ترجمت صورة القيد, بعد التصديق ضروري لو ما يحتاج؟؟؟

[أمير Fisher]

السلام عليكم
اليوم حصلت صورة القيد المترجمة وكالولي لازم اروح اصدقهة من الخارجية يختمولياها ما اعرف شلون. وما اندل وين يصدقوهة. وهل ضروري اختمهة بالداخليةلو ادزها هيج للسفارة؟

[alnasiry]

اخي العزيز اذا بالنسبة الى تصديق الداخلية فالمكان بزيونة قرب حدايق العاب بيت طبرة وهو المكان طبعا ملجأ والكل يندله مجرد توصل يم حدايق بيت طبرة اما اذا تصديق الخارجية فهي دائرة التصديقات بالعلاوي بجانب وزارة الخارجية واني ممنون

اخوك الناصري

[ام اتنا]

اخوية صدكني ماكو اي شي يتصدق لا داخلية ولا خارجية احنة هيجي سوينة ومحد سال على تصديق مجرد ترجمة قانونية وهاهية
تحياتي

[bang]

اخوية العزيز اذا كنت ساكن بالعراق لاتصدق اي وثيقة من الخارجيه ماعدا وثائق تخرج كلية او الاعدادية وخطيتك بركبتي ااذا قيد او جنسية بس ترجمهن كبل وعدل بوجهك واطبك على سرة وياينة من ترجع

[أمير Fisher]

مشكورييييييييييين وماقصرتوا اخوتي

[حزين جدا]

قبل ايام قابلت وترجمتها من مكتب بمحافظتي ولا كالو اي شي

[nabilnabil]

أخواني الاعزاء

السلام عليكم

اسف .. بس ممكن توضيح على موظوع الوثائق والمستمسكات الي دا تتكلمون عنه ... يعني شوكت تكون مطلوبه من عدنه بالمقابلات لو من يجي موعد السفر .. وممكن نعرف شنو الوثائق المطلوبه .. بصراحه ماعندي اي علم بهذا الموظوع وممسوي اي شي ...