سؤال الى الاخ دبس وراشي؟؟؟؟؟؟؟؟؟؟؟؟؟؟

[homam ali]

السلام عليكم ورحمة الله وبركاته
اخي العزيز دبس وراشي اود ان اوجه لك سلام وتحيه خاصة مفعمه بالورد والرياحيين ....

انا اسمع عنك من خلال بعض الاعضاء في المنتدى انك شخص تحب مساعدة الاخريين
ولا تتأخر في مسعدتهم اخي العزيز اذا اكو هيج واحد بالعرا ق فأن العراق بعده بخير
والحمدلله.
السؤال هو من خلال عملك بالمطار هل شاهدت عوائل عن طريق المنظمه iom
لديهم اطفال اعمارهم بالاشهر الاولى من اعمارهم ,
 اضافة طفل والطفل عمرة سنتيين ولحد الان ماكو شي كل مااراسل المنظمة
يكولون تجييك امني للطفل وانا الان في حيرة من امري ارجو الاجابة اخي .

مع تحياتي همام علي

[دبس و راشي]

صباح الخير أخي همام

اشكرك على كل حرف كتبته بحق اخوك ( دبس و راشي) .وان شاء الله ما اقصر برد افضال هذا المنتدى علية.

أخوية همام

أقل طفل ( شفته ) طلع عن طريق الـــ IOM  جان عمره سنتين.وما شفت ( بعيني) طفل سافر وية اهله عن طريق المنظمة عمره اقل من سنتين.
تحياتي

[سبيس]

حبيب كلبي صاحب الموضوع

السؤل للاخ دبس وراشي

هل تحب ان اجيبك على سؤلك



ابو الوليد

[homam ali]

اشكر الاخ دبس وراشي على سرعة الاجابة قبل ارسال الرسالة كانت معنوياتي 50 %
ولان اصبحت 0%


اما بخصوص الاخ ابو الوليد
ياريت اخي تسوي فضل براسي ..........

اخوكم همام علي

[احمد ابو يزن]

اخويه العزيز همام أتذكر حضرتك نزلت موضوع مال عائله سافروا وابنهم عمره شهرين وجانو iom ماعتقد اكو شي ثابت احنه كلنه متفقين اضافة طفل مشكله واني هم نفس المشكله عندي عمر ابني سنه ولحد هسه مقابله ممسويله خليهه على الله ويارب السفر القريب للكل

تحياتي
ابو يزن

[دبس و راشي]

صباح الخير أخي همام.


للتوضيح أخي العزيز, اني كلت (ماشفت بعيني ) طفل عمره اقل من سنتين سافر وية اهله عن طريق المنظمة .. وهذا مو معناه ماكو اطفال سافروا.. بالعكس .. يعني احتمال كلللللش جبير سافروا بس اني اما ماجنت موجود . او ماشفتهم . هذا الي قصدته ..
 ويوم تفرحني بخبر موعد سفرك يا ذهب .

تحياتي

[ابو حسون البصراوي]

السلام عليكم اخواني الاعزاء في هذا المنتدى الراقي. اتمنى السفر السريع الى جميع الاخوان. حبيت اشكر الاخ العزيز دبس وراشي على مساعدته الى كل واحد محتاج مساعدة. وبصراحه هو انسان راقي وطيب واصيل احنه كعراقين نفخر بوجود انسان مثل الاخ كبير دبس وراشي موجود في مجتمعنه. والله ندعو من قلب صادق ان ربي كثر من امثال دبس وراشي و يوقفه ويسهل جميع اموره والسفر القريب انشاءالله. وسلامي الى جميع الاخوه الموجودين في هذا البيت الراقي الي ماجاي يقصرون ويانه بالمساعده ربي يوفقكم جميعاً ويسهل سفرنه وسفر الجميع.

[دبس و راشي]

السلام عليكم أخوتي و أخواتي
السلام عليكم اخي همام.
اخوتي الافاضل .
موضوع الاخ ( همام ) جدا مهم . ومبهم في نفس الوقت لكثير من الي دينتظرون سفرهم .
ولذلك حبيت اسئل الشباب في منظمة الـــ  ( IOM) حول هذا الموضوع . وبالفعل كان سوالي كلاتي :
هل تستطيع العائلة التي اكتملت لديها التجيكات الامنية وتم اعطائهم موعد سفر وكان لديها طفل عمره اقل من سنتين ان تسافر الى امريكا عن طريق المنظمة؟؟
والجواب كان ( نعم ) وشيء جدا عادي وماكو اي مشكلة .

رفعت الاقلام وجفت الصحف .

