عندي عقد بشركه نفط امريكيه في البصرة

[lyoo]

السلام عليكم ...

عيدكم مبارك اخواني وعساكم من عواده ...
عندي فد سؤال ارجوا اهل الخبره يساعدوني بي ..
مسوي مقابله محلف من سنه و9 اشهر وفحص طبي اكسابر وكلما اخابرهم يكولون بعد موصل ملفك الى قسم المحلفين؟؟
اني حاليا اشتغل بشركه نفط امريكية في البصرة وعندي عقد العمل وشهادات الخبرة  اكثر من سنه ونص و موقعه  من تكساس هيوستن وحاليا مستمر في داومي بالشركه .. الاستفسارات هي كالاتي :
1-   يحقلي اقدم العقد الامريكي مال الشركه الى السفاره الامريكيه لغرض تقويه الملف . علما ملفي لحد الان نايمه عليه الطابوكه .
2-    شنو اكدر اكللهم بهذا العقد انو اتهددت او ماتهددت .. هل العقد يساعدني بشي وشغلي ويه الشركه لو ميساعد
3-   اذا قدمت  العقد هل في سين وجيم وال HR  وغيره ..ويجوز ابو ال HR  مينطيني ركمنديشن او ينطيني فقط  للعمل وليش للاثبات تهديد
ارجوكم افيديوني لان مليت كلش  

[lyoo]

700 مشاهده ولا جواب !!!

[lyoo]

 

[eodt terp]

اخوية ليو تحياتي الك ...


اول شي اعذر الشباب محد جاوبك لان ميعرفون بلضبط ممارة عليهم هيج امور


اني جوابي الك يعني بلي اعرفة لا تاخذة مستند ههههه


اخوية الشغل وية شركة امريكية متعاقدة وية الحكومة الامريكية بلعراق يعني تحمي موظفين امريكان لو عسكر لو تجهيز لو هيج سوالف هاي الشغلات تفيدك بلهجرة .. و هم صراحة متفيدك هههه يعني بس تخليك مؤهل للتقديم ... بس شركات استثمار بحت يعني ما الهة اي علاقة بلحكومة الامريكية هاي ما منهة فايدة حسب علمي لان ممتعاقدة وية الحكومة الامريكية ولا الجيش الامريكي ... هذا الي اعرفة و تحياتي الك

[Nawfal_Alfadly]

 اخويه الغالي اني كنت مشتغل وي kbr وركمانديشن عندي وسرتفكيت وقابلت محلف العام شهر 6 ولحد اﻻن منتظر ماكو غير الصبر مفتاح الفرج وهسه اشتغل بشركة نفط صينية اسلكه منا لمن يجي السفر خﻻصة كﻻمي متفيد اخويه ﻻترسل الهم شي بس انتظر رحمة ربك

[أبو الحكم]

السلام عليكم اخي الكريم


للاسف الشديد التزكيات ( الريكومنديشن ) ليست مطلوبة في برنامج الــ IOM ولاتؤثر مطلقا على سير الملف والمطلوب فقط حين التقديم هو رسالة تأكيد العمل VOE انصحك ان متعب نفسك وتبقى تراسل المنظمة تطلب منهم موعد مقابلة محلفين .



جار الانتظار

[lyoo]

اشكركم اخواني على الردود
اخي جار الانتظار voe تقصد بيها رساله ال hr  مالت الشركه الي اشتغل بيها يعني هم تفيدني شويه , لان مجاي اعرف شنو سبب التاخير بمقابله المحلفين

[أبو الحكم]

اي نعم اخي هي نفسها رسالة الاج ار لتر ولاطبعا متفيدك لانها لتأكيد العمل فقط وليس لها علاقة بمقابلة المحلفين





جار الانتظار

[willpower]

اخي من خلال كتابتك الي افتهمته انت الظاهر مقدم على برنامج ال اي او ام مو على اساس شغلك ويه هايه الشركة النفطية الي دتشتغل بيه حاليا.
و مدام انفتحلك ملف و مسوي مقابله و خلصان فمعناته كيسك مستوفي متطلبات التقديم. و اذا قدمت اوراق اضافيه فهي مجرد تعزيز او ابديت لمعلومات ملفك. لهذا مراح يطلبون منك كتاب اج ار حته يتاكدون من اهليتك للتقديم على هذا البرنامج لان انت اصلا مستوفي الشروط و شغلتك ماشيه. كتب التوصيه الي عندك تكدر تستخدمه ك باب للدخول بموضع اخر قد تفيد من تسريع ملفك. والا وهو تعرضك للتهديد بسبب عملك الحالي بالبصرة وشغلك  راح يكون مؤكد من خلال  كتاب التزكيه الي عندك الراح تقدمه.
اما شغلة التهديد فالمنظمة متطلب منك اثبات التهديد من الشركة . وانما ذكرك و طرحك للموضوع كافي (ولكن) كل امر سواء كان تهديد او اي امر اخر اذا كان معزز بدليل فيكون تاثيره اقوى و احسن... المرفقات ضرورية للاعتماد.

