تعديل جدولة المقابلة وبعده تعيش ماكو شي ممكن تساعدونه اهل الخبرة

[hodhod13]

السلام عليكم اخواني
اني مقدم من 2010 شهر السابع
حصلت على الكيس نمبر شهر الرابع 2011
 مقابل مقابلة اولية بتاريخ شهر الرابع  2012
شهر السادس طبع بصمات وبعد مدة شهر جيكت الموقع صار عندي حالة المقابلة الثانية فعالة وبعد 10 ايام رجعت حالة المقابلة غير فعالة ليش ما ادري وحالة الملف انتظار النتيجة بعد ماكان فعال وبعده ارسلت رسالة اسئل بيه ليش تغير حالة الملف واني متهدد ومن هل السوالف اتصلوا بي هاتفيا يستفسرون عن اسباب التهديد والمشكلة وكتلهم اني تركت اهلي حاليا واطفالي ورحت لكوردستان نقلت مكان عملي بالشركة لان اجاني تهديد واهلي صلي 40 يوم ما شايفهم وكالولي انته مستحق مقابلة ثانية وفحص طبي ايضاً وانته الكيس مالتك ماشي ومن هل الكلاوات وسوفه نتصل بيك لنعلمك بالمقابلة الثانية وبعدين تسوي الفحص مرة ثانيه وهذاك يوم وهذه يوم وكلشي ماكو لحد اتصل ولا تغير حالة الكيس مالتي بالموقع بقه الفحص الطبي فعال والمقابلة الثانية غير فعال وهاي صار سنة.
يا اخواني ارجو المساعدة من عدهم خبرة واتمنه جار الانتظار يجاوبني وغيره من الاخوة صاحبي الخبرة
تحياتي ....

[firas baghdadi]

للرفع والمساعدة

[the_skull_of_raziel]

للرفــــــــــــــــــــــــــــــــــــــــــــع  والمســــــــــــــــــــــــــــــــاعدة

[hodhod13]

اخوان معقولة ماكو احد يجاوب وين اهل الخبرة وينك جار الانتظار محد يحله غيرك

[firas baghdadi]

اخوان معقولة ماكو احد يجاوب وين اهل الخبرة وينك جار الانتظار محد يحله غيرك

يابة الرجال بالدوام هسة
خلي يرجع ويشوفلك هاي السالفة هو ميقصر ابد ان شاء الله

حبيت ارفع الموضوع

تحياتي لحضرتك

[hodhod13]

اخوان اهل الخبرة ماكو كلهم سافروا

[firas baghdadi]

للرفع والمساعدة

[hodhod13]

هاي بس كادرين للرفع والمساعدة شنو مساعدة خميس وجمعة دتنطون عمي صدك ما بقى بالمنتدى اهل الحبرة كله سافرت

[أبو الحكم]

السلام عليكم اخي الكريم



جميع الامور الادارية والمقابلات تحددها قصتك والاولوية التي تستحقها , هناك كيسات تقابل مقابلة اولى بعد الكيس نمبر بأيام وتعمل طول ووزن وبصمات في نفس يوم المقابلة الاولى كما حدث معي , والمقابلة الثانية تحدد بعد شهر او شهرين ايضا كما حدث معي وهذه الامور كلها تتبع مدى اهتمامك بقضيتك وقوة التهديد والقصة التي ارسلتها لهم عند طلبك الدخول في البرنامج كلاجيء , اخي الكريم انا والكثيرين من المتقدمين حصل معنا ماحصل معك وايضا تحولت حالة مقابلة المحلفين الى فعال وبعدها رجعت غير فعال ولكن عند رجوعها الى غير فعال انا لم اسكت نهائيا اذ ارسلت الى المنظمة بالقليل خمس الى ست ايميلات باليوم وجميعها ايميلات شديدة اللهجة بين قوسين (( ايميلات مال واحد حياته بخطر من صدك مو ديلعب )) وبعدها رجعت حالة المقابلة الى فعال واتصلوا بي لتحديد موعد مقابلة محلفين والموعد تأجل اربع مرات والتأجيل لمدة يوم واحد فقط يعني اول موعد كان اربعة بشهر السادس وبعدين سووا ثلاثة بشهر السادس وبعدين سووا اثنين بشهر السادس وبعدين بالاخير سووا واحد بشهر السادس , هذا شنو يثبت اخي ؟؟؟ هذا يثبت لود وخربطة من المنظمة , البوينت مالتي من هذا الشرح كله انه انت هامل ملفك ولتكلي مهامل ملفي لان لو مهتم بملفك مثل مادائما انصح الاخوة الاعضاء متتأخر هيج تأخير , واني قست على ملفي حتى اوضحلك الصورة .

