طلب معلومات عن ترجمة القيد العائلي

[أمير Fisher]

السلام عليكم
اخوان اني طلعت صورة قيد وكملتهة بمحافظتي وودوني لبغداد اترجمهة بمديرية الجنسية العامة شؤون الاحوال المدنية وما اندل وين صايرة بالضبط؟؟؟ اريد اعرف وين تصير بالضبط وشكد تتاخر بيوم واحد تطلع لو تاخذلهة اسبوع ان شاء الله؟؟؟ مع جزيل الشكر

[Aiham_]

صايرة بشارع الرشيد يم البنك المركزي العراقي ,, نصيحة روح ترجمها يم مكتب ترجمة قانوني مثل ما سويت اني عاي ترا

[alnasiry]

اخي العزيز موقعها بشارع الرشيد تنزل بنزلة جسر السنك وتتمشى بالعكس ترجع لبداية شارع الرشيد مقابل مرطبات مشمشة بس تسال هناك ابد متيه وتكمل الترجمة نفس اليوم بس روح من الصبح كون قبل الساعة 8 انته هناك والله يسهلك

اخوك الناصري

[عراقي هواي]

ابوياسر يا بنك وين شامر الولد
عمي صايرة بين جسر الجمهوريه وجسر السنك عالشط دائرة قديمه
اسمهه المديريه العامه للاحوال الشخصيه المدنيه
تاخذ المستحبات الاربع  والجواز وصور واخذ فلوس وتطلع مترجمه
وبخدمتك

[Mohammed altaee]

أخي العزيز مثل ما ذكروا الأخوان صايرة قرب جسر السنك مقابل مرطبات مشمشة وأسمها السجلات الأساس مديرية الجنسية  والسفر ..
المستمسكات الاربعة وصور لكل أفراد العائلة والجوازات كذلك وبنفس اليوم تكملها وترجع لمحافظتك بسلامة الله

تحياتي