 هااا اخوية همام ,,, اطمئن واكيد المعنويات صارت 100% .
اشكرك على هذا السوال . الي وضح كثير من الالتباس لباقي الاخوة والاخوات .
تحياتي

[دبس و راشي]

UP
لعيون اخوي همام

[homam ali]

اشكرك اخوية دبس وراشي على الاهتمام الكبير بي واسأل الله تعال ان يعجل بسفرك
باسرع وقت ممكن وارجو من حضرتك ان تقرأ الموضوع الجديد الي نزلتة اليوم بعد عودتي
من المنظمة في بغداد بالمناسبة قابلت عائلة هناك اطوهم خط رحلة يوم الثلاثاء اومعهم
طفلة عمرها 11 شهر,,,,,,,,,,,,,,,,

اقدم شكري مرة ثانية لشخصك الكريم.....

همام علي

[سبيس]

ابني سافر يوم 1 - 7 - 2013

وكان بأستقباله الاخ دبس وراشي ووقفه معه وقفه مشرفه

وانا في وقتها من بعد ما اتصل ابني وطلب مني ان اشكر هذا

الانسان الرائع وبلفعل تم ذالك وابني في حينها بعمان قبل الاقلاع

وكان ابني وعائلته المتكونه من زوجه واربعة بنات والبنت الصغيره

عمرها سنه وشهر مواليدها 28 - 5 - 2012 وللعلم كانت الام

والبنات الاربعه في جواز واحد هو فيئة (S) ونافذ المفعول

وحصلت وقفه بسيطه حول الختم على صوره في الجواز فقط

وتم سفرهم الى عمان ووصولهم الى بر الامان

وهذا حدث بوجود الاخ دبس وراشي

الاخ همام - هذا مو فضل براسك ويسلم راسك الكبير بلحكمه

اطلبت منك ان اشارك لانك مخاطب الاخ دبس وراشي فقط

الي ردت اوصله هو ممكن ممكن السفر حتى لو كان العمر سنه

وبلتالي اقدم كل الحب والتقدير الى الاخ دبس وانته وللجميع



ابو الوليد

[homam ali]

اشكرك اخي سبيس لمشاركتك معنا وتحياتي الك ولجمييع اللاعضاء............

[Haider ALtaie]

السلام عليكم أخوتي و أخواتي
السلام عليكم اخي همام.
اخوتي الافاضل .
موضوع الاخ ( همام ) جدا مهم . ومبهم في نفس الوقت لكثير من الي دينتظرون سفرهم .
ولذلك حبيت اسئل الشباب في منظمة الـــ  ( IOM) حول هذا الموضوع . وبالفعل كان سوالي كلاتي :
هل تستطيع العائلة التي اكتملت لديها التجيكات الامنية وتم اعطائهم موعد سفر وكان لديها طفل عمره اقل من سنتين ان تسافر الى امريكا عن طريق المنظمة؟؟
والجواب كان ( نعم ) وشيء جدا عادي وماكو اي مشكلة .

رفعت الاقلام وجفت الصحف .

 هااا اخوية همام ,,, اطمئن واكيد المعنويات صارت 100% .
اشكرك على هذا السوال . الي وضح كثير من الالتباس لباقي الاخوة والاخوات .
تحياتي

والله يا اخي العزيز دبوس ... يعجز السان عن وصف طيبتك واخلاقك لكن اختصرها لك بقولي الذي ارسلته لك انك رمز للخوه والصداقة النظيفه


اخوكم
حيدر الطائي

[ali.ali]

السلام عليكم أخوتي و أخواتي
السلام عليكم اخي همام.
اخوتي الافاضل .
موضوع الاخ ( همام ) جدا مهم . ومبهم في نفس الوقت لكثير من الي دينتظرون سفرهم .
ولذلك حبيت اسئل الشباب في منظمة الـــ  ( IOM) حول هذا الموضوع . وبالفعل كان سوالي كلاتي :
هل تستطيع العائلة التي اكتملت لديها التجيكات الامنية وتم اعطائهم موعد سفر وكان لديها طفل عمره اقل من سنتين ان تسافر الى امريكا عن طريق المنظمة؟؟
والجواب كان ( نعم ) وشيء جدا عادي وماكو اي مشكلة .

رفعت الاقلام وجفت الصحف .

 هااا اخوية همام ,,, اطمئن واكيد المعنويات صارت 100% .
اشكرك على هذا السوال . الي وضح كثير من الالتباس لباقي الاخوة والاخوات .
تحياتي

مشكور اخي دبس وراش الرائع