سبب رفض السيكورتي جك

[Moonlight84]

مرحبا

احنا قدمنا اس اي في وانرفضنا بسبب السكيورتي جك ( معلومات مزريه) سوالي اكو طريقه مكن احد يعرف بيها سبب الرفض علما عدنا اقارب درجه اولى بامريكا ونكدر انخلي محامي بس اريد اعرف اذا اتفيد او اكو امل بيها

شكرا

[نصبر والله كريم]

اخويه  moon lightسبب رفض السكيورتي جيك ممكن يكون لعده اسباب اولها العسكريه والسفر خارج العراق مثلا لآيران .. ومن الاسباب الاخرى اختلاف الاقوال بين المقابله الاولى والثانيه .. والسبب الاهم هو سجل العاملين الذين يكون موثق لديهم بالسستم مال الجيش كان يكون عندم مشكله او بلاك لست مثلا مشاكل قديمه انت اصلا ما تنطيها الاهميه بس هي مثبته عليك بالسستم

[عازفة الصمت]

المحامين تقشمر بتقشمر الاس الاي في اذا انرفض مابي امل قدم اي او ام وفضهة

[steven_siv]

المحامين تقشمر بتقشمر الاس الاي في اذا انرفض مابي امل قدم اي او ام وفضهة

+1000

[الفرج2]

اخويه قدم مره ثانيه على الاي او ام .

[Moonlight84]

اعزائي اعرف انه الاس اي في مابي استئناف بس احنا انريد نرفع سبب الرفض مال السكيورتي علمود نكدر انحصل فيزا

تقريبا احنا نعرف سبب الرفض حيث انه زوجي الي الكيس باسمه جان عنده مشكله ويه السبرفايزر ومنعرف شكاتبه علي

سوالي بما انه نعرف انه المشكله بلسستم مال الجيش هل هناك فد طريقه نكدر نعترض على الي كاتبته السبرفايزر

احنا اصلا مقدمين اي او ام بس حتى اذا طلعتنا راح نرفض لان الباك كراوند بي مشكله

[عراقي هواي]

قبلكم حاولت لمدة سنه وماعرفت شنو السبب علما انا ما مشتغل وي الجيش برأيي المتواضع اش\ستغلوا الفرصه وقدموا على الاي او ام واللي ميجي اليوم يجي باجر والله اعلم منا بصالحنا

[THE DIPLOMAT]

أفضل حل انو تقدم على iom و يا ريت تشرحلنا تحديدا شنو المشكلة ان أمكن حتى نعرف نجاوبك جواب دقيق .
اذا مقدم الطلب كانت عندة مشكلة وية السوبرفايسر يعتمد قبول او رفض القضية على نوع المشكلة و ابعادها لكن في كل الاحوال راح تقابل محلف و تكدر تشرحلة المشكلة و احتمال انو يقبلك .


تحياتي

[yousef_basra]

انا ما اعتقد بسبب السوبر فايرز ولسبب بسيط و واضح

وهو لو السوبر فايزر كاتب شئ مو زين مكان انطاكم تزكية .. طبعا هذا اذا كان هو الPOC مالكم .. اما اذا كان غير واحد فمراح ياكل .. وهذه معادلة صعبة لان ما ممكن واحد يعرف معلوماتك غير الPOC مالتك وبهذا فانا من رأي اذا كان السبب أمني بحت فحتى الاي او ام ماتفيدك لأن بالنهاية راح تلتقي نفس المعاملتين بالتشيك الامني .. وانا ما اريد احبط معنوياتكم ولكن نصيحيتي اذا كان عدكم بيت بأسمكم او اي اثبات يثبت رجعوكم للعراق فانصحكم ان تقدموا على فيزة زيارة وتخصمون الشغلة لو رفض لو قبول .. وفي الختام انت تريد وانا اريد والله يفعل ما يريد

فاختي الكريمة الرفض ليس هو نهاية الحياة بل انا بالعكس اعتبر كل عثرة هي بداية لحياة جديدة لانك ستقوم لرؤية الحياة من جديد

اخوك يوسف البصراوي

[THE DIPLOMAT]

انا ما اعتقد بسبب السوبر فايرز ولسبب بسيط و واضح

وهو لو السوبر فايزر كاتب شئ مو زين مكان انطاكم تزكية .. طبعا هذا اذا كان هو الPOC مالكم .. اما اذا كان غير واحد فمراح ياكل .. وهذه معادلة صعبة لان ما ممكن واحد يعرف معلوماتك غير الPOC مالتك وبهذا فانا من رأي اذا كان السبب أمني بحت فحتى الاي او ام ماتفيدك لأن بالنهاية راح تلتقي نفس المعاملتين بالتشيك الامني .. وانا ما اريد احبط معنوياتكم ولكن نصيحيتي اذا كان عدكم بيت بأسمكم او اي اثبات يثبت رجعوكم للعراق فانصحكم ان تقدموا على فيزة زيارة وتخصمون الشغلة لو رفض لو قبول .. وفي الختام انت تريد وانا اريد والله يفعل ما يريد

فاختي الكريمة الرفض ليس هو نهاية الحياة بل انا بالعكس اعتبر كل عثرة هي بداية لحياة جديدة لانك ستقوم لرؤية الحياة من جديد

اخوك يوسف البصراوي

كلام منطقي و صحيح و يا ريت تشرون شنو المشكلة تحديدا ....

