الرجاء مساعدتي حول الادويه للي مسافر لامريكا

[zozo2000]

السلام عليكم اخواني
الرجاؤ مساعدتي للاخوه الي مسافرين لامريكا عن الادويه اكدر اخذ ويايه لان سمعت راح يبهذولني اذا اخذ هوايه ادويه وبصراحه لازم اخذ هوايه ادويه اني عنديي التهاب جيب مزمن وهنا الدوا غالي عاد هناك والا طبيب ووصفه وزوجي عندي حساسه مزمنه ولازم يوميه ياخذ علاج نوعين زين شكد نكدر نطلع ؟ راح يحاسبونا على اي نوع دوا وعلى كميته ؟ الادويه السائله للاطفال مال كحه وكولدين مثلا مال اسهال ومغص ؟ نكدر شكد ناخذ؟؟
انتبياتك للكبار والصغار نكدر؟
مسكنات ؟
ياريت الله يخليكم الي يعرف يكولي لان عندي اثنين وهوايه يتمرضون..
هاي شغله وشغله الخ عندي سؤال الي يعرف يكولي الي ميعرف ما اريد يكولي باعي بشنو حايره وانتي بطرانه ومن هالحجي لان مره نزلت سؤال والاستهزاء ما احجليكم
المهم
اكدر اخذ ويايه بقلاوة ومن السما ؟؟ لان عني جماعه موصينين بصراحه مال نوع معين اعرف اكو هناك بس موصين من محل معين فياريت الي يعرف ينطيني خبر لان بالتثقيفيه ظلموها وسوها ممنوعه فاخف صدك واتورط والكم جزيل الشكر

[alialiali10099]

Up

[raadshab]

مرحبا اخي العزيز والى كل الاخوة الكرام
بلنسبة للادوية كلشي تكدر تاخذ وياك ومحد يحاسبك لان اني اخذت ادوية وياي ومحد سئلني عليهة حبوب وابر لاكن سائلة مثل الشرابات ما اخذت وياي لان كنت ما استعملهة بس كلشي ما استفاديت منهة كضيتهة توزيع ياهو المريض اطي منهة خصوصا مال الفلاونزة احب انصحك شي الى انتة عائلة لجيب غير بس ملابس لزوجتك اذا كانت لبسهة خاص او محافضة والك جيب شي قليل لاطفالك لان اهنا كلشي موجود شكد متكدر تاخذ فلوس وياك اخذ لان اهنا اهم شي الفلوس بس لتكل الاحد اني عندي فلوس وبنسبة اي اغراض تحتاجهة من العراق هية توصلك وبسعر رخيص يمكن 13 الف للكيلو هواي ناس هنا جاي دز اغراض وادوية من العراق
مع تمنياتي بسفر القريب والوصول بسلامة
اني اخوك رعد وشتحتاج اني حاضر

[cristiano ronaldo]

اختي العزيزة بالنسبة للدوة انصحج تجيبين هواي دوة محد اصلا راح يحاسبج خليهن بالجنط الجبيرة ولا يسألوج اصلا هنا اذا تريدين تشترين دوة لازم تنتظرين المديكيد وتروحين دكتور والدكتور يكتب وصفة وبعدين تروحين للصيدلية. شي معقد هنا الطب ابوية جان يشتري دوة مال معدة ابغدا دجان ب5 الاف هنا ب 400 دولار .. جيبي وياج اموكسيل وفلواوت وربعة لان راح يفيدنج كلششش
بالنسبة للبقلاوة ومن السما عدي جيبي وين المشلكة احنة بوكتهة عمتي سوتنة كليجة والة تاخذوهة واخذنة 3 علاليك عادي
تحياتي

[ام الحلوات]

 اني وزوجي عدنا امراض مزمنة اخذنا ادوية مالت سنة عدا الفلواوت والبارستول والانتي بايوتك وحب كرط وملين وحب اسهال وحساسية ومراهم وقطرات عين وانف وبعد شتتذكرون شي تحتاجوه هم جيبوه بس قناني السوائل حذرونا منها وهم خفنا لاتنكسر وتبهذللنا الجنط فما جبناهن وجيبي هدوم وخاصة الدشاديش النسائية مال شغل البيت لان هنا ما شفت وتوصلون بالسلامة عزيزتي

[zozo2000]

رحم الله والديكم اخواني وبارك الله بيكم

[شنايزر]

اخويا اخذ اللي تريده محد يحجي وياك عن تجربه

[كورس]

بالامكان اخذ الادوية بانواعها ولمزيد من الاحتراز فصل الادوية المتداولة من الجميع ( فلو اوت + مضاد حيوي + خافض حرارة + مراهم جلدية )  عن الادوية المزمنة التي يجب ان يتم ارفاقها مع وصفة طبية من قبل طبيب يؤيد كتابة بصورة مستمرة  وبصورة واضحة .

[zozo2000]

بالامكان اخذ الادوية بانواعها ولمزيد من الاحتراز فصل الادوية المتداولة من الجميع ( فلو اوت + مضاد حيوي + خافض حرارة + مراهم جلدية )  عن الادوية المزمنة التي يجب ان يتم ارفاقها مع وصفة طبية من قبل طبيب يؤيد كتابة بصورة مستمرة  وبصورة واضحة .

تسلم اخويه بس ما عندي الوصفات مال الطبيب دائما اذبهم شون هسه