عدم حضور وتأجيل المقابلة الاولى SIV

[أمير Fisher]

ألسلام عليكم.
اخوان عندي كم سوال وحاب اعرف اذا اكو احد مار باللي مار بي اني ويطمني. أول شي سمعت انه البرنامج مال الـSIV راح ينسد بعد شهر يعني يوم 30 سبتمبر ينسد واني لحد الان ما مقابل. وسبب عدم مقابلتي هو انه الـNVC مكملين الملف مالتي ودازي للسفارة وما دزولي اي خبر. خلف الله على هذا الموقع اللي تعرف بي الحالة مال الفيزا مالتك من تكتب الكيس نمبر مالتك ويكلي جاهزة لو لا لان اني على هذا الموقع يومية اكتب الكيس نمبر مالتي منا لحدما تفاجأت انه محدديلي موعد مقابلة بالسفارة وما اجاني اي ايميل بهيج شي لا من الـNVC ولا من السفارة ببغداد. اكتشفت بعدين انه لازم يجيني ايميل من الـNVC بي Appointment letter والسفارة المفروض تدزلي ايميل يكلولي على موعد المقابلة وشأجيب وياي وشأسوي مثل الفحص الطبي ووين مراكز الفحص اللي هم يعتمدون عليهة. بس بالواقع كلشي ما اجاني بس من اكتب الكيس نمبر مالتي بهذا الموقع اللي ينطيك الحالة مال الفيزا مالتك يكلي Ready والموعد مالتي مال المقابلة فلان يوم. راسلت الـNVC علمود Appointment letter علمود الفحص الطبي لان يردون الملف مال الفحص الطبي قبل المقابلة. وهاي الشغلات كلهة مو همة كالولي عليهة ولا طلبوهة مني بس اني دوورتهة بالكووكل وسألت عليهة والـNVC ما جاوبوني والسفارة هم ماجاوبوني واجة الموعد مال مقابلتي واني كلشي ما عندي وبالاخير بيوم المقابلة يدزولي السفارة ايميل يكلولي ليش ما حضرت ادخل على هذا الموقع وسوي طلب تجديد موعد مقابلة واكتب السبب اللي منعك من الحضور. كتبتلهم كلشي ولحد الان ما اجاني اي جواب ولا عرفت راح يحقلي اقابل مرة ثانية لو لا. واذا اي شوكت شكد ياخذون وقت علما يرتبولي موعد ثاني؟ لان البرنامج راح ينسد نهاي الشهر الجاي! شأسوي هسة اني؟ هذا هو انتهى كلشي؟ لو اكو امل؟؟؟

[الفرج2]

اخويه العزيز , انت ما الك اي علاقه بالبرنامج ينسد او ينفتح لانك مقدم وماشيه معاملتك وعندك كيس مراجعه , فحتى اذا انغلق البرنامج ما ينغلق عليك وانما ينغلق على الذين يقدمون من جديد , ثانيا اذا شرحت كل شي الهم كما تقول وحسستهم ان الذنب والتقصير منهم فسوف يتداركون الموقف ويعجلوا ان شاء الله بتحديد موعد مقابله جديد لك , اتمنى لك الموفقيه والنجاح والفرج القريب العاجل .

[hmhmtf]

رح يحددولك موعد احنا مثلك ممقابلين مقابلة اولى طمنا وان شاء الله خير

[الفرج2]

رح يحددولك موعد احنا مثلك ممقابلين مقابلة اولى طمنا وان شاء الله خير

بالمناسبه الاس اي في عادة مقابله وحده ويستلمون الجوازات وتصدر الفيزا ,  لكن اللي يحتاجونه بأمر يرتأونه هم  , ربما يسووله مقابله اخرى .

[أمير Fisher]

يابة شكد جنت شايل هم ينسد البرنامج وتروح عليه! مشكورييييييييين شكراً جزيلاً لان صدك اطمأنيت هسة! ثاني شي ماجنت اعرف انه الـSIV يقابلون مرة وحدة! زين اكو احد يعرف شكد يتأخر موعد المقابلة اذا تأجلت؟

[Blue Falcon]

بس اريد افهم من اجاك موعد ليش ماحضرت

يااخي ماكو شي انه لازم...... اي شي نقص عندك بيوم المقابلة يبلغوك وتدزه الهم عن طريق الدي اج ال بس يشوفون مستمسكاتك الاصليه ويحجون وياك شكم كلمة

يعني شفت عندك موعد اخذ الشغلات اللي قدمتهم وتوكل على الله

[أمير Fisher]

أخ فالكون العزيز ما اعرف شأخذ وياي ولا اعرف انه اذا ما جبت وياي المستمسكات المطلوبة اكدر ادزهة عالدي اج ال جنت متصوور انه اذا رحت وماكو وياي المستمسكات المطلوبة انرفض بالمقابلة

[احمد السنفور]

السلام عليكم
بلا زحمه بيا موقع اكدر اعرف حالة ملفي اني هسه معاملتي على siv و وصلت يم NVC رجاءا اريد الويب ما معرفه حالتك

[رياض ركابي]

اخي عادي تره يحددولك موعد مثل ماصار وياي انه هاي ثالث مره يحددولي مقابلة بس انه انصح اي واحد يحددوله مقابلة يروح  وبعدين النواقص يدزهن اهم شي المقابلة وان شاء الله تحصل فيزة قبل 30-9 بس انته اسرع بالمعاملات

[عراقي هواي]

اخي عادي تره يحددولك موعد مثل ماصار وياي انه هاي ثالث مره يحددولي مقابلة بس انه انصح اي واحد يحددوله مقابلة يروح  وبعدين النواقص يدزهن اهم شي المقابلة وان شاء الله تحصل فيزة قبل 30-9 بس انته اسرع بالمعاملات

هسه ما اعرف ليش هالشدة والتاخير والدي اج ال
همه مستمسكاتك تاخذهم وياك والله يحب المحسنين
1- الفحص الطبي
2-الجوازات
3- الجنسيه وشهادة الجنسيه الاصلي والمترجم
4-قيد نفوس 57
5-دفتر الخدمه العسكريه والترجمه اذا مشمول
6-الكومفرمشين DS260وهذا كلش مهم
7-بيان الولادة للاطفال مترجم اذا عندك اطفال
8- عدم المحكوميه
9-عقد الزواج مترجم والاصلي