شهاده الاعداديه العراقيه

[dodo@]

مرحبا اعزائي وايامكم سعيده ويارب الموفقيه والسفر للجميع
حبيت اسال عن شهاده الاعداديه هل يجب اخراج شهاده الاعداديه من المدرسه بلعراق
لاكمال دراسه الكولج بامريكا اقصد بي مايسمى المعهد عدنا بلعراق يعني دبلوم سنتين لو مايحتاج انطلعها واذا طلعناها  هل يجب علينا ان نصدقها لو مايحتاج
ولازم نترجمها هم اكيد والنسخه المترجمه لازم هم نصدقها لو شلون الي عده معلومات حول هذا الموضوع ياريت يجاوبني واكون ممنونه

وبلنسبه للشهاده مالت الكليه هم نفس الشي تحتاج لو لا ؟

ولكم جزيل الشكر

[Haider ALtaie]

للرفع والمساعده ...

[العجيلي33]

السلام عليكم اخي وبلنسبه لشهاده الاعداديه لازم اطلعها وتصدقها وترجمها لان هي اثبات الك بانك دارس الاعداديه وحسب ماعتقد اتفيدك اكثر من شهاده الجامعه حتى تكدر تدرس هناك جامعه

[كلــــــــــــوري المحبة]

اختي ام مصطفى
اكيد يطلبون منج شهادة الاعدادية الوثيقة تاخذيها من المدرسة وبعدها تصدقيها بوزارة الخارجية ونفس الحال شهادة المعهد او الكلية تاخذين الوثيقة واخذي النسخة مترجمه وتصدق بوزارة الخارجية وتمشى الامور عدله بامريكا من تقدمين على الدراسة
تحياتي الج

[جنكو فيس]

اخوان ..اني مطلعهة كبل سنة تقريبا ..اكو داعي اجددهة . لان اني سامع انه التصديق ميمشي بعد ميمر سنة عليه ابامريا

[snono32]

والله اخوان اني عندي وثيقة اعدادية مترجمة ومصدقة ولكن من سنة 1990 , يعني لازم اسوي وثيقة جديدة علمود يقبلونها لو تمشي هذه الوثيقة ؟

[alialiali10099]

Up

[M.M.A-U.S.A]

السلام عليكم ممكن اعرف اشلون اترجمه يعني يا مكتب بغداد معترف بي من قبل السفارة ؟

[عاشق العراق الوفي]

السلام عليكم ورحمة الله وبركاته
طبعا بالبداية كل عام وانتوا بالف خير وان شاءالله تكونون دائما بخير والله يسهل اموركم يارب
بالنسبة لشهادة الثانوية نعم مطلوبة وبالنسبة للترجمة يعتمدون فقط الترجمة القانونية من داخل امريكا وتحديدا المترجمين المجازين من قبل الولاية وعدهم عضوية هيئة المترجمين الامريكية ATA بالاضافة الى ختم كاتب العدل NOTARY PUBLIC وفي الغالب يكون المترجم عنده ختم كاتب العدل بالاضافة الى الترجمة ويكون الختم للوثيقة الاصلية والمترجمة او نسخة طبق الاصل وتختم من قبل كاتب العدل على انها نسخة طبق الاصل وبعدين ترسل الى احد المكاتب المجازة واللي تتعامل وياهة الجامعة او الكوميونتي كولج لغرض اجراء المعادلة القانونية EVALUATION وتكون رسالة المعادلة بظرف مختوم وملصق من قبل المكتب المجاز وتستلمهة بالبريد او من المكتب باليد وتوديهة الى الجامعة. اما بالنسبة الى شهادات الكلية نفس العملية السابقة بس يضاف الهة توصيفات المواد الدراسية SYLLABUS حتى يشوفون المواد والمقررات ومطابقتهة مع منهاج الجامعة هاي لغرض الدراسات العليا او اثبات انه انت حاصل على شهادة جامعية.
طبعا اني عندي اجازة ترجمة من ATA واجازة واختام ترجمة وكاتب عدل NOTARY PUBLIC من ولاية تكساس واني ساكن في مدينة هيوستن صارلي 4 سنوات ونص وهذه هي الاجراءات المتبعة في ترجمة وتصديق ومعادلة الشهادات.  وطبعا بالامكان انه الوثائق المترجمة من العراق نختم عليهن بختم كاتب العدل على انه الترجمة صحيحة بعد التاكد والتدقيق بصحة الترجمة والمعلومات والتصديقات الموجودة في الشهادة وارسالها الى مكتب المعادلة.
واي استفسار خاصة للساكنين في مدينة هيوستن ولاية تكساس اني حاضر لان اني عملي فقط داخل مدينة هيوستن لسهولة التواصل ومتابعة سير المعاملة وراسلوني على الخاص.