المدة بين المقابلة الاولى و الثانية

[kellercall]

السلام عليكم شلونكم


اني مقابل مقابلة اولى 29/4  2013


شوكت ماقبلتي الثانية راح اتكون اب توقعاتكم و خبرتكم

ملفي 138xxx
وشكرا

و اني من المقابلة الاولى الي هسة ولا دزيتلهم رسالة يعني ولا اتصلت بيهم لا ايميل ولا تلفون

[أبو الحكم]

السلام عليكم اخي الكريم


السياق المعتمد بالمنظمة وطبعا مو لحضرتك اكيد لان انت تارك ملفك ونايم , هو من شهرين الى اربعة اشهر فأذا تظل هيج لاتليفون ولامراسلة وهي طبعا بس مراسة ماكو تليفون , تظل سنين ومتقابل مثل مااعرف هسة ملفات بالعشرينات وممقابلين وملفات رقمها 137 وسافروا وهسة بأمريكا



جار الانتظار

[مصطفى حنفش]

من شهرين الى 4اشهر تقريبن

[گازه]

حبيبي صاحب الموضوع
ماكو هيج حجي مع احترامي لاخوان و خاصة اخ جار الانتظار ,اكو جماعة 120-122-123.....بعدهم مامقابلين ,و اكو  130 و 133 مسافرين لان كل كيس يختلف من الاخر ...اني 134 قابلت اولي بداية شهر 2 و لحد الان كلشيييي ماكو..
و بالنسبة لموضوع مراسلات ,شي روتيني و نفسي اني كتبت كليشة مثل جماعة اي او ام اسبوعيا اسوي كوبي و بيست و ادزة و كلشي ميتحرك و ميأثر هم ايسون كوبي و بيست لكليشتهم و يجاوبوني و هاهي ...
تحياتي و احترامي للكل
كازه

[Hope4All]

مرحبا...  اني انضميت جديد لهاي الرابط المفيد و احب اشكر الجميع على المعلومات المفيدة و انشاء الله يسهلها على الجميع والسفر القريب .

بالنسبة للمدة اني جان المدة بين الاولى والثانية تقريبا 6 اشهر. طبعا موعدنا بالمقابلة الثانية قريب و انشاء الله خير و اذا اكو اي نصيحة تفيدونا بيها اكون ممنونة. اني قريت هواية بالرابط و استفاديت .

[مهجر وافتخر]

عادي جدا انت مامتاخر
انا بين الاولى والثانية 7 اشهر موضوع تراسلهم ماياثر بلقضية

[kellercall]

شكرا عل ردور طبعا ارفعة معنوياتي ما اعرف ليش

ان شاء الله الكل اتقابل اب اقل فترة ممكنة

[Day of arrival]

حبيبي صاحب الموضوع
ماكو هيج حجي مع احترامي لاخوان و خاصة اخ جار الانتظار ,اكو جماعة 120-122-123.....بعدهم مامقابلين ,و اكو  130 و 133 مسافرين لان كل كيس يختلف من الاخر ...اني 134 قابلت اولي بداية شهر 2 و لحد الان كلشيييي ماكو..
و بالنسبة لموضوع مراسلات ,شي روتيني و نفسي اني كتبت كليشة مثل جماعة اي او ام اسبوعيا اسوي كوبي و بيست و ادزة و كلشي ميتحرك و ميأثر هم ايسون كوبي و بيست لكليشتهم و يجاوبوني و هاهي ...
تحياتي و احترامي للكل
كازه

100% مابيها مناقشة مثل متفضلت كل كيس يختلف عن الاخر

[Ali-Shack]

السلام عليكم شلونكم


اني مقابل مقابلة اولى 29/4  2013


شوكت ماقبلتي الثانية راح اتكون اب توقعاتكم و خبرتكم

ملفي 138xxx
وشكرا

و اني من المقابلة الاولى الي هسة ولا دزيتلهم رسالة يعني ولا اتصلت بيهم لا ايميل ولا تلفون

