السلام عليكم ورحمة الله وبركاته...
شلونكم؟شخباركم؟ طبعا اسفه جنت مختفيه بحدود 9 شهور
لمهم الاغلبية تعرف اني جنت بسوريا وطلعت لامريكا بشهر 10 سنة 2012 من سوريا وولايتي ماساشوستس وبعدني بيها والحمدلله.
طبعا اني قبل جنت احس اكو نقص بلمعلومات عن هاي الولاية فرح اطي بعض المعلومات البسيطة ورح احاول اجاوب عاي اساله واستفسارات.
اكو ميزات للولاية مموجده بغيرها اهمها *انو الانشورنس ( التأمين الصحي ) يغطي الاسنان يعني كلشي تحشاه يسووها وتنظيف وحشوات الجذر الاميمية فقط بدون تلبيس ,يعني ميسسوون حشوات جذر للاسنان الخلفية وهلشي زين طبعا لان الاسنان مهمة
*الشغله المميزة الثانية هيه الشغل, يعني بوسطن مديتة حيوية ومدينه تحب الششباب والعمل فلي يدور يلكة مدااكول يشتغل بشركة 5 نجوم بس يعني الشغل متوفر ومسمعت احد شهادات شتغل شغلات مو من مستواه مع احترامي لكل الاشغال مو قصدي اقلل من اي شغله بس المقصد مفهوم
*اكو شغله همه مااعرف اذا الي بعين كاوة جدا يهتمون بيها او لا بس هيه مدينة دراسية بامتياز يعني بيها جامعات هوايه تفيد الشباب الي يردون ينقلون او يبدون من جديد او اي شي بس موضوع الدراسة يحتاج صبرررررررر لان هنا كل الامور تمشي ببطئ وحسب الاصول مع لغه مقبولة ( توفل مايقل عن 85 من 120 ) هاي بلنسبة للجامعات والكومينتي كولج اتوقع الاغلبية تعرف سستمها ونفس سستم باقي الولاياتز
* نسبة ال haspanic والي اقصد بيها جماعة امريكا الجنوبية والي يحجون اسباني اقل شي ( مع انو اني اشوفهم هوايه جدا ) بس المعروف اني هيه اقل ولاي بيها من العرق الهسبانكي
*لازم اذكر سيئة بيها انو هيه غاليه وايجاراتها غاليه وتاكساتها هم بس الاجور تتناسب وية الاسعار يعني اقل راتب بين 7.5 الى 8 $ بلساعه.
هاي الاشياء خطرت ببالي حاليا اي سؤال او استفسار عن الولاية اني جاهزة ( الاجابة حصرا عن طريق الكومنتات
)
واي استفسار عن حاله Case مالتنا قبل منسافر هم اني بلخدمة..
والله يحفظكم وين ماجنتو
والسلام عليكم ورحمة الله وبركاته
