اخي احمد السلام عليكم
شوف اخوية راح احجيلك شوية عن المدينة
اولا انتم سبع نفرات يعني ينطوكم فوود ستامب بحدود 900 دولار شهريا
ثانيا انتم راح اتاجرون شقة 3 غرف هاي ايجارهة بحدود 900 الى 950 دولار شهريا شاملة كل شيء من ماء وكهرباء وغاز.
ثالثا راح تستلم كاش من الحكومة بحدود 700 او اكثر بشوية شهريا
نجي من ناحية اللغة فهاي طبعا مشكلة للي ماعنده لغة لانه اساس ومفتاح العمل هو اللغة ولكنك مع مرور الزمن سوف تتعلم وهاي يرادلهة اصرار وعزيمة
رابعا الولاية رخيصة بكل شيء خصوصا في السكن والاكل
خامسا فرص العمل فيها تكاد تكون متوسطة
سادسا المدينة ليست بذلك الجمال الذي تتوقعه من مدينة في امريكا فهي بسيطة وعلى كد حالها
سابعا انتة بالنسبة اللك المساعدات هاي بالاضافة الى التامين الصحي تستمر عندك مادام الدخل اللي يجيك قليل او لايتجاوز مبلغ كبير
ثامنا بالنسبة للبرامج اللي تنشمل بيهة فهاي كل عائلة وكل منظمة الهم برنامج شكل وهاي من توصل بسلامة تعرفهة
هسة اني اريد اسالك بعض الاسئلة حتى اكدر انطيك معلومات اكثر:
1- الكفيل مالتك اللي بفلوريدا هل هو اقاربك ام صديق؟
2- اعمار اطفالك الله يحفظهم؟
3- هل عندك شهادة انت او زوجتك؟
4- هل تعرف احد اخر ممكن ايساعدك بغير ولاية غير فلوريدا؟
5- ولو هذا السؤال شوية طريف لكن اخوية انتة اتريد تجي الى امريكا شنو هدفك وليش وشنو اهم شي عندك اتريد اتحققه هنا؟
6- هل حالتك الصحية انت وزوجتك جيدة؟
ابو سارة
اخي اني اشكرك على الاجابه الشافيه انشاء الله يسهل امرك
بنسبه لسؤال الاول الكفيل مالتي صديقي مو اقربائي او عندي صديق اب ولايه مين بس بارده او اني متت من البرد اب تركيا فما حبيت الولايات البارده
ثانيا اعمار الاطفال من 3 سنوات الى 17 سنه
اما السؤال الثالث اني امكمل متوسطه او زوجتي نفس الشي
السؤال الرابع عندي شخص اب ولايه مين
هدفي وال شي مستقبل الى اطفالي بالتعلم وحياة سعيده ومستقبل بعيد عن الاوضاع العراق والعمل من اجل اطفالي لتئمين الحياة السعيده
السؤال السادس الصحه زوجتي لديه مرض الدوالي وعدم السير فترات طويله
اما اني لديه ضمور بالعضله الفخذ الايسر وضعف بالركبه اليسرا ولاكن لا تاثر عليه اله في حالت الاجاد هاي وجيوب انفيه
تحياتي احمد