اخي العزيز
بس حتى نفهم منك اكثر....ومع كل تقديري لكل اراء الاخوة مشكورين
انته من بغداد لو عمان لو ....؟
انته شوكت اتحولت عندك المقابله الاولى الى مكتمل بعد ما قابلت الاولى؟
و شنو هيه حاله المقابله الاولى عندك حاليا ؟
حاله مقابله المحلف حاليا عندك شنو ؟ ومن شوكت ؟
وحاله الملف شنو ؟

[kellercall]

حالة الملف فعال

اي او ام بغداد

الصراحة ما ادري شوكت تحولت المقابلة الاولى لان جنت اصلا ممسجل بالموقع ورة شهرين من المقابلة الاولة سجلت و فتحت الموقع لكيتة مكتمل

حالة المحلف غير فعال

[كلــــــــــــوري المحبة]

اخي بالنسبة للمقابلات مو نفس الشي يم الكل
اني قابلت المقابله الاولى بعدها بسنة قابلت الثانية

[Baghdad Engineer]

السلام عليكم

اني امقابل اولى بالشهر الثالث و لحد الان كشي ماكو و اخذوا بصمات بالسادس و اتصلت بيهم و كالوا انته بالجدول و شكله شغلة تعبانة اني ولد صديقي الكيس نومبر مالته بالعشرين و سافر.و هسه هوه بامريكا ما اعرف شنو السر . مع تحياتي للجميع

[أمير Fisher]

السلام عليكم. عندي مجموعة اسألة واتمنة احصل الرد عليهن.
أول شي سمعت انه برنامج الـSIV راح ينسد نهاية شهر سبتمبر واني لحد الان ما مقابل ويومية ادخل على هذا الرابط اللي تكتب بي الكيس نمبر وتشوف حالة الكيس مالتك الى ان لكيتة Ready وكاتبلي موعد للمقابلة مع العلم انه الـNVC ما دزولي اي موعد للمقابلة! يعني لو ما مجييك رقم الكيس نمبر بهذا الرابط مال السفار جان ماعرفت انه اني عندي مقابلة. دزيت رسالة للـNVC جان يجاوبوني بجواب عادي انه الملف مالتي كامل ودازي للسفارة وعندك موعد مقابلة بفلان وقت يعني بس حجي ما دزولي الملف الـPDF اللي هوة المفروض يدزوليا واسمة Appointment Letter. دزيتلهم طلب للـAppointment letter ولحد الان ما اجاني جواب. دزيت رسالة للسفارة كتلهم انتوا منطيني موعد للمقابلة وماعندي Appointment letter ما اجاني جواب. دخلت عالنت ادور بالاسئلة الشائعة عالمقابلة وهاي الشغلات اكتشفت انه بالمقابلة يردون فحص طبي والفحص الطبي يردون الـAppointment letter يالة يسوون فحص. دخلت على موقع السفارة على موضوع الفحص الطبي لكيت مكان كاتبين اختار اول 3 احرف من اسم السفارة مال بلدك وننطيك المعلومات عن المراكز اللي تسوي بيهة فحص طبي النة ببلدك. اختاريت سفارة بغداد وفتحت الملف  مال الـPDF ولكيت معلومات عن اللقاحات واجور الفحص بس ما لكيت اي تفاصيل مثل عناوين المراكز ووين. الى ان دوورت عالكووكل واندليت وين يسوون فحص بس مع ذلك ما اكدر اسوي فحص لان ماعندي الـAppointment letter. اجة موعد المقابلة مالتي وصادفت هاي الشغلات كلهة قبل كم يوم انه راح تنسد السفارة وما اعرف شلون فكلت اكيد ما دزولي ذني الشغلات اللي اني رايدهن علمود هذا الشي. واجة يوم المقابلة واني ما عندي الـAppointment letter ودزولي ايميل يكلولي ليش ما اجيت راسلنة على هذا اللنك علمود نححدلك موعد مقابلة ثاني واكتب سبب عدم حضورك. كتبتلهم كلي بس لحد الان ما اجاني جواب على كل رسائلي. واللي اريد اعرفهة انه هذا هو انتهى كلشي وراح تروح علية؟ لان بعد شهر واحد وينسد البرنامج؟ والسوال الثاني هوة من واحد تتأجل مقابلتة الاولى شكد ويحددولة موعد يقابلوه مرة ثانية؟ وتحياتي للكل.