استشارة حول فك الرابط القوي >>>>Hard cross reference

[zoro sad]

السلام عليكم احبائي الاعزاء
حبيت استشيركم حول فك الربط بيني وبين ابني  لان بصراحة اني اشوف الرابط القوي هو مصيعة للوقت , طبعا اني تقديم 2009 ورقم الكيس 109 يعني صار بالظبط4 سنين والحبل على الجرار , لحد الان الامنية ممكتملة لا الي ولا لابني زين في حالة وحدة من الامنيات كملت فلزوم على الكيس الاخر الانتظار وهاي ممعلومة اشكد يعني بالمختصر المفيد حيرة والدرب ضيك,ارجو من اصحاب الخبرة ان يفيدونة.وشكرا لكل الطيبين وانشاءاللة السفر للجميع شلع قلع

[أبو الحكم]

السلام عليكم اخي الكريم



الربط القوي هو بدعة من بدع المنظمة وليس هناك من داع له ابدا غير تخفيف الحمل على المنظمة وجعل الكيسات تسافر تباعا وليس مرة واحدة وكعائلة كاملة لانه حمل ثقيل عليهم من ناحية الاجراءات الادارية وجدولة السفر وتذاكر السفر وترتيب الامنيات , لذلك اخترعوا هذا الموضوع للتخفيف عن كاهلهم فقط لااكثر , لذا انصحك بأن تجعل الربط ضعيف بينك وبين الكيس الاخر , وانا لاانصح مطلقا بالربط القوي بين الملفات .



أخوك جار الانتظار

[THE DIPLOMAT]

شنو مساوئ الربط القوي بين الملفات ؟؟؟

[Abu_mouth]

الربط الضعيف بين العائلة: كل المقابلات نفس الوقت ونفس المدينه عند السفر. عند اكتمال احد الملفات يسافر مباشرة.

الربط القوي الملف المتأخر يأخر الباقين وياه حتى يسافرون سوا. واذا بهالاثناء اي ملف صار بيه اكسباير رح يخلي الباقين ينتظروه.. وهكذا

[zoro sad]

أشكر مرورك أخي الكريم جار الانتظار
في حالة فك الربط هل يحتاج وقت طويل يعني ممكن تأثر على سير الملف لو مجرد مسألة روتينية؟

[أبو الحكم]

السلام عليكم اخي الكريم


اني هاي الحالة الادارية مااعرف بالضبط شلون يسووها مال فك الربط , بس مااعتقد تتأخر لانه اجراء اداري الكتروني فقط واعتقد حسب تحليلي الشخصي مجرد ايام فقط لااكثر .



جار الانتظار

[Day of arrival]

السلام عليكم احبائي الاعزاء
حبيت استشيركم حول فك الربط بيني وبين ابني  لان بصراحة اني اشوف الرابط القوي هو مصيعة للوقت , طبعا اني تقديم 2009 ورقم الكيس 109 يعني صار بالظبط4 سنين والحبل على الجرار , لحد الان الامنية ممكتملة لا الي ولا لابني زين في حالة وحدة من الامنيات كملت فلزوم على الكيس الاخر الانتظار وهاي ممعلومة اشكد يعني بالمختصر المفيد حيرة والدرب ضيك,ارجو من اصحاب الخبرة ان يفيدونة.وشكرا لكل الطيبين وانشاءاللة السفر للجميع شلع قلع

   

السلام عليكم ...اخي الكريم  دز رسالة الهم بيها رقم الكيس مالتك واسمك.ورقم الكيس الثاني واسم ابنك .اطلب عمل بينتكم رابط ضعيف ..وخلى رقم تلفونك وراح يتصلون بيكم ..طبعا اي تاخير على شغلتك ماكو اني هيج سويت اتصلو بية وفهموني انو ماكو اي تأخير على الشغلة واحب اكل لجميع ماكو اي مشكلة على تخفيف الرابط بين الكيسات بعد مقابلة المحلف ...وهذا كلام الموظف واني واحد من الناس سويت هيج شي لان احنا 2 كيس واحد طلع من التعليق والثاني ضل وسويت تخفيف رابط والحمد الله والشكر مشت شغلتي ..المهم استعجل دز ايميل على مود يتصلون بيك ويخلوك على جدول السفر احسن من الانتضار ..اخوك Day of arrival

[zoro sad]

أني ممنون منكم أخواني الاعزاء ....جار الانتظار و day of arrival
أنشاءاللة بالتوفيق للجميع