س/ هل العاملين مع الامم المتحدة يحق لهم التقد....

[فارس البغدادي]

السلام عليكم

شلون العنكاويين الخيرين
حبيت اسال عن موضوع وياريت اللي يعرف ومتاكد 100% يخبرني سؤالي هو

هل يحق للعراقيين العامليين في الامم المتحدة بكافة منظماتها ( يونامي ,يونسكو ,....الخ ) في العراق بالتقديم لطلب اللجوء او الهجرة الى الولايات المتحدة عن طريق IOM بغداد ؟؟؟؟

مثل ماكتلكم اخوان ياريت يكون الجواب متاكدين 100% من فضلكم وتتكرمون عليا بردودكم وشكرا الكم مقدما ؟

[firas baghdadi]

للرفع والمساعدة

[iven francis]

والله يا اخويه ويا اليو ان ممتاكد بس ويا الصليب الاحمر اي ايصير

[فارس البغدادي]

ممنون شباب على الردود السريعة

[rock106]

اخويا العزيز الجواب لاء ميصير لازم تلغي طلب اللجوء  لان اني قابلت ومن ضمن الشروط ان اترك الهجره وصديقي لغه الهجره وداوم واني  تركت العمل لان مو معقول صابر 4 سنين واعوفها بهل سهوله وشكرا

[فارس البغدادي]

اخوية العزيز روك

اني اسف لان ما افتهمت ردك لان اني سؤالي موظف اليو ان يحق اله يقدم هجرة ؟

[UN]

هاي شنو راح تروحون وتعوفونا منو يسفرنا حتة الموظفين راح ينهزمون


ترة دا اشاقة وياك اخويه الغالي

وللرفع من اهل الخبرة

[أبو الحكم]

السلام عليكم اخي الكريم



للاسف كلا لايستطيعون التقديم وانا متأكد من جوابي مئة بالمئة لان لي صديق يعمل مع الامم المتحدة وارسل للمنظمة ايميل للاستفسار عن الموضوع واجابوه بعدم اهليته للتقديم لان الامم المتحدة موجودة بالعراق في بعثة منفصلة عن حكومة الولايات المتحدة الامريكية , وبعثة الامم المتحدة وجودها سنوي في العراق وتجدد رخصة البعثة كل عام ومنها بعثة يونامي وغيرها .


جار الانتظار

[um shaheen]

اخي العزيز
اجاوبك عن طريق معرفتي بعائلتين كنت على علاقه بيهم في سوريا وفي كلتا العائلتين كانت الوالده تعمل مع اليو أن يعني موظفات لمساعدة العراقيين الكبيرين بالسن
فعندما ساءت الاوضاع في سوريا وهمه مقدمين حالهم حال كل العراقيين بسوريا صراحه مطلعلهم توطين عندما راجعوا وكثروا بالسؤال قالوا لهم ليس لكم توطين صراحه ليش ؟ ما اعرف
والعائلتين رجعوا لبغداد
يارب يفرجها على كل المظلومين بالقريب العاجل
تحياتي واعذرني من التقصير بس هاي حالتين اعرفهم
اختك ام شاهين

[willpower]

اخويه صاحب الموضوع . اي نعم ممكن .    ممكن موظف المحلي الي يشتغل ويه احدى منظمات الامم المتحده  بالعراق ان يقدم على برنامج IOM .وهذا القرار تم دراسته و اعلانه اتخاذه قبل سنه فقط... وقبلها مكان مسموح... و التقديم بي شروط. اعتقد بي فد سقف زمني ادنى لازم الموظف يكون مشتغل ويه ال يو ان مده لا تقل عن اعتقد 4 سنين.

ولي صديق قدم قبل سنة من كنت بعدني اب بغداد. و لكن للاسف انقطعت الاخبار بيني و بينه حاليا.

لللتاكيد اكثر راسل ال اي او ام من ايميل اخر غير ايميلك  و اسالهم سوال مباشر و راح يجاوبوك جواب شافي بالايميل.

تحياتي

Willpower

[The Duke]

الاخ صاحب الموضوع
مع احترامي لجميع الاراء ولكن جواب سؤالك جدا سهل وهو ارسال ايميل للمنظمة للسؤال عن قانونية الموضوع. مع احترامي.

[فارس البغدادي]

ممنون جدا لمروركم الكريم

الاخ دوق حبيت اكلك طبعا بعدما مانزلت الموضوع ودا اسالكم فكرت في نفسي اني ليش مدوخ العالم وياية خو خلي ابعث رسالة للمنظمة وهم يكلولي فاني اسف اذا تعبتكم وياية  .......ويارب تلكوها بميزان حسناتكم

[The Duke]

الاخ العزيز فارس
طبعا شي اكيد انة تعبكم راحة اللنة واسمحلي احجي نيابة عن اخوتي الاعضاء ولكن سؤالك بية مسالة قانونية ومصيرية غير قابلة للاجتهاد. وانشاء اللة ربي ايسهل امرك بس لا تتعطل بارسال الايميل للمنظمة.