ختم الجواز

[sally sarmad]

مرحبا اخواني وخواتي
عندي سؤال واتمنا من اهل الخبرة يجاوبوني لان كلش حايرة وخايفة

اني عندي معاملة سحب زوجة الى كندا و الحمد لله بداية هلاشهر  طلبو مني الجواز حتى يختمولي الفيزة واني حاليا بالعراق.
المشكلة انو اني علساس اودي جوازي بيدي لعمان بس الفيزا انرفضت
اضطريت اروح ادز الجواز بشركة تي ان تي من اربيل العراق والجواز يوم الاحد وصل للسفارة الحمد لله ... مشكلتي هي انو لمن السفارة بعثتلي الايميل تطلب مني الجواز كلتلي  هاي الجملة (you must attach the return back Air way bill with passport ) والشركة في اربيل ماقبلت ابدا تسوي هالموضوع انو ترفق المرجع ويا الجواز كلولي انو لازم السفارة تدزلج وتكول انه احنا خلصنا وختمنا الفيزة وعود احنا نروح نجيبا ... زين شلون بهالحالة خايفة السفارة تاخر الجواز او ترفضني عفية اذا عدكم علم بهشكل موضوع فيدوني وشكرا مقدما

[firas baghdadi]

للرفع والمساعدة

[دبس و راشي]

مساء الخير اختي الفاضلة.

الي افتهمته من هااي الجملة(you must attach the return back Air way bill with passport )  ان السفارة الكندية في عمان رايده اثبات منج بالرجوع الى العراق بعد ان تسلميهم الجواز .وتستلميه ( سواء بحصولج على الفيزا او لا) . لكن انتي اتصرفتي تصرف شخصي منج . وكمتي ودزيتي الجواز عن طريق شركة TNT  للبريد السريع !!!!!!!!!!!!!!!!!. وهنا انتي اخليتي بمطلب  طلبته السفارة منج .
على العموم .. اني ما اعرف شلون راح يكون رد فعل السفارة .
لكن اذا اضطريتي للسفر الى عمان راح اعلمج طريقة موثوق بيها ورسمية  100%.
الطريقة ان تروحين لمكتب الخطوط الجوية الملكية الاردنية قرب فندق الشيراتون وتحجزين ( 2WAY)على هااي الخطوط  من بعد ان تسلميهم الجواز او نسخة منه . وبعد 72 ساعة راح يتصلون بيج ويكولولج تفضلي استلمي التذكرة + فيزا الدخول الى عمان .

اتمنى ان اكون ساعديج بمداخلتي . وربي يوفقج ويسهل امرج.
تحياتي اختي الفاضلة
دبس و راشي

[/size]

[sally sarmad]

شكرا جزيلا اخويت على اجوبتكم
اني بعد ما تعبت من هلكد مارحت وجيت على كل لاشركات اللي ماقبلو يخلولي مرجع وبعد ان رفضتني عمان اضطريت انو اقدم الجواز على هشكل طريقة وطبعا دزيت ايميل للسفارة وكتلهم هلاشي وكتلهم انو الشركة ماقبلت ترفق المرجع  ماعرف شسوي شكرا جزيلا الكم

[sally sarmad]

اخوية دبس وراشي  ترى اني جوازي بالسفارة اصلا محكدر اسافر هسة

[firas baghdadi]

اخوية دبس وراشي  ترى اني جوازي بالسفارة اصلا محكدر اسافر هسة

للرفع والمساعدة

[سالم يا عراق]

الاخت سالي , اعتقد المطلوب بطاقة سفر مال رجعة لان انت رايحة فيزا و يريدون يتأكدون انت راح ترجعيين, اتصلي بالسفارة و افتهمي منهم وصلحي الخطأ