اخواني واخواتي السلام عليكم ... اني مقدم على الاس اي في منذ شهر العاشر 2012 ,ومرت القضية برد وبدل زودنا بهذا المستمسك واعطينا هذا المستمسك علما اني اول عراقي رشح للسفر لاميركا ضمن وجبة المترجمين الاولى عام 2006 واول شخص استلم الاس اي في عام 2008 لكن ظروف خارجة عن ارادتي منعتني من اكمال المعاملة ... حاليا طلبو مني عنوان واسم الكفيل العسكري الاخير المسؤل عني والرجل ماقصر انطاني عنوانه وقال اني جاهز لاي سؤال لاني من اوائل المترجمين ... بس وراهه علكولي جطل وخلوني على الشحن ولحد الان لاحامض حلو لاجفية ولاشربت ... والسؤال الثاني (30 ايلول المرعب ) هل مايقصدونه انه نهائي ام نهاية الرول لهذه السنة ... السؤال الثالث من اين وكيف اقوم بالفحص الطبي والاجرامي لاكمال الاجراءات قبل طلبها والى من اقوم بعنونتها (الى من يهمه الامر ام السفارة الاميركية ام وزارة الخارجية ) وهل هنالك من تنصحوني به لغرض اجراء الفحص الطبي لي ولعائلتي وكذلك تدقيق السجل الاجرامي ... وتقبلو مني فائق الشكر والتقدير للموقع الكريم واعضاءه ومن يستطيع اجابتي اكون شاكرا لفضله وهذا ايميلي (Assadbabel1@hotmail.com)
الاخ ماكس
موضوعط مكرر في غير مشاركة وكان هذا توضيحي الك.
أخي العزيز موضوعك بيه بعض التقاصيل الناقصة لحد الان اني مفتهمت هل حصلت على الCOM Approval لو لا؟ لانه هذه المرحلة اهم مرحلة وهيه اللي تثبت اذا انت مشمول بهذا البرنامج أم لا، وبهذه المرحلة يتم الاتصال بالجهة اللي اشتغلت بيها والاتصال بالمشرف المباشرعلى عملك والمراحل الباقية هيه كلها اجراءات روتينية لاكمال معاملة الفيزا ومعطم التأخير في هذه المرحلة يكون بسبب التأخير بالاتصال بالمشرف والتأكد من الوحدة العسكرية أو الشركة الامريكية ونوع التعاقد مع الشركة وأيضا نوع عمل الشركة هل هو مع الحكومة الامريكية أم لا.
فاذا بعدك ما اسنلمت موافقة الCOM فالموافقة تتأخر تقريبا 3 أشهر من تاريخ استلام كل الوثائق المطلوبة يعني انت تحسب من اخر رد عليك بانه "الاوراق كملت وانتظر الرد بخصوص موافقة الكوم" اما اذا حضرتك مستلم موافقة الكوم فالمرحلة الثانية هي ارسال الوثائق المطلوبة ل USCIS للحصول على الموافقة المشروطة وهذه العملية تستغرق يحدود 2-3 اسبوع من تاريخ اكتمال جميع المتطلبات، وبعدها تأتي مرحلة ال NVC وهذه المرحلة ايضا تطول من 2 -3 اسبوع وحسب اكتمال الاوراق المطلوبة وايضا حسب انشغال السقارة لانه بهذه المرحلة سيتم تحديد موغد مع السفارة من قبل الNVC بعده تنتقل الى مرحلة المقابلة مع السفارة واللي راح تحتاج بيها الى الفحص الطبي اللي ذكرته ويكون الفحص في عيادات محددة من قبل السفارة ويطلبون منك رسالة الNVC اللي بيها تحديد موعد المقابلة وايضا تحتاج في هذه المرحلة تحضير عدم المحكومية لكل افراد العائلة البالغين وايضا تحضير صورة قيد 57 مذكور بيها كل افراد العائلة اذا لم تكن محضرعا في مرحلة الNVC لانه في الفترة الاخيرة الNVC تطلب العدم محكومية وصورة القيد لكن مينتظرون استلامها على اساس انه راح اتسلمها للسفارة عند المقابلةولتسريع المعاملة.
طبعا مقابلة السفارة تحتاج جميع الاستمارات اللي مليتها بالمراحل السابقة "الاستمارات الاصلية" مع الفحص الطبي وعدم المحكومية وصورة القيد وشهادة الميلاد ودفتر الخدمة العسكرية ان وجد وصور عدد 4 "انت جيب صور احتياط" مع نوافقة الكوم خصم بجمع كل المستمسكات اللي انجمهت عندك ودزيتعا واللي استلمتها بالمراحل السابقة.
بعدها تجي مرحلة الانتظار القاتل للاجراءات الادارية اللي هيه ممعلوم وقتها من 2 شهر الى 9 اشهر في احسن الاحوال ويجوز سنين في اسوء الاحوال.
مرحلة انتظاؤ الاجراءاى الادارية الوحيدة اللي ممحدد الها وقت.
يعني صار المجموع "3 أشهر للكوم ابروفال + شهر لUSCIS + نص شهر للNVC + شهرين ونص للمقابلة " = 7 أشهر لحد اجراء المقابلة "زايد ناكص شهر" وتبقى الاجراءات الادارية والامنية انته وحظك.
أرجو ان تكون الصورة واضحة الان على اسئلتك بصورة عامة.
أما بالنسبة لنهاية البرنامج فالامال كبيرة بتمديد هذا البرنامج لسنة اخرى مع بعض التحسينات .
