اول مشاركة الي (باركولي) طلعلي استيطان هسة

[كندا موطني]

قبل شوية دخلت على موقع اليو ان وشفت صاير تحديث جديد

وكلت يا الله



طلعلي استيطان CANADA

اني ساكن بتركيا وقدمت عاليو ان

وقابلت مرة وحدة

واخذت فسفورة

هسة كم مقابلة جايتني

وشنو المراحل بعدها

تسلمووووون اخوان

الحمد لله والشكر

[الفرج2]

الف مبرووووووووووووووك بالخير عليك وبالموفقيه .

[UN]

الف مبروك وللرفع الي بتركيا مساعدة الاخونا

[pasha2013]

الف الف مبروك الاستيطان ويارب السفر السريع...بعد فترة راح يتصلون بيك حتى تروح تستلم الفورمات وبعد متمليها بفترة يتصلون بيك حتى يحددولك موعد مقابلة وتاخذ وياك الفورمات بالمقابلة حتى تسلمها...وراها تنتظر القبول وانشاءالله مقبول وراها يحددولك موعد الفحص الطبي والدورة التثقيفية بعدها موعد الطيران ويارب السفر باسرع وقت

[ابو النخوة]

                                                                  مبروك انشاء الله يوم السفر

[كندا موطني]

شكرا الكم اخوان على الردود الحلوة
شكد الفترة تقريبا حتى يتصلون علية علمود استلم الفورما
وشكد الفترة من استلام الفورمة لحد المقابلة وتسليمهم الفورمة
وشكرا لكم

[ابو المصطفى]

الف مبرووووك اخي وانشاءالله السفر العاجل الك ولكل الطيبين
اخوك ابوالمصطفى

[alnasiry]

الف الف مبروك كندا بلد جميل وراقي جدا

[احمدالسوداني]

في البداية سترسل المفوضية لك عن طريق مكتبهم في ولايتك (الفورمات ) لتقوم بملئها طباعة وليس يدويا ..وتجهيز ثماني صور خلفية بيضاء، وتحضير كتاب عدم محكومية تستخرجه خلال دقائق من الدائرة العدلية في ولايتك ومعنون للسفارة الكندية في انقرة وبدون دفع اي رسم واسمه بالتركي (adli sicil kaydı sorgulaması sonuçlar)
بعدها تنتظر وخلال مدة شهر اتصال من السفارة يبلغك بموعد المقابلة وهي سهلة نوعا ما ونفس اسئلة المقابلة المفوضية ، وبعدها تعطى اوراق للفحص الطبي في عيادة خاصة للسفارة في انقرة ويعطى لك ايضا رقم خاص لمتابعة ملفك عن طريق (ويب الهجرة الكندي) ...تسهيل ربك ستة شهور وتسافر.

[كندا موطني]

اخوية السوداني

بعثت الك رسالة عالخاص

ارجو قراءتها وشكرا لك

[lamya hassan]

اخي الكريم الف مبروك ويارب يوم الطيران ممكن اعرف اشكد صارلك في تركيا ومتى اخذت الفسفوره وبعد كم اخذت الاستيطان لان انا صارلي سنه وشهرين ناطر اسيطان ممكن ارعف الفتره ولك جزيل الشكر سلامي

[كندا موطني]

اخوان قبل شوية ولد دزلي رسالة خبلني بيها

يكول

بالنسبة للحالة مالتك صراحة غريبة لان من يحول UN ملفك لكندا لازم يكتب وضعية الاستيطان : ( تم تقديم الملف لاعادة الأستيطان في دولة أعادة الأستيطان ) يعني مو مثل مامكتوب على وضعية الاستيطان مالتك ( تم توصية وتأييد الترشيح لدولة اعادة الاستيطان ) والله اعلم احتمال الجمل مختلفة بس المعنى واحد.




شتكولون كلامه صحيح لو المعنى واحد ؟

[lamya hassan]

اخي الكريم لاتخاف صارت ويه صديقي قبل 3 اسابيع هسه كاتبيلك هيج اسبوع جاي من يوصل ملفك يم سفاره ويفتحوه راح تتغير صيغه الكتابه الى تم اعاده التوطين في بلد الاستيطان لاتخاف ويارب يوم سفر بس ممكن اعرف اشكد صارلك اتاني ولك جزيل شكر