تعرضي لاطلاقات نارية من مجهولين.

[Magician]

تحية طيبة اخواني الاعزاء
ارجو ان تقبلوني صديق لكم في هذه المنتدى
طبعا اني عضو جديد وسمعت عن هذه المنتدى من صديق مشارك بي ونصحني بان اشارك واطرح موضوعي لان كلي الاخوان مرح يقصرون وياك ورح ينصحوك شتسوي .
اخوان اني جنت اشتغل ويه الامريكان من قبل فترة وبطلت وصارت عندي تهديدات وتركت عملي و منطقتي وتهجولنا اني واهلي والي صار ويايه انو بالمنطقه قبل كم يوم من دا اطلع فاتت من يمي سيارة ومن وصلت يمي اشتغل الرمي عليه وسيارتي اتزرفت. والحمدلله ما صار بيه شي بس جروح طفيفة .
وهسه مدا اعرف شسوي ادز للمنظمة الصور مال الحادث لو اسوي بلاغ ابمركز شرطة لو لا لان الصراحة دا اخاف اروح للشرطة اخاف هم تجي عليه اخباريه ومن اطلع من المركز اثناء مراجعاتي يتربصولي بالطريق.
واخاف من ادز الحاله مال الاعتداء الصارتلي يعيدون المقابله مال المحلف سمعت.لان اني مكمل كلشي وبانتظار السفر وعلما انو نطوني مرة موعد واجلو صارسنة وماكو لا رد منهم ولا شي.
وكفاكم الله شر التايهات وتقبلو مني فائق الاحترام والتقدير

[أبو الحكم]

اخي الكريم مقابلة المحلف لاتعاد بهكذا حالات ابدا , مقابلة المحلف تعاد للايضاح او الاستفسار عن فقرة مجهولة في ملفك لم تتوضح للمحلف او ظهور مؤشر امني عليك من خلال التجييكات الامنية يتطلب الايضاح او شيء اخفيته في مقابلتك ولم تذكره للمحلف وايضا هناك بعض التفاصيل الاخرى البسيطة في الملف التي تستدعي اعادة المقابلة وهذه اكثرها تحدث مع الملفات التي تسمى جدلا بالمعلقة والتي عليها دراسة اكثر في امريكا ولاتحدث مع الملفات المعطى بها موافقات مبدأية مشروطة بالامنية , اخي الكريم حسب معلوماتي المتواضعة اي شيء يحدث لك بعد مقابلة المحلف وبعد اعطاء المحلف قرار بك سواء كان مبدأي او نهائي يسجل فقط في فايلك ولايؤثر على قضيتك ابدا ولايسرع منها ان كنت تحت التشييك الامني , انصحك بالتغاضي عن هذا الموضوع وايجاد مكان امين ومناسب لك لحين اقتراب الفرج وانتهاء امنيتك والسفر العاجل بأذنه تعالى



جار الانتظار /size]

[ابو فرقان]

الف الحمد لله عالسلامة اخي الحبيب وان شاء الله بعدوك...
لا يوجد اعادة محلف بسبب تهديد جديد ....بلغهم اخي باللي صار وياك ودزلهم صور والمنظمة بدورهة راح تتصل بيك وتنقل التهديد للجهة الاعلى منهة ولكن كولنة ضفنة تهديدات واتصلو بينه والامنية مستمرة ما اريد احبط معنوياتك لكن هاي البروسس مالهم... وعسى ان يختلف الامر معك لان شغلتك قوية جدا وتحياتي الك.

Leaving Soon

[The Duke]

اخي العزيز الحمد للة على سلامتك. لازم اتبلغ الاي او ام بلي صار وياك حتى يتخذون اجرائهم.

[firas baghdadi]

اخي العزيز

مثل هاي المواضيع نازلة هواية سابقآ. وكان رأيي فيها مثل ماكال صديقنا جاري الانتظار انه لاتروح تبلغ ولاشي افضلك لأن كلشي محيصير وآني شخصيآ صار عندي تهديد قبل كم شهر ومابلغت لأن ماكو فايدة . اذ ا متخلص الامنية لو مليون تهديد . كل اللي حيسووا انه يتصلون بيك ويشوفوك عايش لو لا . لكن موضوعك مختلف . انت تكول طالعلي موعد سفر سابقآ وتم تأجيله. يعني سبق وان امنيتك قد اكتملت وثبت انك لست خطر على امن الولايات المتحدة الامريكية على الاقل في يومآ ما. بس المشكلة انه بعد التأجيل صارت بعض الامنيات عندك اكسباير وانعادت الامنية عليك .
لذلك اتصالك بهم وابلاغهم جدآ مهم ومفيد لحضرتك واتوقع يسرع سفرك كثيرآ لأن مثل مكتلك انه انت سبق وان كملت امنيتك سابقآ.
وعادي بالنسبة لمركز الشرطة. مو اي واحد يكدر يوصل. حقك متروح تبلغ. شنو بابع روحك . شتكلهم آني مشتغل وي الامريكان والدنيا كلها حتعرف. أخي انت بلغهم باللي صار وبلغهم ايضا انه انت تخاف تبلغ الشرطة. وانتهى الموضوع. همة ميجبروك على التبليغ . ومن يرفعون موضوعك الى الجهات العليا رحيشوفون انه انت سبق وان كملت امنيتك بصورة تامة والنتيجة كلير. لذلك اعتقد رح يكنسلون إعادة الامنية مالتك ويحددولك موعد سفر باسرع وقت يارب

تحياتي لحضرتك ويارب الف الف سلامة ولابأس عليك

[احمدمالك]

الف الحمدالله على السلامه ان شاء الله يسهل امرك




احمد

[Magician]

اشكركم من كل قلبي اخوان عله المشاركات الله لا يشوفكم مكروه واعتذر على عدم تواصلي في الفترة السابقة بسبب الضروف الي دا امر بيها وعدم توفر انترنت عندي لان تركت بيتي ودايخ بوضعيتي والسيارة وديتها بالتصليح لان دا اخاف اطلع بيها شكلها مشبوه والصراحة رحت لمركز الشرطة وبالباب باخر لحضة خفت ولفت ورجعت لان شاكللهم ؟بسبب انو اشتغل ويه الامريكان جنت هيجي صار؟ همه نصهم مليشات  وشرح يسولي غير رح يحلبوني جيب ما جيب وتتايد ضد مجهول ولو اطلع الكاهم لازكيلي عبوة لو هم براس الشارع هم يشتغلون رمي كافي عليه اهل المنطقة يعرفون بية عبالك مسوين جريمه حسبي الله. لو نصير بالمليشيات حلال بس نشتغل شغلة شريفة حرام ونطلع عملاء وخونه
وهاي هيج المنظمة مادير بال للي يصير بي هيج حالة صدك جذب ؟؟؟؟؟؟؟؟ همزين مو اهلي ويايه جان راحو بيها اكيد اني الخوفه ليهسه بيه مال صوت الرمي
ونكول الحمدلله والشكر عله هالحال بالحديد ولا بالبشر
واشكركم اخوتي مرة ثانيه لمشاركتم ونصائحكم

[Baghdad Engineer]

الحمد لله على السلامة خويه و الله الساتر من الجاي

[Mohammed altaee]

الحمدلله على سلامتك والله دفع ماكان والله يفرجها عليكم