لح اتخبل مقابلة المحلفين صارت فعال بعد ان كانت مكتملة

[ابو هناوي]

لح اتخبل والله مقابلة المحلفين اليوم بالموقع صارت فعال بعد ان كانت مكتملة ومحصل موافقة محلف اني وفاحص علما انو الفحص الطبي مالتي لح يصير اكسباير بداية الشهر الجاي زين غير يصير الفحص فعال المحلفين شعليهم والله دمرت اعصابي احد يكدر يفسرلي هاي الحالة شنو والله خبلوني ودمرونه حسبي الله ونعم الوكيل يجوز يعني غلطو  بين مقابلة المحلفين والفحص والله مااردي كمت احجي ويه نفسي بس اريد تفسير للموضوع

[Jason IZ-133]

اخوية العزيز ابو هناوي ,



اني رح اجاوبك بس وفق حالتي , اني سويت مقابلة محلفين شهر 2 2013 و بعد فترة اجاني التأجيل ولكن خانة المحلفين بقت فعال و من اراسل المنظمة تجيني رسالة التأجيل , بعدين عرفت انه اني معلق او قيد الدراسة ( لحد الان ماعرف بالظبط معلق او قيد الدراسة )
, اني الي اعرف بي اذا كانت خانة المحلفين فعال بعد استلامك للتأجيل فهذا يعني تعليق , واسأل الله بهذا الشهر الفضيل انه ملفك ميكون معلق وان شاء الله ميكون معلق .....   ياريت من باقي الاخوة يدخلون ويفسرون حالتك


تحياتي
Jason

[abo shams]

اخي ابو هناوي
احتمال كبير اعادة بصمات
لان حضرتك و الحمد لله طلعت من التعليق و فحصت طبي
صديقي كان نفس حالتك هنا بعمان و الحمد لله اعاد بصمات و كملت اجراءاته و سافر قبل شهر تقريبا

[DR.ENG]

السلام عليكم

حسب خبرتي عندك احتمالين الاول اعاده مقابلة محلفين او البصمات والثانيه هيه التعليق والله اعلم

تحياتي لك

اخوك ابو محمد

[firas baghdadi]

صديقي صاحب الموضوع

انت مادام عندك اعادة فحص احتمال صار خطأ بالحقل . لاتقلق
وقبل فترة شخص عادولة مقابلة المحلفين وتبين ان احد ابناءه بلغ السن القانونية دزوا عليهم حتى يسووهم كيسين .
لدير بال . واحسن جواب على سؤالك هو جواب المنظمة. راسلهم هسة واستفسر عن حالة ملفك. اذا اجاك الجواب انت على الامنية معناها الحقل عندك صار بي خطأ والمفروض حقل الفحص هو اللي يصير فعال وليس حقل المحلفين

تحياتي لحضرتك

[ابو هناوي]

الله كريم والله راسلت المنظمة ودانتظر الجواب وبالنسبة للتعليق اني جنت معلق سابقا واتصلو بيه وكالوللي طلعت من التعليق واجه بيك موافقه وقرار من المحلف ونطوني موعد فحص واتصلو بكفيلي ومااعرف شنو هذا التغيير لعله خير ان شاء الله بس اني كلش محبط وممرتاح الله يسهل ان شاء الله

[alialiali10099]

الله كريم والله راسلت المنظمة ودانتظر الجواب وبالنسبة للتعليق اني جنت معلق سابقا واتصلو بيه وكالوللي طلعت من التعليق واجه بيك موافقه وقرار من المحلف ونطوني موعد فحص واتصلو بكفيلي ومااعرف شنو هذا التغيير لعله خير ان شاء الله بس اني كلش محبط وممرتاح الله يسهل ان شاء الله

حبيبي لا تخاف شايف كل الخير خروجك من التعليق يعني عندك اعادة بصمات وان شاء الله تفحص وبفتره قريبة انت فالت بعون الله وهذا الكلام توقعي وحسب مايكول المنطق ولو هم كل يوم بدربونه بس الله يسهل امرك ان شاء الله وامر الجميع بالسفر العاجل