كفيل الاقامة .

[العراقي بلا وطن]

السلام عليكم و رحمة الله و بركاته
 شلون الصحة اعضاء منتدى عين كاوة ان شاء الله بخير ,,, انا الاسبوع الماضي  كنت في اربيل بسبب الوضع البائس
في بغداد واني خائف على نفسي و على عائلتي خصوصا انو اطفالي بل مدارس و مابقة شي على بدء الدوام
و الوضع حيل تعبان لابعد الحدود , و بحثت عن بيوت للايجار هناك و بعد البحث لمدة 3 ايام و بالحر و مخليت مكتب في اربيل مرحتلة
و بعد البحث و الحمد لله حصلت على بيت لكن صادفتني مشكلة انو حتة احصل على اقامة انا و عائلتي لازم كفيل اني عندي
كفيل كردي لكنه ضابط بل اسايش و المطلوب كفيل مدني فيا جماعة الخير اذا اكو و احد يكفلني او تعرفون و احد
 يكفلني ممكن رقم تليفونة او عنوانة اتفاهم ويا و اعرفة على نفسي ,,, و اكون ممنون منة ,,, اعذروني اذا طولت عليكم .

[العراقي بلا وطن]

و الله يا اخوي  اقليم كردستان يتمتع بحكم ذاتي من 1991 يعني مستقل باتخاذ القوانين و الاجراءات عن حكومة المركز الا في بعض الحالات .

[alialiali10099]

الله ينعلك ياصدام وحسابك يم ربك عسير وليس بيسير على مافعل بالعراق ومازالووو اولاده يفعلون الله ينتقم منهم بحق محمد وال محمد
اقليم كردستان كل عراقي يعرف هو اقليم بزمن المقبور هدام من سنة 1991 وليس بجديد وهو بقعة من العراق وجزء لا يتجزء عن العراق هذا الكلام بس العراقي يفتهمه
كلامي صحيح يااخوان لو اني كلامي خطأ
تقبل مروري

[aibntelkef]

الاخ طلب مساعدتكم ومساعده الاخوان بالمنتدى راساً سويتوها طائفيه الله يكون بعونك يا عراق

اخي ان شاء الله الاخوة الساكنين في اربيل مايقصرون معك تحياتي

[العراقي بلا وطن]

الاعضاء الكرام ,,, اني بهذا الموضوع طلبت مساعدة في ايجاد كفيل للاقامة في اربيل حتى و ان كان مقابل مبلغ ,,, وليس موضوع نقاش سياسي ,,,رجاءا الي يريد يتكلم بالسياسة اكو غير مكان لسوالف و مواضيع السياسة ,,,,. الاخوان الطيبين وينكم .

[العراقي بلا وطن]

وصل عدد المشاهدات اكثر من 130 و الى الان و لارد بخصوص الموضوع  ,, كل الردود خارج الموضوع .

[alialiali10099]

كل شخص وراية واحترام الرأي الاخ واجب
والشيطان ملعون بالقرأن الكريم اعتذر لصاحب الموضوع بس هذه الحقيقة تزعج المتمردين على البلد المظلوم مع احترامي للرأي الاخ والاعضاء المشاركون جميعا
تقبلووو مروري رجاءا
وهاي رفع للمساعده
Up