اخي العزيز اني مسوي فحص طبي ب2011 ونايمه عليه الطابوكه والحمد الله.
اكيد وصلك ايميل بيه طلب فحص طبي والايميل قسمين اول قسم باللغه الانكليزيه والقسم الثاني باللغه العربيه وبيه التعليمات كافه وارقام عيادة الفحص الطبي الخاصه ب SIV تخابرهم وتحدد موعد وياهم وتسحب بالطابعه ورقة طلب الفحص الطبي وهيه موجوده بالايميل .
واذا متندل موقع العياده خابرهم وهم يدلوك على المكان.
و الفحص بوكتنا جان يطول 7 لاى 8 ايام بس بوكتها طول الفحص مالتي 14 يوم بسبب سفر احد الاشخاص الي وقعون على الفحوصات الطبيه .
ورغم هذا ماثر عليه التأخير لان سويته قبل المقابله ب 20 يوم . فنصيحه مني كل مااوكت كلما احسن اسوي فحص طبي حتى تاخذه وياك بالمقابله
علمود اتقلل نفقات البريد DHL وباقي مكاتب البريد لان ماشاء الله كصاصيب بالاسعار .وذا تاخر الفحص روح قابل وبعدين دز الفحص بالبريد والتسهيل من رب العالمين.
تحياتي ............