[احمد ألجاف]

شباب بالنسبة للبلاك ليست ترى مالا علاقه والله ...لان اني شخصيا عندي flag والي اشتغل مترجم يعرف هذه العباره شكد خطرة الي هيه اخطر من البلاك ليست واني حاليا اعطوني موعد سفر يوم 25 بالشهر ان شاء الله والفحص الامني اكتمل ...كان من المفروض الفحص يصبح غير فعال ويفشل ...واعرف بعض الاصدقاء سافرو الى امريكا وهم بلاك ليست وضاربين امريكان بعد...بالنسبة اليه شخصيا كامو ايبطلون بالجمله وخلونا كلنا فلاك حتى لانتعين بعد.

[احمد ألجاف]

شباب اسف على عدم الدقه بالكتابة ..زخطا مطبعي ...بالنسبة اليه خلو عليه فلاك والي عمل مع الجيش الامريكي يعرف شنو معناها اخطر من البلاك والسبب جماعة السكريينك كامو ايرفضون بالجملة ...واني حاليا اعطوني موعد سفر هالشهر ان شاء الله.

[THE DIPLOMAT]

يكولون اذا بلاك ليست جديد يظل مدى الحياه ....

[Moonlight84]

اولا الشكر لكل من حاول المساعده

احنا هسه منريد اس اي في بس انريد نسوي كلير للبك كراوند جك علمود لا نرفض من الاي او ام همين وتضيع علينا

يعني سوالي نكدر نحط محامي او اكو فد طريقه نكدر نعرف بيها سبب الرفض ونعالجه

قريت انه اكو مكتب اسمه كلف اوشن بالمنطقه الخضراء الي يعرف شي عنها ياريت يزودنا بالمعلومات

واذا حطينا محامي من داخل امريكا يكدر يسويلنا شي لو خلص

علمنا انه احنا سلمنا الجوازات ورجعتلنا بالدي اج ال وره اسبوعين مع رساله الرفض

الاخ يوسف السبرفايزر الي ويا المشكله مو هوPOC

مع العلم انه وره الرفض زوجي اشتغل بقاعده وطلعله باج

ياريت تدلوني شلون اعالج هالموضوع

[THE DIPLOMAT]

ماكو شي اسمة clearing the background الا في ضروف استثنائية
الطريقة الامريكية هو ماكو شي ينمسح من ال background  اكو عدهم سجلات متعددة و لهاذا السبب همة حريصين و مخلصين بالعمل
لأن كلشي الة record .
المحامي ما اعتقد يكدر يسووي اي شي , راح يوعدكم يحاول كل استطاعتة بس ميوعدكم بالنتيجة اللي ببالج و بالتالي خسارة فلوس بالبلاش .

[Moonlight84]

زين الحل شنو نكعد ننتضر الرفض يجينا ؟؟؟؟؟؟

[THE DIPLOMAT]

بالنسبة للتقديم على ال iom يمكن يختلف ,
قدم ملفك و اشرح موضوعك للمحلف بالمقابلة و يمكن أكو أمل .
مسألة الهجرة يا عزيزي يتدخل بيها عامل الحظ بصورة كبيرة .
أكو رفض من ال siv و احتمال ينقبل بال iom بس ما اخفي عليك مسألة البلاك لست تكون مو بصالحك مهما كان السبب .
طبعا بنفس الوقت ما كلت شنو المشكلة اللي يم السوبرفايزر . اذا تكدر اذكرها ان امكن .
بكل الأحوال ينظرون بالسبب وتالي يقررون .

تحياتي .

[Pain]

شباب بالنسبة للبلاك ليست ترى مالا علاقه والله ...لان اني شخصيا عندي flag والي اشتغل مترجم يعرف هذه العباره شكد خطرة الي هيه اخطر من البلاك ليست واني حاليا اعطوني موعد سفر يوم 25 بالشهر ان شاء الله والفحص الامني اكتمل ...كان من المفروض الفحص يصبح غير فعال ويفشل ...واعرف بعض الاصدقاء سافرو الى امريكا وهم بلاك ليست وضاربين امريكان بعد...بالنسبة اليه شخصيا كامو ايبطلون بالجمله وخلونا كلنا فلاك حتى لانتعين بعد.

كلامك صحيح البلاك لست ما الة اي دخل البلاك لست مجرد من القواعد العسكرية ما الك اي دخل بل السفر

[THE DIPLOMAT]

شباب بالنسبة للبلاك ليست ترى مالا علاقه والله ...لان اني شخصيا عندي flag والي اشتغل مترجم يعرف هذه العباره شكد خطرة الي هيه اخطر من البلاك ليست واني حاليا اعطوني موعد سفر يوم 25 بالشهر ان شاء الله والفحص الامني اكتمل ...كان من المفروض الفحص يصبح غير فعال ويفشل ...واعرف بعض الاصدقاء سافرو الى امريكا وهم بلاك ليست وضاربين امريكان بعد...بالنسبة اليه شخصيا كامو ايبطلون بالجمله وخلونا كلنا فلاك حتى لانتعين بعد.

كلامك صحيح البلاك لست ما الة اي دخل البلاك لست مجرد من القواعد العسكرية ما الك اي دخل بل السفر

لو كان هيجي فعلا كان ماكو أحد انرفض !!!

[INVISIBLE]

اخي املي الفورم 7001 واشرح قضيتك واطلب منهم ان تعرف سبب الرفض
تحياتي

[ميريام المهاجره]

رجاءا اخونا العزيز
الكليشة مال الفورم 7001
اذا ممكن ترسله لي انا بحاجة ماسة لهذه الكليشةوشكرا لكم
ميرام المهاجرة