المقابلة الامنية والاجرائات

[عمروو]

السلام عليكم  اني من بغداد اخوية عايش بمريكا وعندة الجنسية وقدملنا اني وامي وابوية وخواتي 3 المهم انو  اني  اشتغلت مع الامريكان بل2004 مترجم وكان عمري 16سنة وية التايتن كامبني
 كان اقل شي العمر المقبول هو 18 بس النقيب المسئول كان يعرفني وسواليها
يعني زورت هويتي سويتهة 18سنة المهم ورة سنتين صارتلي مشكلة اتعاركت وية جندي كلب مكسيكس من وبطلوني رجعت للشركة حجيت وية المسئول المدير وافق بس الكلب ابو السكرينن ما قبل ورة شوية اجاني واحد
كال بعد لاتوصل اهنا ورة ما اخذ ابو السكرينن البصمة مالتي المهم هسه اخوية قدملنا علئ الهجرة اني وهلي اشلون  اذا  بل المقابلة سئلوني شجاوب اول شي  اني
مشتفل وياهم   ثاني شي اني مزور هويتي  جنت 16 سويتهة 18 ثالث شي همة امبطليني  
اني اريد من الاخوة المساعدة
واخواني اني جيكت بل gls ماكو  صورتي  بل الباب وثانين  جيكت بل  الحاسبة  العامة مال  الامريكان  ما كان  اسمي موجود كان  عندي  ولد صديق ايداوم بل البصرة وشافلياهة  اسمي  ما كان موجود  بس  الشغلة مثل  ما  دكر  بعض  الاخوة الاعظاء  همة ماخذين  البصمة مالتي
وثاني شي سئلت اهواية  ع الابلاك  لاست  كانت اطول سنة اهنا   بس  اني اكثر شي مدوخني هيه  مال  العمر اذا  كلت اني  اشتغلت  راج  يسئلون  اشلون  وانته عمرك 16  شجاوب  
وشكراااا   جميعااا  ع  المشاركة  بل الموضوع الله  ايوفقكم  جميعااا  واليعرف  شي  لا  يبخل  علينة بل اجابة

[moaayed78]

اخوية العزيز احب انطيك نصيحتي  ماكو داعي تكول اي شي عن شغلك وحتى لو اطرقت الشغلك احجي شي سطحي لتحجي تفاصيل لان انت اصلا ممقدم بعلى شغلك انت  مقدم على اخوك وكول انت اشتغلت  وية الامريكان  بس ماعندك اوراق تثبت شغلك على لان هم مراح يدورون على مستمسكاتك بهذاك الوكت لان الامريكان اصلا راحوا  واحب افيدك بشي حتى الي مشتغل وية الامريكان عسى ما مشتغل 10 سنوات اذا ما عنده اوراق تثبت شغله  مراح يقبلو  يعني لتخاف من ناحية شغلك القديم والمشكلة الي صارتلك امن ويارب تتوفق وتسافر الامريكا

[cristiano ronaldo]

سهلة اخوية مثل مكال الاخ الفاضل لتجيب طاري شغلك ذاك وانت ممقدم ع شغلك انت اخوك هو الي يريد يسحبك وكلام الاخ مؤيد صحيح جدا وهم مراح يدورون وراك لان انت اصلا ممنطي ثبوت الهم
تحياتي

[alialiali10099]

اخوان الولد ديكول اخذووو بصماتي
يعني بكل الاحوال راح يعرفووو من البصمة واكيد من اخذوو البصمة وبطلو يعني بلاك لست وان شاء الله اكووو اني غلطان
وهاي راح ارفع الموضوع للمساعده من اهل الخبره
وفقكم الله ان شاء الله تمشي امورك بخير ويسر

[أبو الحكم]

