اخوان يمعودين كولوا يالله الاخ slam hawk والاخ بوكا ترى مدخل المنظمة تغير وصار بمكان ثاني والمدخل مو نفسه القديم مقابل الدفاع المدني بساحة النسور ومستحيل مستحيل تكدر تروح بسيارتك وماانصح أي شخص يروح لمقابلة او لاي مراجعة بسيارته لان ماكو كراج يم المدخل مطلقا
المدخل الجديد هو من البوابة رقم 4 وهي البوابة التي تكون في نهاية الخط السريع القادم من مطار بغداد الدولي والتي يكون الطريق اليها من منطقة القادسية عند النزول من الجسر الضيق في منطقة القادسية وبسهولة تقدر الاستدلال عليها بالوقوف في ساحة النسور وجعل برج بغداد للاتصالات خلفك وفي ظهرك وتجعل يمينك مستشفى اليرموك ويسارك الشارع المؤدي الى معرض بغداد الدولي وعينك تماما على منطقة القادسية وتذهب بهذا الاتجاه مسافة تقريبا مئتين الى ثلاثمائة متر وسترى عندها جسر القادسية , انت متصعد على الجسر وتمشي بجانب الجسر وتدخل من تحت الجسر الى البوابة من بين الصبات وبذلك ترى بوابة الدخول للمنظمة رقم 4 وهذا هو العنوان الجديد للبوابة
اخوك جار الانتظار
حبيبي جاري الانتظار
الوصف مالتك دقيق جدآ ويدلي الاعمى مثل ميكولون . بس تعذرني فقط لأهل بغداد. الناس من المحافظات هاي الاسماء صعبة يحفظوها ويفتهمون انت على شنو دتحجي.
انت قبل فترة مو كلت وصف اسهل بهواية. كلت روحوا لنفس البوابة القديمة. امشوا وية الشارع ولوفوا وية لوفة الشارع على اليمين ورة 300 متر ادخلوا من يم الهمر.
هذا الوصف كان افضل بهواية لأهل المحافظات.
وماعرف اذا كلامي صحيح لو وصفك ذاك كان لغير شي وليس مكان المقابلات والدورات التثقيفية. وآني جنت مفتهم غلط ؟؟؟
تحياتي لحضرتك .
