اخي DR.ZOMBAS العزيز السلام عليكم , مشتاقين اخويه
طبعا مثل ما كال احد الاخوان اظاهر اللي يضيف طفل المنظمه تنتقم من اهله .. اني ضفت ابني بعد ما اجلو سفري بسبب حمل زوجتي بالشهر 5 من سنة 2012 ومن شهر ال 9 -2012 مكمل مقابلة اظافة الطفل وبس بقو يحلفولي اني سفري مراح يتأخر وسويتله الفحص الطبي شهر 11-2012 وصار الفحص الطبي مال كيس اكسباير وعدنا شهر 1-2013 ولحد الان نسمع حسك !! ابني صار عمره سنه وشهرين وكل ما ابعثلهم ايميل واكولهم كافي انتظار والوضع خطر يتصلون بيه ويكولولي اكو تهديد مباشر!! واكولهم لا لان اني مقوقع نفسي وعائلتي لا اطلع ولا اطب والموظفه تكولي راح نرفع طلبك واخر مره بعثتلهم ايميل خابرتني وره 3 اسابيع تكولي اكو تهديد مباشر!! جاوبتها لا! انتظر من انكتل وخابرج واكولج صار تهديد مباشر ومتت !!!! وهذا الكلام جان قبل اسبوع وجان تكولي شكرا الك مع السلامه فكلتلها وين رايحه ؟ شكو لعد مخابره ! تكولي انته كايل وضعي بخطر فكلتلها هسه شنو فائدة اتصالج؟ جان تكولي مشان نسجل موقف !! ههههه وجان تسدة وطبعا خشمها بالسمه ومعاجبها الحجي.
نصيحه لكل من ينتظر سفر ان لا يفكر ب2 ( الزواج والخلفه ) لان ينسى السفر احسن اله.
تحياتي للجميع وكل عام وانتم بخير
دريمي
