حبيبي الغالي
- اول شي : نصيحة لوجه الله . اذا تريد سفرك ميتأجل لتبلغ الكفيل ودخله بأي شي رجاءآ . كلشي ميكدر يسويلك غير الارباك ويأثر على موضوع السفر . هذا حيخابر المنظمة ويسويلهم هوسة وبعدين المنظمة تكله احنا ماعدنه علم بالموضوع ويجوز ممستعدين نستقبله بهاي الايام المباركة . ويتأجل سفرك بسبب هذا الارباك. يعني هسة اذا رحت لأمريكا والكفيل ميدري شنو حتيه بالشوارع !!!!!!! يمعود كول يالله.
- ثاني شي : كلولك يوم الاحد نتصل بيك. عادي . بعد وكت. يجوز باجر يخابروك ليظل بالك.
خلي احجيلك احدى فوائد الكفيل
سمعت بحالة تم تبديل الولاية لشخص معين وهو مجان يدري ( مشايف الموقع ) وبعدين بلغوا بموعد سفر وجان طاير من الفرح لأن صارلة سنين ينتظر ( ملف قديم ) ودخل على الموقع لكة كلشي كامل عنده بس شاف الولاية متغيرة. كال يلة ماكو مشكلة بس خلي احط رجلي بامريكا. وخابر كفيلة ديشكره ويبشره انه طلعلة موعد سفر وحيروح لذيج الولاية وبعدين عود ينحل الموضوع . كوم الكفيل خابر المنظمة وتعارك وياهم وسويلهم هوسة ورجع الولاية مثل ماكانت وخابر صديقة كله خلي يولون ذولة رجعتلك الولاية مثل ماجانت واعتذروا من عندي . المهم صاحبنة تأجل سفره وهسة كاعد يسمع حسك ويومية لطم وبجي وهاي الحالة صارلها اشهر. والله العالم شوكت يصير السفر . وخوفك ليصير شي ياستار بهذا البلد على غفلة وكلشي ينلاص من ورة اتصال هاتفي ماله داعي نهائيآ .
ارجو ان يستفاد الجميع من هاي القصة.
تحياتي للجميع ويوم السفر العاجل
