اخي العزيز
كل الهلا بيك هاي اولا
بالنسبه لكليفورنيا الكهون
هي منطقه جيده نوعا ما بالنسبه للاجارات وبالنسبه للمنظمه اذا على ال IRC احنه عليها جيده
بالنسبه للمساعدات المنظمه تستلمك 8شهور والولفر يوقعك على ورقة المساعدات لاربع سنوات
اما بالنسبه للعمل
رح احجي الي اعرفه
بما انه عراقيين موجودين بالكهون بكثره لذلك تجد العمل غير متوفر
ورح اسولف وياك واعتبرني اختك
اكو هوايه ستورات ومطاعم يملكوها عراقيين بس اكو عراقيين قدماء وجدد وعاملين بيها كل ستور اشكد يتحمل قوه عامله خلي نكول (30شخص) وكل صاحب ستور يتمسك بالناس الي مشغلهم ومتاكد منهم لان صارلهم زمن وياه زين البقيه اشلون؟
لهذا تجد العراقيين يشكون فيها من قلة العمل
هذا الي اني استنجته من خلال فتره تواجدي بكليفورنيا مع العلم انا اسكن مسافه اقل بقليل من الساعه عن الكهون ومنطقتي جيده ولم افكر للحظه بترك كليفورنياوكذلك عدنه اصدقاء يسكنون منطقه ابعد عن الكهون بمسافه ابعد وهم امورهم ماشيه تمام
وارجع واكول تبقى الشخص هو وشطارته ومستوى اللغه عنده
يارب يوفقك ويجعلك بكل خطوه مليون سلامه
تحياتي
اختك ام شاهين
