الله الرحمن الرحيم
السلام عليكم ورحمة الله وبركاته
ياجماعة اني طالعة التركيا بعد اسبوع
وفكرت اروح اقدم على لجؤ بـUN
ابتركيا
بس المشكلة اني ماعندي سبب قوي اطلب بي لجؤ
اتمنى من حضراتكم اساعدوني
لان طلعت روحي
اني غير متزوجة
واهلي ميريدون يطلعون العندة
اي معلومة خلي يساعدني بعد اسبوع اني اروح لتركيا
يعني هم يلة اذا اكو شي لازم اسوي
وشكرا لكم

تحياتي الحضرتك اخت سارة اضاهر انتي مقررة تجين تركيا اهلا وسهلا بيج اختي لاكن خلي في بالك نقاط قد تفيدك عند تقديمك الى اليو ان قسم
 الاجئين هناك اسباب لقبولك كلاجئة منها ان يكون عندك مبرر مايجعل حياتك في خطر مثلا تهديد من مكون معين او ما شابه وهذا السبب يجعلك
 متكدرين تعيشين بلعراق وتحياتي لك اخوك البرق من تركيا .

[firas baghdadi]

الى الاخت صاحبة الموضوع

انت شكد عمرك. لأن العمر يحدد هواية أمور

تحياتي لحضرتك

[mohamad.ezel]

اني عمري 22 سنة
وماعندي اي تهديد اشلون اسوي

[Ahmedsiv]

دزيتلج رساله على الخاص موضوع قوي ومضمون

[firas baghdadi]

اني عمري 22 سنة
وماعندي اي تهديد اشلون اسوي

عمرج صغير جدآ جدآ على اية معاناة...
ومادام ماكو تهديد حقيقي . شلج بهالدوخة الراس بنتي. حبل الكذب قصير.
انت خالتج بامريكا . قدمي دراسة . زيارة ومناك حاولي تبقين بطريقة رسمية و يحلها الف حلال.

تقبلي مروري

[احمدمالك]

بسم الله الرحمن الرحيم
السلام عليكم ورحمة الله وبركاته
ياجماعة اني طالعة التركيا بعد اسبوع
وفكرت اروح اقدم على لجؤ بـUN
ابتركيا
بس المشكلة اني ماعندي سبب قوي اطلب بي لجؤ
اتمنى من حضراتكم اساعدوني
لان طلعت روحي
اني غير متزوجة
واهلي ميريدون يطلعون العندة
اي معلومة خلي يساعدني بعد اسبوع اني اروح لتركيا
يعني هم يلة اذا اكو شي لازم اسوي
وشكرا لكم

اختي اول شي انتي من تجين الى تركيا اتقدمين على الجوء لازم اتحسبين احساب اقل شي سنتين
اوهاي الفتر كولش طويله يعني راح يصير عندج ملل او انتي ما اتعرفين لغه
اما الاسباب لازم الكيس مالتج قوي او اوراق تهديد مثلا او تفاصيل او تواريخ
 اذا اكو اي استفسار اني بالخدمه


احمد

[احمدمالك]

والله ياسارة اني هم مثل قضيتج
ومنتضر لاخوان اشوكت يساعدونة

اخ محمد اني جاوبتك على كل التفاصيل الي سئلتني عليه على الخاص او بقت الشغله يمك
واذا تحتاج اي مساعده اني بالخدمه

احمد

[احمدمالك]

بسم الله الرحمن الرحيم
السلام عليكم ورحمة الله وبركاته
ياجماعة اني طالعة التركيا بعد اسبوع
وفكرت اروح اقدم على لجؤ بـUN
ابتركيا
بس المشكلة اني ماعندي سبب قوي اطلب بي لجؤ
اتمنى من حضراتكم اساعدوني
لان طلعت روحي
اني غير متزوجة
واهلي ميريدون يطلعون العندة
اي معلومة خلي يساعدني بعد اسبوع اني اروح لتركيا
يعني هم يلة اذا اكو شي لازم اسوي
وشكرا لكم

امهم اذا رحتي الى انقره اتنزلين بالكراج الي يسمو الاوتوكر اتروحين المنطقه اسمه اوسلو بيه فنادق اهواي او دوري على ارخص فندق


هذا عنوان اليوان الي راح اسجلين بيه

EMEK . MAHELLESI . 8 GADDE . 29. SOKAK  NO = 37
BAHGELIEVLR / ANKARA.  ASAMI




احمد

[حامل المسك]

