بالمختصر المفيد اخي العزيز نهاية الموضوع التلف اي المسح بس راح احجي شوية ...............:
من سنة 2010 وهي الفتره التي كثرت فيها التردد على هذا المنتدى هناك بعض الاشخاص الي ما عدهم شغل وعمل يدخلون باكثر من اسم ؟
والسبيل مثل ما كلنا ماكو لا شغل ولا عمل وطبعا كان هذا في زمن الادارية انجي الى ان طارت بسلامه ... والى حد الان اكو ناس ما تعجبها بعض الاشخاص او ما تكلم معاه بصورة صحيحه فيدخل باسم نك جديد ويعلق براحته حتى لا ينكشف ولو هو اعتقد مكشوف للكل ومن خلال ما اسمعه من اكثر من عضو واصلا هو عضو بس اكول مع الاسف يصير هيج ولو احنا باقين نتاسف من اكثر من 3 سنين بهذا المنتدى والدليل ............. والله العظيم فد يوم لكفت واحد داخل باسم بنية وباقي يسوي نفسه فقير وتعرفون اكثرية الاعضاء تتعاطف مع النساء لانهم اناث لحد ما طلع انسان يبلغ من العمر 50 سنة وهاي الحجي قبل 2 سنة فالفكره الي اريد اوصلها انه حبيبي صاحب الموضوع لا اتعب نفسك حب لان العضو الي يدخل باسم جديد هو مسنود >>> مسنود <<< والمعنى في قلب الشاعر فاللي اتمناه كل واحد يدخل على موضوعك باسم نك نيم جديد لا ترد عليه وطبق المثل الي يقول (((((((( الكلاب تنبح والقافله تسير ))))))) فحبيبي ابو علي ... حسين الجبوري ... سير بقافلتك لخدمة الناس وليس المنتدى لان المنتدى محد راح يكولك رحمة الله على والديك وما تفيد العضو فعال او مميز الي يميزك هو محبة الاعضاء الك وليس المنتدى مع احترامي للطيبين ..... فلا ادافع عن الموقع مع احترامي الجليل الك لان الموقع ما راح يدافع عنك بيوم والدليل هو عضو عنده 4 رسايل يتهجم على عضو فعال جاي يخدم الناس فرجاء كل شخص يحب يخدم العالم هنا لا يجاوب على اي سفيه ينزل رسالة بيها كومنت تعبان وغير مرضي ولا يفزك بكلامه لان شكو واحد يسوي هيج هو عبارة عن فاشل وباقي يتهم الناس بالفاظ تعبانه مثله لان كل شخص يتهم المقابيله بالكذب هو كذاب حتى نكول عليه ((( يرى الناس بذات نفسه )) مع تحياتي للطيبين والخيرين من الاعضاء .................!!!!
اخوية العزيز شكراا لمرورك الكريم وابداء رايك واحنة نرحب برايك لكن اكيد كل موضوع الة نهاية وهذا طبيعي
وشغلة مسنود فما اتوقع لان احنة هنا كلنا اخوة وماكو فرق بينا والادارة جدا محترمة واسمى من هذا الشي
وطبعاا اكيد يوجد انواع من الناس وهذا موجود بالحياة وبكل مكان وحتى على النت يعني شي هم طبيعي الكذب صفة من صفات الانسان وكلنا بشر
لكن .... المقصود هوة فقط القاء الضوء على كل شخص يحاول انو يسيئ الى المنتدى بشكل عام ولعضو بشكل خاص لا اكثر ولا اقل
وانا ردت يكون النة صوت ورسالة نوجهها الى كل الاشخاص الي يدخلون لهذا الغرض او كل من يدافع عنهم
ونطلب من الادارة المحترمة ولو همة ممقصرين انو يزيد المراقبة على الاعضاء وحذف كل ردلعضو يقل ادبة او يطرح موضوع غرضة التشهير وعدم احترام الغير
ومرة ثانية اللًة يفرج همنا جميعااا وتحياتي لكل الاعضاء الي اطلقو ضوء الحق بسماء منتدى عين كاوا الحبيب
