سؤال بسيط جدا عن السفر من مطار بغداد

[THE DIPLOMAT]

تحية طيبة للجميع ...

سؤالي بسيط جدا و هو كيف و متى استلم وصل الحجز و التكت مال الرحلة عن طريق الIOM ؟
لأن حسب ما أعرف اي شخص ما يصير يدخل قاعة المسافرين الا عندة حجز و جواز؟
وين نلكى موظف ال IOM تحديدا ؟

آني دا أحجي عن السفر من بغداد؟
ارجو الاجابة رجاءا .

[UN]

واللًة صديقي اني مو بالعراق بس يمكن همة يخبروك بهذة المعلومة لامو يمكن اكيد

ارجو الدخول والمساعدة

تقبل مروري

[THE DIPLOMAT]

up

[dhia]

اخويه العزيز.... الموظف راح يتصل بيك قبل كم يوم موعد سفرك وهوه راح ينطيك المعلومه بالضبط وايضا يكلك  احفظ رقم تلفوني يمك اذا كان عندك اي استفسار (وعموما الموظف ينتظرك بالوقت الي راح ينطي  الك ابساحه عباس ابن فرناس وكل الي بالساحه همه يعرفو ن يعني انته تسال  سواق المطار اهل الجي ام سي وهمه ايكولولك انتظر ابهذا المكان وتحياتي

[THE DIPLOMAT]

شكرا جزيلا للتوضيح عزيزي ..


تحياتي

[عديل الروح]

السلام عليكم
اخي العزيز بيوم اخذ الحباية بمستشفى ابن البيطار راح ينطوك ظرف شفاف بيه ورقتين بيهم وزنك وطولك ومعلومات عنك راح يتصل بيك موظف من المنظمه ينطيك موعد الرحله وساعة حظورك الى ساحة عباس بن فرناس تتوجه بيوم السفر الى ساحه عباس بن فرناس راح يجي عليك موظف من المنظمه ينادي اسمك وينطيك ورقه تخليها وي الاوراق ويطلب منك تركب سيارات المطار وتتوجه الى الصاله هاي الاوراق هيه الي ادخلك الصالة المطار ويجب ان تكون موجود بالموعد الي يحدده الموظف وانشاء الله توصل  بالسلامه والسفر لجميع الاخوان والاخوات

[THE DIPLOMAT]

السلام عليكم
اخي العزيز بيوم اخذ الحباية بمستشفى ابن البيطار راح ينطوك ظرف شفاف بيه ورقتين بيهم وزنك وطولك ومعلومات عنك راح يتصل بيك موظف من المنظمه ينطيك موعد الرحله وساعة حظورك الى ساحة عباس بن فرناس تتوجه بيوم السفر الى ساحه عباس بن فرناس راح يجي عليك موظف من المنظمه ينادي اسمك وينطيك ورقه تخليها وي الاوراق ويطلب منك تركب سيارات المطار وتتوجه الى الصاله هاي الاوراق هيه الي ادخلك الصالة المطار ويجب ان تكون موجود بالموعد الي يحدده الموظف وانشاء الله توصل  بالسلامه والسفر لجميع الاخوان والاخوات

شكرا جزيلا أخوية ..
بس ممكن تكول شوكت هاية الحباية ؟ لأن آني مسوي فحص طبي و ماكو هاية الحباية شوكت ينطوها ؟

[عديل الروح]

اسف على التاخير
الحباية يخابروك عليها اغلب الاحيان قبل السفر بيوم واذا عليهم لود او ازدحام ممكن بيوم السفر المهم هم يتصلون عليك ويحددولك موعد موعد الحبايه اغلب الاحيان الساعه الواحده ظهرا