الاخوات والاخوة الاعزاء...صباحكم سكر.
قبل يومين اتصلوا المنظمة (iom)من عمان،سيدة اتصلت بزوجتي لأن الظاهر كنت قافل موبايلي وممحصليني..المهم بلغوهه بموعد السفر يوم 15 آب،وكلولهه خلال هاليومين نتصل بزوجك بس لازم يبقي موبايله مفتوح لايقفله...طبعا فرحنه جدا لأن ملفي من 2009 وشبعنه مقابلات وفحص وانتظارات لحد مانسينه الشغلة وشبه يأسنه منهه.ظليت فاتح موبايلي بلكي يتصلون اليوم باجر ماكو..بس صادفت نهاية اسبوع على مايبدو وآني حاولت اتصل بيهم أكثر من مرة وخليت مسج برسالة صوتية لكن دون جواب.
سؤالي،الموعد مربك جداً ومراح الحك اصفي اموري..مثل ابيع سيارتي وأأجر بيتي وقدم اجازة بدون راتب من دوامي واستخراج وثائق دراسية لأطفالي...فحبيت أسالكم اكدر أأجل موعد السفر فد شهر شهرين لو لا؟
يعني مسموح لي لو لا؟
ثانيا:اتصلت بكفيلي بولاية تنيسي لكيته ماعنده خبر،فراح اتصل بالمنظمة هناك نفس الشي ونطاهم رقم ملفي وأسمي مالكو اي معلومات..فخبروه انهم راح يتصلون بواشنطن وبكرة (الاثنين)يعرفون الجواب لأن احتمال شامريني على غير ولاية..
انتو شنو رأيكم؟..أعوف الامور كما هي وأسافر لو أكدر آخذ مهلة ارتب وضعي..هل من حقي لو لا؟
شكرا ياطيبين.وياريت تعليقاتكم بالسرعة الممكنة.
