البارحة كملت الفحص الطبي بعيادة اور القفاصة

[$$$$$]

شباب بحمد الله خلصت البارحة الفحص الطبي بعيادة اور القفاصة والحمدلله لحكت ادز البكج بال DHL مال المنصور طلع يظل يفتح للساعة 6 العصر وبذلك يكون سويت كل اللي عليه والباقي يم الله بالمناسبة ياهو اللي يجي يفحص لاموعد ولا كلاوات ولا احد جيك اليوم موعدي لو لا بس رحت سجلت اسمي وحتى ماعدهم مواعيد فحوصات يجيكون عليها فللي مستعجل خلي يروح راسا وكانه بذاك اليوم موعده وبكل ثقة

[mandonar]

الحمد الله كملناه ودزيناه الفحص ...يارب بلكت هاي الفترة تبين الفيزا

[المهندس71]

السلام عليكم
الله يسهل لكم اخ$$$$$واخت ماندونور وبالتوفيق
شكرا

[yousef_basra]

يابة الف مبروك وانتم السابقون ونحن اللاحقون ان شاء الله

بس بزحمة عليك اي والله بزحمة ونص هههههههههههه

اريد تشرحلي شنو اخذت بالضبط اقصد الوثائق الملطلوبة وطريقة ترتيبها شلون وشكد كلف الفحص ( اقصد التقفيص) ههههههه.

يوسف البصراوي

[$$$$$]

اخ يوسف تاخذ وياك الاتي لكل فرد
1. اربع نسخ من الجوازات
2. اربع نسخ من الجنسية
3. اربع نسخ من ايميل المقابلة اللي بي الاسماء والكيس نمبر
4. اربع صور حديثة قياس 5*5
5. اربع نسخ من دفتر اللقاحات للاطفال لكل طفل
6.الوصل مال الفحص الولي بس علمود يشوفون تاريخ الفحص اذا فاحص يمهم قبل.
7. هس نجي على التقفيصة بالتفاصيل:
الفحص لكل شخص بالغ 150 وللطفل 70
اللقاح لكل شخص بالغ ثنين لقاحات ابو 110 وابو 40
للاطفال اللقاحات اذا دفترهم كامل بي اللقاحات بس واحد ابو 110 واذا الدفتر ماكو لكل طفل 3 لقاحات 110 و60و40
بالمجموع الشخص البالغ 300 والطفل اذا كامله لقاحاته 180
وره متكمل تقريبا بال 4 تروح على السريع الى مكتب دي اج ال المنصور لان يظل مفتح لل 6 تدزه ووياه صورتين حديثة لكل شخص نفسها مال الفحص ام ال 5*5 حتى تخلص فد مرة
والسلام

[bang]

بالخير عليك وياربي يسهل عليك وعلى جميع باسرع وقت حسب مافتهمت من كلامك نتيجة الفحص نفس اليوم تستلمه؟لان اني فحصت ب2011 ورة 10 ايام يلا رحت ستلمتها للنتيحة ياريت لو نفس اليوم والله بالنسبة الي سنكل يعني شكد كلفني الفحص ؟حسبتها تقريبا 300 دولار مو؟ شكرا جزيلا عل المعلومات مرة ثانية

[المهندس71]

 السلام عليكم
امس كملت الفحص ودزيتةبل DHLالمكتب المقابيل الجامعةالتكنلوجيا طبعاملاحظات الاخ$$$$$كلهاصحيحةومفيدةجدا
مكتب aDH L. اعطوني وصل وبيه مثلماتعرفون trucking number
 هسةمن طبيت على موقع الويبسايت مالDHLيقول no resultant!!!مااعرف اخواني الذين دزواالفحوصات قبلي نفس الحالةاولا??
الشخص الموجودبمكتبDHLقال خلال يومين اوثلاثة توصل الفحوصات للسفارة
الاخوةالذين لديهم معلومات اوارسلوافحوصاتهم قبلي ارجواان يفيدوني بمعلوماتهاولهم جزيل الشكرلان مااعرف شلون اجيك ان الفحوصات وصلت للسفارة او لا
وشكرا

[Nora911]

اني يومين وره ما رسلت الفحص وصل... لا تقلق

[المهندس71]

شكرا اخت نورا