اليوم جنت بiomبغداد تعالو شوفو اصار بينا................

[homam ali]

اخواني اخواتي السلام عليكم..........

اليوم كنا في المنظمة دانضيف الطفل عمرة اربع اشهر وابني الثاني عمرة 15 سنه لدية طبع اصابع
اول شئ كمل ابني طبع الاصابع وبعدها انتضرنا سرانا يجي ماطول عليكم السالفة احنا والخمسه
ونص العصر بعدها دخلنا على المحلفة كانت تجلس بالطابق الثاني من شافتنا فزت كامت تحجي
ويه المترجم المهم كعدنا وخالة الفورمة مالتنا على الميز مال العائلة كلها المفاجئة هنا كالت وين
باقي العائلة كنالها انتو حددتو الحضور اربعة اشخاص علمآ اننا 9اشخاص كالت للمترجم  اكو هيج شي
كلها ماادري نزلت جيكت الاميلات لكت حجينا مضبوط كامت تعتذر من عدنا وكالت سمحونا هذا الخطاء
سببة الجهه المنسقة في عمان  كلنالها والحل هسة شلون كالت راح اترك الفايل مثل ماهو حتى نتصل
بعمان ويحددولكم مقابلة باسرع وقت ممكن واني اعتذر مره ثانيه منكم ...............
اعزائي الاعضاء شاركوني ارائكم واطلب من اهل الخبرةالمشاركة واريد اعرف شنو الي ديصير بملفنا ؟؟؟؟
مع العلم احنا قبل اربع سنوات مقابليين محلفيين احنه تقديم 2009 الشهر الواحد.........
مع تحياتي لكم ولجميع المشاهدين....

اخوكم همام علي

[alialiali10099]

حسبنا الله ونعم الوكيل
ان شاء الله تفرج باسرع وقت بس ضل لح بالمراسلات لحد مايحدد موعد اخر
تحياتي

[سوسو اسو]

والله ماعرف شكول
ديتفننون بالاخطاء ويه العالم
بس ميخالف يجي يوم وتصير سوالف
مالكم غير الصبر

[homam ali]

شكرآ الى الاخ علي والاخ عمر والاخت سوسو على مواساتكم لي
تحياتي

[enrique noor]

الله يفرجها عليك وتينطوك موعد مقابلة باسرع وقت

بس ممكن سؤال .. ولو مو بمكانة 
تعرف شنو اسم المحلفة الي قابلتك او شنو شكلهة .. اريد اعرف هية نفسهة الي تسوي مقابلات بمصر او لا ...
وشكرا مقدما 

[أبو الحكم]

السلام عليكم اخي الكريم


مصار شي وهذا خطأ اداري طبيعي من اخطاء المنظمة التي لاتعد ولاتحصى بس اني اريد اسألك سؤال مباشر , من حضرتك مسجل بموقع عين كاوه واكيد استفاديت منه هواية معلومات , مافد يوم قريت مواضيع او تعليقات اللي بوجوب حضور جميع أفراد الكيس الى المقابلات مهما كانت تسميتها سواء مقابلة اولى او محلفين او اعادة بصمات او اضافة طفل ؟؟؟ ماقريت هيج شي ابدا ؟؟؟ !!! بالمرة القادمة حاول ان تحضر انت وجميع أفراد الكيس الى اي مقابلة يتوجب حضوركم اليها وان شاء الله ماتتأخر المقابلة الثانية وارسل ايميلات للمنظمة واطلب بيها تحديد مقابلة بأسرع وقت واذكر فيها خطأهم الاداري ....


جار الانتظار

[UN]

عادي مو جديد عليهمالخربطة   يارب يتصلون عليكم باسرع وقت ويسهل امركم وامرنا جميعااااا

[هذا عراقي]

ان شاء الله خير هم دا يصفون بالملفات والله يسهل على الجميع ويفرج علينة بحق محمد وال محمد الطيبين الطاهرين

[سبيس]

كلام الاخ جار الانتضار مضبوط الف بلميه

ويا ريت الاخ همام يدقق فيه ويستفاد

من هذه السطور المعبره والواضحه


وتحياتي للجميع



ابو الوليد

[texasddddd]

الله يساعدكم اني هم ححدولي موعد وبنفس اليوم طلع غلط وبعدها الامنيه
متتخيلون شنو النفسيه
الله يهونها يارب

[ثمن الانتظار]

موقف صعب ، هاي شلون موظفين هبلان  خو مو هبلان ، هاي مو اول مرة ولا اخر مرة يسوهة بالعالم موظفين عميان عيون وقلوب، الله لايعميلنا عين ولا قلب
صدك لو كالو ( الحمار يظل حمار حتى لو تربى وية الخيول)
مع احتراماتي للاخوان الاعضاء والضيوف
بس صدك شغلة تغث

[بصراوي مظلوم]

اخي صاحب الموضوع اولا ً الحمد الله  على السلامة  وثانياً كان الخطأ  منك المفروض من اجاك الأميل  ان تبلقهم على على اعداد العائلة كاملاً وبالاسم  لان يجب الواحد ان يؤنبهم  بهذا الشي لان الجماعة يردون الحجة  تحياتي للجميع والسفر القريب


ابو علي البصراوي

[الفرج2]

اخي الغالي , اهم ما بالموضوع انها كلها راح تصير سوالف وذكريات حلوه من تتذكرها وتتذكر انت شكد جنت مستعجل عليها , تكوم تخرب من الضحك , وان شاء الله تفرج عليك وتجى لامريكا خاطر تتذكر كلامي هذا رجاءا , اني هم جنت مثلك وهسه صارت كلها بس ذكريات .

              والفرج2 يدعوا لك من الله بالفرج القريب العاجل .