مرحبا اخواني العنكاويين
حبيت انطيكم نبذه عن جماعت PCG طبعا هاي موجوده بس في الكاهون
طبعا هيه شركه ماخذه عقد من الكاونتي علمود اتمشي امور المشمولين اب برنامج ولفر تو ورك
الموضفين 90% عراقيين كلبوها الى دائرت تجنيد طبع اللنك يمكم واطلعتو علي اتمنى اي احد ايكلي
انو اكو بي شغله اتخلي PCG تجبرني على شي لكن الحقيقه انو الاخوه الي يشتغلون بدائرت التجنيد يجي اكلك انته لازم اتسوي
هاي الخطه والعالم ماشيه على حجيهم لكن الحقيقه هيه انو انته تختار الخطه الي تريده وهمه عليهم بس اكملون الاجرائات الادارايه
ويسهلون كل شي الك لكن همه ديريدون اطلعون خوش موضفين كدام الكاونتي طبعا هاي تعليمات من المدراء مالتهم حتى تبقى الشركه
لازمه العقد اطول فتره ممكنه على اساس هيه دتشتغل صح وكاعد اتوفر افلوس للكاوني عكس الشركه الي كانت قبلها لكن بالحقيق هيه كاعد تاكل علينا كل حقوقنه الي انطتنه اياها الكاونتي يعني راح تقرون والي عايش اهنا راح ايشوف الفرق بين الي عايشه وبين الي يستحقه
طبعا اني مو اريد اكول احنا انريد ناخذ كل شي ونستفاد من كل شي لكن اكو شغلات هيه من حقنه يعني اني هسه اداوم مدرسه
الجماعه ايكولون انته ما تستحق مايلج لكن الحقيقه هيه انو اني استحق لان اني اخذة مدرسه بعيده علمود اخلص من مدارس الكاهون
الي هيه كل الطلاب بيها عراقيين واني اريد اقوي لغتي بالممارسه لان المدرسه الي اني بيها ما كو اي عراقي اجور البارك همين ميقبلون
يصرفولياها لان اكولون احنا مكنالك روح مدرسه بعيده وكانهم حاسبين نفسهم همه الكاونتي
يعني لو تتصورون حتى فلوس الاحذيه وملابس العمل ايصرفوها صح احنه مراح انسويها وناخذ فلوس ادقالشغلات لكن بالنتيجه هيه بالقانون وفرتها الكاونتي حتى اتساعد قليلي الدخل حتى يوكفون على رجليهم
الله كريم وشوف شلون راح تصفه وياهم
