الى اهل الخبرة ب iom

[tofethegreat]

السلام عليكم
اني دزيت رسالة لل iom قبل 9 ايام  حجيت بيهة القصة فقط بس مردولي لحد الان هل صحيح يتأخرون بالرد وشكد تقريباً يتأخرون كحد اقصى وبالسبة للمسؤول الاميركي الي ايميلة موجود بالتزكية مالتي اني دزيتلة رسالة بس مجاوبني والرسالة بالانكليزي ورفقت بالرسالة صورة للتزكية مالتي زين بهاي الحالة اذا المنظمة خاطبتة راح يجاوبهة لو المنظمة تتأكد من مصدر ثاني
وشكراً

[عراقي هواي]

صديقي لازم ترفق التوصيات مع الطلب حتى لا تتأخر وتحاول تلح على مسؤولك الامريكي بالرد خبره ان المسأله ارجنت ومتحتمل التاخير وحياتك متوقفه على طلب اللجوء وانشالله موفق

[UN]

اخوية التاخير عادي

اني مرة 9 يوم يلة ردوو علية
ومرة 13يوم يلة ردووو

بس همة اكثر من14يوم وراها عيد ارسال الرسالة

[tofethegreat]

مشكورين اخوتي وماقصرتو هسة اجاني الرد من المنظمة بالمعلومات بس المشكلة انه المرافقين الي وياية مرتي وامهة وهمة جوازاتهم مخلصانة يعني ورة العيد يالله تخلص عادي انطيهم بس معلوماتي اني وبعدين بالمقابلات اظيفهم وياية لو انتظرهم تكمل كل جوازاتهم وندزهة كلهة هاي شغلة والشغلة الثاني المسؤل الاميركي مالتي صار مرتين دزيتلة رسائل بس مجاوبني ورفقتلة صورة من التزكية وهم مردلي يعني من المحتمل يرد على المنظمة اذا رادو منة التزكية وثبوت عملي معهم لو نفس الشي وفي حال ردلي المسؤول الي واثبت عملي معه يصير اني ادز الموافقة مال المسؤول الهم وهمة راح يقتنعون بيهة لو الة يدزهة الهم وتحياتي الكم ومشكورين مقدماً

[homam ali]

عزيزي صاحب الموضوع ارسل رسالة اوبعد اسبوعين ويجيك الرد

[BUCCA]

حبيبي انت ارسل البايو كرافك الي طلبوة منعندك .... والجوازات الماموجودة خليها ان بروسس .

ومن تكمل ارسلها الهم. راح ينطوك رقم ملف وتنتظر المقابلة الاولى انشاء اللة

المنظمة تراسل المسؤل بفورم خاصة انت اذا تحب  راسل المسؤل تخبرة بانك مقدم اوراقك للسفارة واذا راسلوة يعجل بالاجابة