استفسار يرحم ولديكم

[rwrwrw96]

تحية طيبة انا مقدم 2011 ومقابل اولى شهر السابع 2012 وفحص طبي شهر الثامن 2012 والبعدها انطوني فاليوم الي يوم 30 سبعة 2013 قابلة محلفين واستمر الجلسة ساعتين ونص بدون استراحة  وهسه الامنية مكتملة  زين يعني الامنية خلاص انتهت لو ترجع امنية جديدة واني متزوج تنصحوني اضيف زوجتي لو هم اتجرهاا فترة طويلة اذا ظفتها لو اروح واسويلها لم الشمل ........

اريد تنصحوني ومشكور الكم ... ........... تحياتي
iz-128XXX

[فارس البغدادي]

اخوية العزيز هاي جزء من الأمنية اكتمل ثم إضافة الزوجة انته ليش اتاخرت بيها كان المفروض اول ما تتزوج تضيفها حتى مقابلة مال معلومات ليش تنعاد عليك وانته هسة إذا ضفتها أكيد راح يصير تأخير وبين ما تنضاف للملف يجيك النونو وهم لازم تضيف وهم تأخير يعني طويلة اتصير وهو شنو تأخير هم لابد منه أني من شهر الواحد 2010 مقدم ولا اضافات صارلي اربع سنين انتظر المهم بالنسبة للم الشمل ما اعرف شكد يله يحقلك وتسوي لم شمل ضيفهم منا أحسن حتى طلعة وحدة،،،



تقبل مروري أخوك
فارس البغدادي

[ام ليا]

اني اكول روح وسوي لم شمل لان اتوقع راح اتأخرك بينما لم الشمل متطول بلزايد 7 اشهر .... حسب اللي صار ويا صديقتي وزوجها

[مصطفى حنفش]

اخوية العزيز اذا اضيفهة راح تاخرك بالقليل سنتين والقرار الك

[أبو الحكم]

السلام عليكم اخي الكريم


من رخصتك بس حبيت اعلق على تعليق الاخت ليا واسألها واكلها بدون زحمة عليج اختي صديقتج شنو نوع الخرزة اللي شايلتها وخلت معاملة لم شملها تطول سبعه اشهر , ههههههههههههه صدك ضحكتيني



جار الانتظار

[rwrwrw96]

اشكركم اخوتي   انا مسموح الي اظيف زوجتي وياي ع الكيس وانا من يومين مسكت عقد يزين ارسل العقد لو يطلبون هم هوية متزوج الي ولزوجتي

[alialiali10099]

حبيبي ارسل عقد الزواج وخلي اطول معاملتك كم شهر لان انت بكل الاحوال اذا وصلت امريكا وسويت لم شمل هم راح اطول فد 4 سنوات مثل الورد يله تجيك زوجتك لامريكا يعني قصدي طلعووو سوه افضل حل الك لان بكل الطرق انت متاخر متاخر
وانت هم صوجك المفرض تكلهم متزوج حتى مقابلة محلف وحد بهيج حاله من تضيف زوجتك رواح تنعاد عليك مقابلة المحلف والفحص الطبي
والمصيبة الاخرى اذا اجاكم طفل وانت بعدك ممسافر يعني هم اعادة محلف وفحص يعني سافتج حيل داجه وطويله هم 4 سنوات رادلها وانت بكيف وربك وحد يكدر يسرع ملفك
والتوفيق يارب والف مبروك على هذا الزواج واذا تكدر طلق احسن هههههههه اشاقه وياك يعني طلق وفلت وحدك لامريكا هههههههه