سوال يتعلق بالعدم محومية

[أمير Fisher]

السلام عليكم
اليوم اجاني ايميل من السفارة يكلولي موعد مقابلتي بعد 5 ايام من اليوم. ووحدة من الشغلات اللي يدوهة عدم محكومية وسمعت انه عدم المحكومية تاخذ من 10 ايام الى اسبوعين. شأسوي؟؟؟

[mosozo2003]

بلغهم بهالشي وكوللهم تاخذ وقت حتى تكمل وبنفس الوقت لازم تروح لبغداد حتى تسوي العدم محكومية ومقرها ببغداد مديرية الأمن العامة الي بالبلديات .... وتكدر تكوللهم اني حاليا دااشتغل عليها ومن تكمل ادزها ألكم عن طريق الدي اج ال .... دزلهم أيميل وشوف شنو ردهم .... وان شاء 
الله يتسهل أمرك

[Aiham_]

روح قابل ,, بالمقابلة كللهم اني سويتها و من استلمها ادزلكمياها دي اج ال

[أبو الحكم]

السلام عليكم اخي الكريم


العدم محكومية انلغت والسفارة لاتطلبها بعد الان وانا متأكد من كلامي كل التأكيد , توكل على الله وروح قابل وانسى العدم محكومية .



أخوك جار الانتظار

[Aiham_]

عدم المحكومة ما انلغت و الدليل صديقي راح يقابل عكب باجر و بالاميل مال المقابلة طالبيها منة

[أبو الحكم]

العدم محكومية انلغت واني متأكد من كلامي ولحد يصرح بكيفه وكال صديقي وكال ابن عمي اني سألت سؤال مباشر واني موظف بالسفارة الامريكية وهذا رابط لموضوع ثاني طرحه الاخ والعضو المحترم ابو سارة مجاوب بألغاء العدم محكومية وهناك موضوع اخر لاحد الاعضاء راسل ايميل للسفارة للاستفسار عن عدم المحكومية ومجاوبيه منحتاجها بعد , تكدر تسوي بحث على الموضوع وتشوفه واني مااتكلم من فراغ ابدا

وهذا رابط الموضوع


http://www.ankawa.com/forum/index.php/topic,686132.0.html


جار الانتظار

[mandonar]

العدم محكومية انلغت بس للقدامى اما القبول الجديد مطلوبة ولازم تسويها .....لان يردون يمشون القدامى انلغت عدم المحكومية والقسم الثاني ولكن الى الجدد من حصل الجيف اوف مشن مطلوبة منهم