منتظري الوفد الامريكي في سوريا ام منتظري الامنية ؟

[ثمن الانتظار]

السلام عليكم
من المفروض احنا ننتظر الوفد الامريكي او الحلول البديلة  الحلول يلي ماجان  يلقولها بديل  منذ اكثر من سنتين ونص واحنا في مهب الريح ، وضلينا حايرين بين وطن  راح بين الرجلين وبين سوريا يلي ضقنا بيها المر ،وبين المنظمة يلي تركتنا   ( لامعلقين ولامطلقين )
السؤال احنا ننتظر الوفد يشرفنا طبعا مستحيل ، لو ينقلونا لرومانيا نقابل الوفد ، لو ننتظر امنياتنا  تكمل ؟؟؟
زين  اذا الشباب بالمنظمة جاي يشتغلون بالامنيات  ليش غير يعرفون صاحب الملف مات عاش سافر  رجع للعراق هيك ( من الباب للطاقة ) يشتغلون بالامنيات مو الشغلة دقيقة وتروح للاف بي اي وميت فرع   شنو غير يحصرون العدد لو الشباب ( فاضين وراضين )يلي تكمل امنيتة يتصلون بي ويجوز يطلع خطة محروق او ماكو تغطية  ويشمرون ملفة بالحاوية ؟
شنو الشغلة ( هات ايدك والحقني ) علة كولت اخوانا السورين الله يفرج عليهم يارب.

[ثمن الانتظار]

حتى موضوع  جمعية رومانيا بلد العبور مو مبين !؟

[UN]

واللًة يا اخونا الاعزاء موضوع ممتاز

يعني واللًة دخنا ودوخونا وياهم

لازم يرادلها حل الى متى بروح ابوكم صار سنين ولي هسة لو يكولونا لا ماكو امريكا ويحولونا الى غير دولة لو يكولونا سافرو الرومانيا وكملو مناك حتة لو دفاعات هم رضينا مو

يدزون وجبة وراها سكتة لو يغلقون سالفة امريكا ويسروحونا بالقنا فذ  حتة نعرف شلون ندبر حالنة شنو همة ايدهم بالمي طبعااا شهامهم ايجار عيشة

والحلو يحجون وياك كانو كلشي ماكووو والامور تمام هههههههه واللًة هم يضحك وهم يبجي

مالنة غير رب العالمين يلطف بينا

[المنصوري]

السلام عليكم والله اليوم اتصلت بيهم iomوكالو نفس الكليشه انت تنتظر الوفد وماكو شئ سالتهم على رومانيا كالو اذا يصير جديد احنه نتصل بيك سالتهم على الامنيه هل امبينه عدكم مكتمله لا جايه الموافقه الامنيه كالو انت تنتظر وفد والامنيه بعد مقابلة الوفد وليس قبل مقابلة الوفد---والله حيره

[ثمن الانتظار]

عاشت ايدك سيد/ منصوري
شوف الحيرة وقمة الاحباط بكلام الاساتذة في منظمة الهجرة ، بينما  احنة سمعنا يلي يروح الى بوخارست ميطول اكثر من شهر ويسافر الى امريكا ، ( عنجد راح افوت بالحيط).
على كلام منظمة الهجرة نظل ننتظر الامنية فد اربع سنوات برومانيا  بعد مقابلة الوفد يلي لحد الان مو مبين شوكت نقابله ، ( انسى غرامك راح).

[المنصوري]

الف رحمه لوالديكم نريد واحد شخص ان شاء الله يوفقه من اللي راحو لرومانيا وهو هسه بامريكا نرجو من الله ان يكتب احد الاشخاص او حتى لو احد الاعضاء يعرف شخص كان برومانيا وهسه بامريكا ينورنه  تعرفون ليش لان يكولون انه اللي يتصلون بيه على رومانيا يكولوله لا اتكول ولا تحجي واللي يروح لرومانيا همين ما يحجي زين من يوصل بالسلامه لامريكا خلي يحجي يكول انا جنت برومانيا وهسه بامريكا- زين وهم سؤال للاعضاء تعرفون شخص جان برومانيا وهسه هو بامريكا ؟؟؟ يا اخوان مو دخنه وحرنه والله لا يحير عبده رجاء--مشكورين مقدماً

[ثمن الانتظار]

شلون يعني يكولولهم لاتحجون بشغلة رومانيا؟شنو جهال شايفينة حشاكم؟
هذول الشباب بالمنظمة مابيهم شي، بس الحشيش يلي ديشربو مضروب.