يعني بنتي العزيزة ....انتي غير متزوجة !! وعمرك 22ستة!!وتريدين تروحين الى امريكا بوحدك وتعيشين هناك لوحدك!!!كيف تدبرين امورك هناك ؟؟والله ماادري المسالة شبه مستحيلة وانا مثل عمك ولااشجعك على هذا الامر بتاتا ..ابقي عند اهلك او عند خالتك وانتظري ابن الحلال الذي سترتبطين به وهو الذي سيحدد لك المسار الصحيح والمناسب
وتمنياتي لك بالتوفيق وسدادة الراي

[أبو الحكم]

والله مدري تضحك مدري تبجي احنا دمرنا دمار وفرينا الشركات كلها وية الامريكان وظهرنا انكسر من الشغل وياهم واشكال والوان شفنا من تهديد وعبوات ومفخخات وية الامريكان وظلينا صابرين دنعيش عوائلنا وهاي احنا بمسيرتنا وية المنظمة ولحد الان ممسافرين , وهسة تجينا سارة عاتي عمرها 22 سنة وممتزوجة وتريد تروح وحدها لتركيا وتقدم وحدها على UN  وبعدين يتحول ملفها على الــ IOM ولو تنقبل لو لا لان ماعدها اي قصة وعمرها 22 سنة وهاي سالفة تطول سنين يابو سنين , بابا انت وين اهلج عنج وشوكت صرتي دتفكرين باللجوء وشنو اللي شفتي بحياتج دتفكرين بهيج موضوع وحدج , وين ابوج وين اخوانج وين اهلج , حسبي الله ونعم الوكيل , والف رحمة على والديك اخي حامل المسك على كلامك وتعليقك وردك , والاخ اللي كلها كتبتلج طريقة على الخاص مضمونة مئة بالمئة , اني اعرف شنو كلتلها وبشنو نصحتها , بس اكلك يااخي بهذا الشهر الفضيل انصح البنية ان تكعد بيت اهلها وتكمل دراستها وتنتظر نصيبها ورجلها هو اللي يحير بيها ويكون مسؤول عنها مثل مااحنا مسؤولين عن عوائلنا مو تنطيها هيج نصيحة انت تعرف واني اعرف شنو هي .....


ادعو الله لك برجاحة العقل والرأي السديد والتأني في اتخاذ القرارات والرجوع الى الاكبر سنا والاكثر خبرة بالحياة في اتخاذ قرارات حياتك ياسارة سعد عاتي


جار الانتظار

[المتوكل على الله]

السلام عليكم
رمضان كريم للجميع انشاء الله
اخوان اعتقد انو اكو التباس بلموضوع لبنية سارة مكالت شكد عمرهة يمن سالهة الاخ فراس
وانما جاوب الاخ محمدلان هوة عمرة22 سنة وهم رايد يسافر ويقدم لجوء وهم رايد طريقة
لتقديم علا الجوء ...وعلا كلن اشوف رائي الاخ جار الانتضار نصيحته صحيحة.وارجو من الاخوان
النصيحة .........؟؟؟؟؟.....تقبلوا  مروري ااخوكم المتوكل على الله.

[firas baghdadi]

السلام عليكم
رمضان كريم للجميع انشاء الله
اخوان اعتقد انو اكو التباس بلموضوع لبنية سارة مكالت شكد عمرهة يمن سالهة الاخ فراس
وانما جاوب الاخ محمدلان هوة عمرة22 سنة وهم رايد يسافر ويقدم لجوء وهم رايد طريقة
لتقديم علا الجوء ...وعلا كلن اشوف رائي الاخ جار الانتضار نصيحته صحيحة.وارجو من الاخوان
النصيحة .........؟؟؟؟؟.....تقبلوا  مروري ااخوكم المتوكل على الله.

والله عمي كلامك صحيح ز وآني اعتذر استعجلت بالاجابة.
هي مجاوبتني هذا الولد جاوب. واني لأن الموضوع ثارني مثل حبيبنا جاري الانتظار كوني اب أولا وحسيت بيها مثل بنتي وثانيآ عراقي واخاف على بناتنا من الغربة بهذا الشكل الغير مدروس.  ومقريت المداخلة مال منو بالضبط!!!!
وهي مجاوبت. يمكن تطلع البنية اصغر من 22 سنة. 

تقبلوا مروري