تحذير من عملية نصب واحتيال في المنتدى من قبل النصاب العضو الجديد iom.usa فأحذروا اخواني

[أبو الحكم]

تحذير الى جميع الاخوان , هذا اعلان كاذب كاذب كاذب وهذا الشخص نصاب ومحتال وهدفه سرقة اموالكم ولااحد يستطيع مطلقا ان يعرف تفاصيل ملفاتكم بأي مرحلة كانت لا من امريكا ولا من خارج امريكا ورئيس امريكا بنفسه ميكدر يطلع على تفاصيل ملفاتكم والمحلف موقع وانتوا موقعين على عدم افشاء اسرار اي كيس واي ملف , والمنظمة مسؤولة على الحفاظ على سرية ملفاتكم وقصص تهديدكم وهذا الشخص لايعرف شيئا وهدفه النصب والضحك على الاخرين وخداعهم وسرقة اموالهم .

وهذا رابط الموضوع مالته

http://www.ankawa.com/forum/index.php/topic,685125.0.html

احذروا احذروا احذروا

الدين النصيحة

مادام اني موجود بالمنتدى واكو ناس خيرين موجودين لاتكدر انت ولاغيرك يستغل ويستفز مشاعر الناس ويلعب على مصائرهم مثلك


جار الانتظار

[Ali-Shack]

اخي ممكن توضح شنو اللي صار بالضبط وتشرحلنا... ؟؟ صارت حالات يعني ؟؟ وويا من ؟

[Ali-Shack]

تسلم اخي ... والامر اصبح جدا واضح ....وشكرا على التنبيه ...الله يبارك بيكم

[GoldenEgle]

الاخ العزيز ...

شكرا لاعلامك الجميع بهذا المحتال وهنا يجب ان تعلم ادارة الموقع لغرض ايقاف عضويته وكذلك ابقاء التحذير منشورا لغرض تجنب تكرار هذا لامكانية  ان يدخل باسم اخر .

تحياتي
النسر الذهبي

[espero]

 up

[زرزور بغداد]

السلام عليكم

بارك الله بيك اخي العزيز ( جاري الانتظار )

وهاي مو أول مرة اتصير ..... تحياتي الك

أني دزيت الك رسالة على الخاص .... وصلت لو لا

أخوك زرزور بغداد

[UN]

السلام عليكم

اخواني تم تبيلع الادارة والمراقب صباحااا بخصوص الموضوع

وهذا واحد نصاب  كلب ابن كلب

جاي علينا مو قشامر شيب شعر راسنة من هل سوالف

بس ديرو بالكم اخاف يدخل بغير اسم

[زرزور بغداد]

بارك الله بيك أخي ( UN )

هههههههههههههههههه

تعبانين ذولة

[alnasiry]

حتى بالمنتدى مخلصنا من كلاوات العراقيين مكافي عاد الله واكبر ديروا بالكم يمعودين والله الساتر ولا احد ينطي اي معلومات حتى لان مكمنا نعرف الخوش ادمي من الموخوش واشكر اخوية العزيز جار الانتظار على معلوماته القيمة وتحذيره من هذا الشخص النكس حشاكم

[BUCCA]

واللة مشكلة هس انت ضاقت بك السبل اجيت اهنا  احنا عايشين ازمة ببعد ازمة

عالم خايفة على روحاها وانت صاير عبقري من اللة يطيح حضك................

اخوان  الحذر من اي معلومة تنشر  ولا تكثروا بتفاصيل ملفاتكم  لان العديد من الاشخاص يدخلون وللعلم حتى المنظمة تعرف ببمنتدى عين كاوا
ومحتمل جدا المنتدى مراقب من قبل جهات عديدة 

فلا احد ينشر عن نفسة اكثر من الازم وعن تفاصيل الكيس وخصوصا لاتعطون تواريخ السفر بدقة



يارب يحفظ الجميع

[Mohammed altaee]

جزاك الله ألف خير أخي العزيز جاري الإنتظار وبارك الله فيك على تنبيه الناس
وشكراً لكل عضو شارك في كشف زيف هكذا إناس لايخافون الله

تحياتي

[دشتي]

كلمة شكرا قليلة بحقك  يا جار الأنتظار

[بغداد بقلبي]

رايح لمريكا1
روح بلغ البنك في الموضوع علمود يتخذون اجراء همهوايعرفون المن ايبلغون وبنفس الوقت ايغيرون ارقام بطاقتك او ايغيرون البطاقه مهمه جدا هاي الخطوه وهم علمود ان شاء الله ايلزموه

[alialiali10099]

جار الانتظار كم انت كبير وفق الله لفعل الخير وبارك الله بك ياطيب

[أبو الحكم]

السلام عليكم


شكرا جزيلا لجميع الاخوة الكرام على الكلام العطر والمرور الجميل , وان شاء الله اخوتي سنكون عند حسن ظنكم دائما ونرتقي بهذا المنتدى وهذا الصرح الكبير الى الامام بعونه تعالى .



جار الانتظار

[KUKICACAW]

السلام عليكم ............ الله يبارك بيكم ويكثر من امثالكم الي كشفتو هذا المحتال ..... هو احنه بياحال حتى يجي واحد يلعب على جراحاتنا مو كافي الي دنشوفه يومية حتى يجي واحد حشى الجميع حثاله يلعب بعواطف المحتاجين الى المساعدة والى النصيحة هذا أكيد مو عراقي الله لايوفقه لادنيا ولا آخرة
أخوكم
كوكي كاكاو

[Baghdad Engineer]

الله يبارك بيك اخي الكريم و يجعله في ميزان حسناتك

[بسام الطائي]

بارك الله فيك لاعلامنا بالامر .. وان شاء الله مايتهنا بيهن هالناقص وان شاء الله حوبة اللي اذاهم ماتروح بلاش .. حسبنا ونعم الوكيل

[أبو الحكم]

السلام عليكم



شكرا جزيلا لمرور جميع الاخوة الاعزاء وهذا بيتنا الثاني ويجب ان نحافظ عليه من هكذا نماذج , تحاول استغلال مشاعر الناس المتعبة بسبب انتظار المنظمة المرهق ....



أخوكم جار الانتظار