معلومه حول الامم المتحده في تركيا

[saif alawad]

السلام عليكم ورحمه الله وبركاته..
شباب اخي سمع من اصدقائه الي ساكنين في تركا بأن يقدم على الUN بدون جواز
فحبيت اعرف ان يصير هذا الشي لو لا؟؟؟
هو الان في العراق وكالوله يوكلون محامي في تركيا ويسحبه من العراق الى تركيا بدون جواز

[قاروره عسل]

ماكو هيج حجي

[UN]

اول مرة اسمع بهيج شي اخوية هذا شي ميدخل للعقل

[saif alawad]

مو المشكله اخويه ضيع جوازه ومكدر يطلع بدل ضايع لان صعبه كلش
ويريد يسافر لتركيا حتى يقدم عالun
عنده صديقه بتركيا كاله اعبرك قجق الى تركيا ومناك تقدم لجوء بأعتبارك مهدد
وهو حاليا ميعرف شيسوي

[DR.ENG]

هذا كلام غير منطقي وماكو هيج اصلاااااااا

يدبر اموره يطلع جواز ... وتره مو معضله ... زايدها شهر

[النورس جوناثان]

خلي يدير بالا من هيجي امور
لان صارت كدامي من قدمت بسنة 2011 واحد جان جاي من العراق قجغ بلاجواز ورجعو وجان يبجي والله وماقبلو بي ابد

[ibo USA]

السلام عليكم بخصوص هذا السؤال ترى مايصير لازم جواز اني سنتين بتركيا وقدمت على اللجوء وهسه اني بامريكا ومافد يوم سمعت بدون جواز اذا واحد راح تركيا وصل الامم المتحده وقدم بدون جواز احتمال ينحجز  ويرجعوك للعراق ترى صعبا جدا

[saif alawad]

مشكور جدا اخوتي على معلوماتكم وردودكم الرائعه
هو اخي ضيع جوازه بتركيا لمن طلع قجق عاليونان وجوازه احتمال بعده عند المعبرجي
يعني اذا يوصله ياخذ جوازه
والله ما اعرف وهو حاير