اخي الكريم المهم في كل هذا ان تعيد حساباتك من جديد وان ترسل ايميلات للمنظمة تطلب منهم اجراء مقابلة محلفين بأسرع وقت بسبب وضعك وتشوفلك قصة تهديد بسيطة بدون تعقيد وتخليهم يتحركون على ملفك لان اذا تظل هيج راح تودع كل الكيسات انت وتظل اخر واحد ولو تلكيلك مكان بالطيارة لو متلكي , واذا متعرف شتكتب راسلني على الخاص انطيك وقت ارسال الرسالة حتى تاخذ سرا واولية بداية الدوام بالسستم والموظف يشوفها ويجاوبك بدون تأخير لان هاي مسألة الرد مال اسبوعين احنا الحمد لله تجاوزناها , واكلك هم شتكتب بالتفصيل بعنوان الايميل هم حتى تاخذ سرا واولية بالاجابة وانصحك شتكتب بالايميل حتى يهتمون شوية بملفك والباقي انت صيغه على ضوء القصة مالتك وان شاء الله تسافر وتلكيلك مكان بالطيارة   بجاه هالشهر الكريم , صدك انت صايم ؟ والله يوفقك ان شاء الله ويسهلك امرك , كول أمــــــــــين

شوف هذا الرابط لاحد الاخوة الاعضاء وشوف سرعة تقدم الملف مالته وانت قيس على ملفك حتى تعرف كلامي صحيح .........

http://www.ankawa.com/forum/index.php/topic,681604.0.html



أخوك جار الانتظار

السلام عليكم اخواني
اني مقدم من 2010 شهر السابع
حصلت على الكيس نمبر شهر الرابع 2011
 مقابل مقابلة اولية بتاريخ شهر الرابع  2012
شهر السادس طبع بصمات وبعد مدة شهر جيكت الموقع صار عندي حالة المقابلة الثانية فعالة وبعد 10 ايام رجعت حالة المقابلة غير فعالة ليش ما ادري وحالة الملف انتظار النتيجة بعد ماكان فعال وبعده ارسلت رسالة اسئل بيه ليش تغير حالة الملف واني متهدد ومن هل السوالف اتصلوا بي هاتفيا يستفسرون عن اسباب التهديد والمشكلة وكتلهم اني تركت اهلي حاليا واطفالي ورحت لكوردستان نقلت مكان عملي بالشركة لان اجاني تهديد واهلي صلي 40 يوم ما شايفهم وكالولي انته مستحق مقابلة ثانية وفحص طبي ايضاً وانته الكيس مالتك ماشي ومن هل الكلاوات وسوفه نتصل بيك لنعلمك بالمقابلة الثانية وبعدين تسوي الفحص مرة ثانيه وهذاك يوم وهذه يوم وكلشي ماكو لحد اتصل ولا تغير حالة الكيس مالتي بالموقع بقه الفحص الطبي فعال والمقابلة الثانية غير فعال وهاي صار سنة.
يا اخواني ارجو المساعدة من عدهم خبرة واتمنه جار الانتظار يجاوبني وغيره من الاخوة صاحبي الخبرة
تحياتي ....