موضوع يطير العقل

[the_skull_of_raziel]

البارحة اتصلو بالكفيل لمدة ساعه وخمسه اربعين دقيقه وكالوله المكوث والقدوم الى تكساس الباسو واني المدينه كونكيت نيو هافن يجوز اكو غلط هو اني من البدايه طلبت منهم هذا الشي بس همه خلوا غير مدينه واني كل يوميه اجيك الموقع واشوف المدينه نيو هافن شتكولون ابلغ الاي او ام لو اتكولون هذا راح يزيد الوقت مال الامنيه

[jack black]

up

[jack black]

up

[احمدمالك]

up

[the_skull_of_raziel]

up وماكو اي جاوب وين اصحاب الخبره وين فراس البغدادي وين حسين الجبوري وين الاخت ساوند اوف صول وين الخبراء ليش ماكو جواب شتكلون اداز رساله لو الاي او ام راح اتأخريني اكثر اذا دزيته

[alialiali10099]

حبيبي عمري لاترسل رسالة وانتظر بلكت الامنية مالتك قريبة واي تغيير راح يعرقل الملف وياخرك
عود من توصل ان شاء الله غير حتى لو تغيير الولاية ماكووو مشكله بس هسه راح تتاخر وهذا اكيد
وخصوصا اذا صارلك فترة تنتظر الامنية
واذا هذا الاتصال الثاني بكفيلك من قبل المنظمة ابشر سفرك قريب ان شاء الله
اخوكم
alialiali10099

[Haider ALtaie]

حبيبي مثل ما وضح الك اﻷخ علي ... خليهه على الله

[الفرج2]

خلى تمشي حيجي والله كريم عود بعدين , اول مره حصل السفر وبعدين براحتك .

[اجونة]

سافر ولا تناقش ....      ثم غيّررررر  ... وسلامة عقلك اخويه ...

[هيرو 100]

البارحة اتصلو بالكفيل لمدة ساعه وخمسه اربعين دقيقه وكالوله المكوث والقدوم الى تكساس الباسو واني المدينه كونكيت نيو هافن يجوز اكو غلط هو اني من البدايه طلبت منهم هذا الشي بس همه خلوا غير مدينه واني كل يوميه اجيك الموقع واشوف المدينه نيو هافن شتكولون ابلغ الاي او ام لو اتكولون هذا راح يزيد الوقت مال الامنيه

حبيبي اكلك شئ نصيحة من اخ الى اخو لا تدز اي رسالة خلى كلشي يمشي طبيعي من توصل بخير وسلامة انت راح تعرف عن المكان اكثر ايجوزيعجبك واذا شفت مكانك مو زين غير مناك احسن من المراسلة وبعدين اتكول لو مكايللهم احسن ...اتمنى لك كل السفر العاجل
اخوك هيرو ..

[firas baghdadi]

حبيبي صاحب الموضوع

انت شنو منزل موضوعين بنفس الشغلة ! لو آني متوهم
جاوبتك بذاك الموضوع حبيبي

تقبل مروري

[alnasiry]

والله تريد نصيحة اخوك لا تراسلهم ولا تتحارش بيهم ترة همة يريدولهم حجة حتى ياجلوك فد سنه لخ

[هيا]

والله صحيح دير بالك تتحارش بيهم تره تنام عليك تريله مو طابوكه خليهم هم يفصلون وانت البس اهم شي بس اطلع وتوصل بالسلامه وهناك ابدي اتشرط براحتك  سلامي

[الملاك الأول]

اخي نصيحه لاتخابرهم وامشي بفالك بلكت سفرك قريب ومن توصل بالسلامه هناك غير الولايه وقبل فتره الاخوه هوايه تناقشوا بموضوع تغيير الولايه وتوصلوا اخر شي ان الشخص يسافر وبامريكا يغيير ولايته تقبل تحياتي

اختكم الملاك الاول
سوريا

[the_skull_of_raziel]

حبيبي صاحب الموضوع

انت شنو منزل موضوعين بنفس الشغلة ! لو آني متوهم
جاوبتك بذاك الموضوع حبيبي

تقبل مروري

صحيح اخ فراس همه غيروها بدون ما يبلغوني