بالموفقية
 
Willpower

[Aiham_]

الشغل بشركة نفط امريكية ما يفيدك بشغة الاي او ام ,, برنامج الاي او ام وجد للناس الي اشتغلت مع الجيش الامريكي فقط و الحكومة الامريكية ,, اما كشغل مع شركة مستثمرة امريكية جائز يفيد بالتقديم على الامم المتحدة و خارج العراق ,, امام عن طريق التقديم للاي او ام فما راح ينقبل مقدم الطلب .

[lyoo]

اشكركم اخواني على الرد

اخوان اني مقابله مقابله اولى بغداد ومسوي فحص طبي , يعني انا مستوفي شروطهم وعندي كيس نمبر

لكن هسه جاي اشتغل بشركه نفط امريكيه ,  كلت اذا اقدملهم العقد والشهايد مالتي يمكن راح يسرعون الملف , لانة صارلي سنه و9 اشهر انتظر مقابله المحلفين

ومثل ماكال اخوي willpower واظنه افتهم مني شنو جاي اسال

نعم مقدم على IOM اني مشتغل ويه الجيش ومقدم ومكمل المقابله الاولة والقحص الطبي يعني مشتوفي شروط التقديم واصل نص المرحله بعد بس مقابله المحلفين انتظر , نعم قصدي اخي willpower اذا اقدم هاي الاوراق الاضافيه يعني راح تعزز ملفي او لا ؟

اها اني اصورت يطلبون مني اج ار من الشركه حتى يتاكدون بس مراح يطلبون , اي هذا قصدي اخي اكلهم اتعرضت التهديد بسبب عملي بشركه امركيه الحاليه فشنو تكول اخي تفيدني اقدمها وانا الشركه اللي اشتغل بيها شركه موجوده بتكساس مقرها الرئيسي

[lyoo]

ممكن تجاوبني اخي ول باور

[willpower]

ممكن تجاوبني اخي ول باور

اني برأي .. بما انو بعدج ما مقابلة مقابلة محلفين وبعد وراج تجيكات امنيه ما بعد المقابلة. فاعتقد انتي راح تبينين للمحلف اذا سالج شنو دتسوين و وين دتشتغلين هسه  ؟؟؟ فشراح اتجاوبين .... فراح اتكليله دا اشتغل بشركة نفطية امريكية حاليا , .....  لو مراح تكلين؟
اذا راح تكلين. فمعناته اول و تالي راح اتبينين انو انتي دتشتغلين بشركة نفطية امريكيه. فالاشعار بهذا الامر للمنظمة يصير من هسه لتحديث الملف و من خلاله تكدرين تفتحين موضوع التهديد الي اتعرضتيله مؤخرا اثر عملج ويه الشركة الامريكية الحالية.. بمعنى التطرق لموضوع التهديد الحالي يكون مقنع و معزز اكثر اذا انتي دتشتغلين وياهم حاليا.
بس شغلة التهديد مثل ما كتلج ... حته اتجيب نتائج جيدة لازم يكون على الاقل معزز بدليل ولو ان كان دليل صغير.اي شي ملحق.. و نوع هذا الدليل طبعا يعتمد على احداثيات و قصة الحادثة .
بس اذا مناويه اتكولين واتبلغيهم انو انتي دتشتغلين بشركة امريكية حاليا فهذا بحث اخر.

تحياتي

Willpower

[سيد الوفاء]

مرحبا
حبيبي ممكن ادكولي هاي يا شركة منهم الي دتشتغل بيها
اني نفس الحالة هم اشتغل بهاي الشركات صارلي اكثر من سنتين
لكن الموضوع هل انه الموارد البشرية راح تزودك بكتاب
وهل انه الشركة عنده عقد ويه الحكومة او على الاقل مسنودة
يا ليت تنورونه بمعلومات اكثر
تحياتي

[ioi]

Brother lyoo
I've Question for u ? are they have a vacancy coz im looking for job ... I hope you go to U.S very soon