اضافةطفل ابشارة........والى من يهمه الامر ادخلو

[homam ali]

السلام عليكم ورحمه اللة بركاتة
الاخوات والاخوة المحترمين

مثل ما اني فرحت حبيت افرحكم وياية قبل كم يوم اتصلت بخالي المقييم في ولاية تنيسي
اعايدة سائلني بخصوص قضيتي وكلي شكو ماكو كتلة على حطت ايدك قضيتي  عويصة لان
اني ضايف طفل وجائز اتاخر كلي يمعود كول يا اللة البارحة جتي  عائلة من بغداد والطفل عمرة
(شهرين) مامعناةالطفل ماعلية تجيييك امني سوى ايام قليلة وليست اشهر وسنيين
مع تحياتي.......... همام علي
الموضوع للفائدة

[احمد السنفور]

انت iom or siv
اذا الاول طبعا سهله اما اذا iom اكولك بيباي

[naseerx5]

ان شاء الله سهلة
الله يسهلهة عليك اخي وعلينة

[Hasan&Yaseen]

بارك الله بيك والله اثلجت صدورنا بهذا الخبر

[UN]

ههههههه واللًة اللة يعينى على المنظمة الغير انسانية

[احبكم1]

بدون زحمه عليك بلكي تسالنه صاحبك اتكوله هذا الطفل جاي عن طريق ال اي او ام لو siv
حتى اتكملنه معروفك
وممنونين منك ياورد

[احمد ابو يزن]

اخويه صاحب الموضوع الله يخليك هذا الكيس iom رجاءا تجيكلنه السالفه والله تاذينه من سالفة اضافة الطفل

تحياتي

ابو يزن

[alialiali10099]

Up

[ابو سماني]

كــــــــــل الشــــــــــكر أخــي الفاضــل على هذا الخـبر الحـلو

الطــفل عـليه تجييك أمـني وهو شـــهر واحــد

الاخ إلــي وصل وعمر أبنه شهرين هذا طفره

لأن الحـامل بالاشهر الاخيرة مـا سـافر

وأذا ولد الطفل تنتظر المنظمة اتمام جواز السفر

وقبلها الجنسية إلي مـا تطلع أذا ما عندك بيان ولادة

ثم يقابل باليو ان اذا هو لاجيء ولا تتــم المقـابلة إلا بعـد سحب

الملف من الهجرة الدوليــة ويضاف الطفل باليوا ان

ثم يرسل الفايل للهجرة حتى يضاف الطفل وينتظر موعد من الوفد

حــتى يقابل الطفل ومن ثم يتحــول فحص طبي وبعد الوفد بشـهر

أصــير العـائلة فري أذا اكتملت الامنية يســــافرون

هـاي الاجـــراءات يجب اتمـامهـا والحقيقة مســـألة عـائلة واصله

والطفل عمره شهرين يعــني ممكــن أصــير بس أعتبرهـا معجزة

وخصوصا من متابعتي لأداء المنظمة البطيء والمتخبط

وكـلامـي عن تجـــربة لا تخييل ولا تصور

تحـــــــياتي
ابو سـماني

[UN]

كلام اخونا ابو سماني صحيح بارك اللًة بيك

[Grey Goose]

اخويه الغالي ابو سماني
تره مو شرط المره الحامل ماتسافر  اني ذكرت انو احنه سافرنه وزوجتي كانت حامل بالشهر الثامن
وعدنه اقربائنا وصلو قبلنه بشهرين نفس الشي كانت الزوجه حامل بالشهر الثامن
اهم شي انو لاتبلغ المنظمه بحمل الزوجه لحين الولاده  لان ممكن تكمل اوراقك وراح يعرفون بالفحص ما فبل السفر
وبعد ماعتقد راح يتاجل السفر علمود موضوع الحمل  اهم شي تكون الامنيات مكتمله

وشكرا

[homam ali]

شكرا اخي ابو سماني على ردك وشكر لجميع المشاركين

واللة اني من كتبت الموضوع ولحد الان احاول الاتصال بخالي
بس ماحصلة بخصوص سوال احد الاخوان هل هي العائلة
siv or iomوان شاء اللة احصل على الاجابة وبلغكم...........


مع تحياتي همام علي

[ابو سماني]

اخويه الغالي ابو سماني
تره مو شرط المره الحامل ماتسافر  اني ذكرت انو احنه سافرنه وزوجتي كانت حامل بالشهر الثامن
وعدنه اقربائنا وصلو قبلنه بشهرين نفس الشي كانت الزوجه حامل بالشهر الثامن
اهم شي انو لاتبلغ المنظمه بحمل الزوجه لحين الولاده  لان ممكن تكمل اوراقك وراح يعرفون بالفحص ما فبل السفر
وبعد ماعتقد راح يتاجل السفر علمود موضوع الحمل  اهم شي تكون الامنيات مكتمله

وشكرا

كـــلامك صــحيح

ولــــكـن الدكــتور هـو صـاحب الفصل بالقضية

أســــافر الحــامل أم لا تســافر يعني مجـازفة

لذلك وكـفت الخـلفة من وراهـــم
 


تحـــــياتي
ابو سماني

[homam ali]

الى الاخوان في هذا  المنتدى الجميل
احب اناجيب على سوال الاخ الذي سائل ان العائلة iom
نعم iom
وشكرا لك اخي