تاجيل السفر من قبل الاي او ام (الامنيه اكسباير)

[naya105]

مساء الخير لكل الاخوة والاخوات في المنتدى...

طبعا المعاناة ويه الاي او ام متخلص...اني مقدمه لوالدتي على الاي او ام  من بغداد ..كملت المقابلات وكملت الفحص الطبي..بعد الفحص الطبي باسبوع تقريبا انطوها موعد سفر على يوم 12 اب بعدها باربعة ايام خمسه اتصلت بيها الموظفه من عمان وبلغتها انه تم الغاء موعد السفر لانه التجييك الامني مالتها صاير اكسباير...سؤالي هو اكو احد صاير بيه نفس الشي؟؟واشكد المدة تقريبا لحد مينطوها موعد سفر ثاني؟؟؟؟

تحياتي للجميع

[Abu_mouth]

شوكت تاريخ التقديم؟

[naya105]

تاريخ التقديم من سنة 2008 .

[THE DIPLOMAT]

اذا مقدم من ال 2008 طبعا التشييك الامني يرجع اكسباير بس المشكلة كان المفروض من يخلص ينطوها موعد سفر , نطوها و هية أجلتة ؟؟

[naya105]

انطوها موعد سفر سنة 2010 شهر الثامن بس اجلت اول مرة لان جانت مريضه وبعدها ثاني مرة هم اجلوها وانسد ملفها وبعدها رجعنه فتحنه الملف من جديد وكملت المقابلات  والفحص الطبي ودخلت مرحلة الانتظار وقبل فترة قليله انطوها موعد فحص طبي وبعدها باسبوع تقريبا انطوها موعد سفر وبعدين اجلوها.

[alialiali10099]

السلام عليكم
اني مااتصور راح اطول فتره كبيره ان شاء الله تخلص وتسافر باسرع وقت وبعد لا تاجل اذا انطوها موعد رحمه لوالديك

[eng.mechano]

نفس حالج صارلي سنه من رجعت اكسباير ولا جديد ومو بس اني كومه اعضاء بالمنتدى هم هيج بس قليل يتواجدون لان اكثرهم قدماء وصار عدنه حاله من الاكتئاب والملل بسبب مده الانتظار لان كل التقديم القديم هيج ديصير بيهم . والتسهيل من الله

[A_FOX]

نفس الحاله
صارلي سنه و40 يوم  ولا جديد ؟

[salam83a]

من شهر الثالث اجلوني ولحد الان ماكو شي

[naya105]

شكرا لكل الاخوة والاخوات الي ردوا على الموضوع

جان عندي امل انه يتصلون بيها عن قريب بس بعد الي قريته بالمنتدى الظاهر همينه راح نرجع للانتظار سنين ...الاي او ام بخلال كم يوم يتصلون ويتحرك الملف ونكول هاهي قربنه للنهايه وراح ينطون موعد سفر يرجعون مرة ثانيه يركنون الفايل على الرف ...الى اجل غير مسمى..

ماكو غير الانتظار والله كريم

[UN]

عادي دوامة iom  متخلص