السلام عليكم اخوتي الاعزاء


للاسف الشديد كلام الاخ مؤيد وكلام الاخ كرستيانو رونالدو خاطيء خاطيء خاطيء وكلام الاخ علي علي علي صحيح ومضبوط مئة بالمئة والاخ والعضو صاحب الموضوع ارسلي رسالة على الخاص وجاوبته نفس جواب الاخ علي , قبل ماافصل الموضوع حتى يفتهم الاخ السائل الكريم احب اكول للاخوة مشاعركم ووقوفكم مع الاخ السائل اكيد محترمة ومقدرة وهي مشاعر نبيلة ولكن يااخواني انتبهوا اذ ان الشخص السائل ربما يتعرض الى التظليل بردودكم واتمنى من اي شخص ليس له علم بالموضوع بأن ميفتي ويجتهد على صاحب الموضوع برأي خاطيء ممكن يوكع صاحب الموضوع بمشاكل هو في غنى عنها , اخي الكريم صاحب الموضوع المترجمين وكما تعرف وانا واحد منهم عليهم تجييكات امنية مضاعفة واغلبهم ملفاتهم هي قيد الدراسة , واكيد اكيد اكيد مثل ماتفضل الاخ علي حضرتك عندك بلاك لست لان انت ذاكر كلولك بعد لاتجي لهنا وهذا بلاك لست من السما للكاع مثل ميكولون هاي اذا مجانت صورتك حاطيها باب شركة تايتن واني وضحتلك بجوابي على الخاص انه اكو مركز بوزارة الداخلية بي حاسبة مركزية يجيكون بي على الجنسية وشهادة الجنسية والجواز وبطاقة السكن والمعلومات الحقيقية والصحيحة منذ زمن صدام والى الان واكيد تزوير جنسيتك يطلع , والمحلف ترضى ماترضى يعرف بالبلاك لست , لان اذا ميعرف بالبلاك لست لعد متكلي شيعرف ؟؟؟ بكال هو خوما بكال يااخوية مو انت مترجم وتفتهم , لعد شلون بالسفارة برنامج الــ SIV اللي عنده بلاك لست ينرفض الكوم مالته رأسا ؟ والسفارة ارتباطها وثيق جدا مع المنظمة ودليل كلامي انه انت اي برنامج مقدم عليه الطرف الاخر يعرف سواء اي او ام او اس اي في , اني هذا جوابي ومتأكد منه مليون بالمية واشكر الاخ علي لان وضحلك الموضوع بدون مايظللك برد عاطفي , اما موضوع شاسوي وشتسوي فهاي مااعرف بيها للاسف وانت اللك القرار الاخير اخي الكريم


أخوك جار الانتظار

[Dr. Luke]

الاخ صاحب الموضوع المحترم..

اولا شكرا جزيلا للاخوة الي شاركوا بارائهم وشكرا للاخ جار الانتظار للتحليل. حبيت اشارك تجربتي الشخصية وية البلاك لست. انا ايضا اشتغلت فترة كمترجم وانتهيت بالبلاك لست مثل كثير من الاصدقاء, وقابلت مقبلات الاولى والمحلفين, ومقابلاتي اجريتها بال 2012 يعني مو بعيدة عن تاريخ التقديم, وهنا احب الفت انتباهك الى شغلتين:
1. انت البلاك لست مالتك قديم من ال 2004, وانا اذكر كل الي وياية جانوا يشتغلون على الاقل ماكلين 2 بلاك لست قبل وهسه يشتغلون وقسم منهم بامريكا هسه. حسب ما كنت اسمع بي ذاك الوقت, انه البلاك لست القديم كان صالح لمدة سنة وقسم منهم اقل من هذا الشي وبالاخص خلال فترة 2005-2008 وذلك بسبب قلة المترجمين والحاجة الماسة اليهم. والدليل الي كان يشتغل وياية كان عندة 2 بلاك لست واحد بال 2005 (متعارك ويه الضابط مالته وفصلة ) وواحد بال 2007 ( فشل بالسكرينك لظروف لا يعلمها الا الله) وبعدين بال 2010 قدم وياية واشتغل بنفس المكان. فاتمنى من الاخوان ان ينطون رايهم بهذا الخصوص.
2. عند مقابلتي للمحلف وكنت انا على البلاك لست, اكملت تقريبا نصف وقت المقابلة والمحلف لم يتطرق لاي شي بخصوص الموضوع, ولكن بعدين سالوني اذا انفصلت قبل من اي شغل وجاوبتهمبكل صراحة وسالوني عن تفاصيل المشكلة وجاوبتهم بالرغم من ان مشكلتي جانت كبيرة ووراهه فشل بالسكريننك, الحمد لله حصلت موافقة مشروطة بالامنية ورة 35 يوم من المقابلة والخانة مال محلفين بالموقع صارت مكتمل, وكل ما اسالهم للمنظمة يجاوبوني بانه انت على التجييكات الامنية الضرورية لكل اللاجئيين ونفس الكليشة,