[Dark...Angel]

الله يفرجها عليكم يااخوان الى متى هذا العناء
فعلا كان الله في عونكم ودائما قلوبنا معكم
ان شاء الله الفرج العاجل لكم

[العجيلي33]

ماكو  عدنا غير الانتضار والصبر ومنعرف شنو مصيرنا 

[ثمن الانتظار]

المشكلة عدد منظري الوفد قليل جدا، يعني خلونة بموقف لانحسد عليه من الحيرة و(سنوات الضياع ).
يعني  سنتين ونص واكثر ،يعتبروقت قياسي اكو عالم قدمت وقابلت وخلص امنياتهم وصار بامريكا ، واحنة صافنين بالكرت الاخضر ، وكل شي ماكو!!!

يقال ان الصينيون يستطيعون بناء بناية من 50 طابق خلال 15 يوم ، يعني اذا وصيتهم على بيت يكولولك ، اخذ فرة وتعال استلمة .
ياريت طلعلي توطين عالصين.

[UN]

يعني هذة قمة عدم الانسانية من المنظمة ترة ميصير شنو معضلة  هسة اني ابني وزوجتي ممقابلين الوفد تخيلوووو شلون يعني واي مكمل يعني مليون سنة يلة

تفظ

[ثمن الانتظار]

يعني هذة قمة عدم الانسانية من المنظمة ترة ميصير شنو معضلة  هسة اني ابني وزوجتي ممقابلين الوفد تخيلوووو شلون يعني واي مكمل يعني مليون سنة يلة

تفظ
الله يكون بعونك، شغلة عويصة  .. شنو هل مسخرة ؟

[ثمن الانتظار]

هاي اخر رسالة من اي او ام تحمل الرمز sam
Thank you for your email.

Please note that once you are scheduled for your second interview you will receive a notification from our side informing you about the interview date, time and place.

Please be informed that your case is in progress. Once everything is clear, you will be contacted by IOM regarding the status of your case. معناها بس يحددونموعد للمقابلة يكولولي شوكت و وين .
مغذي هما بوادي واحنا بوادي .. عدهم الدنيا ربيع والجو بديع !!!

[UN]

بابا احنة دنتعامل وياية مافية مافييييييييية بس مرتبة

[ثمن الانتظار]

ما أعتقد يلي ينتظرون الوفد الامريكي يتجاوزون 20 عضو .ولنقل 100 ضيف يدخلون للمنتدى و200 شخص غير مسجلين ولا يعرفون المنتدى .. جميل جدا يعني حد اقصى نطلع 350 ملف بسوريا .
اذكر قريت اعلان باليو ان من سنتين او اكثر على اساس همة ديدرسون حلول بديلة بسبب عدم قدرة الوفد دخول سوريا ، معقولة الامريكان عصت عليهم شغلة مقابلة ؟
عاقل يحكي ومجنون يصدق  ماعرف يجوز بالعكس  مجنون يحكي وعاقل يصدق!

[المنصوري]

السلام عليكم اخوان سؤال من الذي يتصل للسفر لرومانيا اليون كفر سوسه لو iom المزه لان انا دائما اتصل باهجره الاي او ام ولم اتصل بكفر سوسه من اريد استفسر على الملف وشكرا

[الملاك الأول]

السلام عليكم اخوان سؤال من الذي يتصل للسفر لرومانيا اليون كفر سوسه لو iom المزه لان انا دائما اتصل باهجره الاي او ام ولم اتصل بكفر سوسه من اريد استفسر على الملف وشكرا

 



اخي الهجره الدوليه هي الي تخابرك وتبلغك ان سيتم نقلك مستقبلا بواسطة السلحفاة الى رومانيا مع الاسف المنظمه ماعده اي مصداقيه دننتظر بالسنين من اجل المقابله بالاحرى اني عندي اعادة مقابله مع الوفد وصار سنه ونصف انتظر وبدون فائده هذولي ديضحكون علينه بس اكو الله عالظالم