اما نصيحتي الك, النجاة في الصدق, والصدق هو بادرة النية الحسنة عند الامريكان لان انت اذا اخفيت هذا الشي عنهم واكيد راح يعرفون فالشغلة راح تكون صعبة. فمقترحي هو عند التقديم, ان تذكر انت اشتغلت وية الامريكان خلال هاي الفترة ولكن لا يوجد لديك ما يثبت ذلك, واذا سالوك ليش تركت العمل تكدر تجاوب انه صار سوء تفاهم والي ادى الى ترك العمل وهاي تصير بكل مكان. وللعلم ان التجييك الامني على الوثائق راح يكون يخص الاوراق الي راح تقدم بيها هسه, والي هي اكيد صحيحة وغير مزورة على ما اعتقد.

تحياتي

[عمروو]

رحمة الله والديكم جميعاا   وتسلمون  اخواني الاعزاء
  اني  جيكت بل الحاسبة العامة مال  الامريكان  كان  عندي صديق ايداوم بل البصرة وكان عدهم حاسبة  عامة مال  العراق كلة وكلفتة  بل الموضوع وجيك اسمي ورقم باجي ما طلع  شي  وصحيح اني هم سئلت كالولي الابلاك لست نافذ المدة  سنة  وثالث  شي جيكت الصور مال البلاك لست الكانت الجي الا اس اتحطهة بل الباب  ما  الدخول مال الشركة و ماكنت  صورتي موجودة واني عندي اثنين ركمنديشنات
 بس  الشغلة انو  اني من  اشتغلت وياهم كان  عمري 16 سنة وبطلت من  صار عمري 18
اذا  سئلوني اشلون  اشتغلت  وانته عمرك 16 شجاوب  ؟؟؟؟

[moaayed78]

السلام عليك اخوية حبيت انطي وجهه نظري انو انت حتى لوتخبرهم بشغلك كتلك احجي عن شغلك شي سطحي ولتطرق المواضيع ثانية واذكر انو  لان هم مراح ياخون على شغلك القديم مثل مكتلك انت مقدم على اخوك يعني هم مراح يرجعون الشغلك القديم ويطلعون ملفك وبصماتك وانت بعد تشوف الي يناسبك

[THE DIPLOMAT]

كلام جاري الانتظار منطقي و راح انطيك ردي بدون عاطفية .
بما انو عندك هاية المشكلة فلا تستهين بالبلاك ليست مالتك لأن بصراحة شغلة مو سهلة و لا تحاول تقنع نفسك بالعكس .
بالنسبة لبرنامج SIV الرفض يكون مباشر بغض النضر عن سبب البلاك ليست
اما ال IOM فيمكن يكون فرصة ضئيلة تشرح للمحلف شنو صار
اما مسألة تزورير عمرك راح تكون سبب كافي لشك المحلف بيك بالأضافة الى مشكلتك الكبيرة اللي تطرقت الها .

آني ما اريد ادمر معنوياتك بس بنفس الوقت جاوبتك بمصداقية , أكو احتمال كبير تنرفض و اعتقد انتة تعرف هذا الشي