سمعت اكو اعتصام ب iom - عمان باجر ؟؟؟؟؟

[ابو هناوي]

السلام اخوان سمعت اكو اعتصام يم المنظمة عمان منو سمع نريد نعرف الوكت حتى نروح ونوكف ايد وحدة ونشوف شلون تاليها وياهم والغايب يعلم الحاضر  والله يسهل على الجميع

[catwoman]

ياعيني مو هذيج المرة اعتصموا اشو كلشيء ماسوولهم ؟اني هم قريتها على الفيس بوك

[mr_aliraqi83]

السلام عليكم
اخوية موجود الاعتصام ومستمرين كل يوم من الساعة الثامنة الى الخامسة مساءا وفي يوم امس تم مبيت بعض الشباب امام المنظمة وياريت تبلغون العوائل والاخوان الي متاخرة ملفاتهم والي تعليق الحضور علما تم حضور عدة قنوات فضائية وتم منعها من التصوير من قبل رجال الامن
والتجمع امام باب الموظفين الرئيسي وليس باب المراجعات بس مع الاسف اكو ناس لاترحم ولاتخلي الرحمة تنزل يعني ميحضرون ويخربون واهس العالم من الحضور ...

[THE DIPLOMAT]

و تاليتها شلون ؟
اعتصمتو هذيج المرة و كلشي ما حصلتو هاية اجرائات و تطول
كعدو راحة و خلو العالم بعيدة عن المشاكل , بشرفي اذا صار شي و قررت الادارة الامريكية تعلق كل الملفات
و تالي تكعدون تعضون اصبع الندم و تكولون لو كاعدين راحة احسن .

[حزين جدا]

والله لو مو تعتصمون المايردونه يطلع مايطلع واليردونه يطلع يطلعوه بايام

[saad ahmad]

اخوان مع احترامي الكبير لأرائكم انتوا غلطانين هواية بهاي شغلة اعتصامكم امام المنظمة وثقوا بالله العظيم هاي تعود عليكم بنتائج عكسية تماما . يعني انتوا شنو متصورين انو الي عليه مؤشر امني او مشكلة معينة راح يرأفون بيه مثلا !!!!!! بس الله سبحانه وتعالى بعظمته يكدر يخليك توصل امريكا وانت عليك شئ يمهم واعرفوا شئ ايضا انتوا راح تضرون اخوتكم البقية . والي شغلته عاصية خلي يطلب من الله عز وجل الرحمة ترى الي مايرحمه الله كل الكون مايلحك عليه وتحياتي الكم

saad ahmad

[ام محمد العراقية]

بس رب العالمين يكول ياعبادي اسعوا واني اسعي وياكم

الاعتصام هو صوت المظلوم

والله اعتصام مصر اثر على مجرى الملفات وعلى العكس اهتموا بينا اكثر

لاتخافون وامشوا قدما

[ابو سماني]

أخــــــــوان

الاعــتصــام المــرتب تكــون نهــايته أمــرين لا ثالث لهما

أما الدفع نحو أجــراءات أســـرع أو تنظيم عمل المنظمة السيء الصيت

أو الاخوان يبقــون بلا تغــيير لأنه يعملون بلا رقيب أو الاصح بينهم متفقين

أن واحد يغطي للأخر فشله في أدارة ملفاتـــنــا ما يعني ناس تكتمل الامنية

مرات متكررة بدون سفر وهكذا من امور لا تعد وتحصى تدل على ســوء تعامل

في ادارة قضايانـا .....فأتمنى من الاحــبة إلي ما مقتنع أن يثبط الاخــرين

إلي ميريد يعتصــم براحــته بس خلي أخوتك يجيبولك حقك....

ابو سـماني

[DR.ENG]

صورة من المظاهرات امام المنظمه اليوم

[THE DIPLOMAT]

أعتقد ال iom منظمة عالمية و تعمل وفق قوانين و ألها ادارة يعني مو فوضى 
بس للأسف بعض العراقيين يشوف كل الناس مخربطين .
ال iom وضيفتهم يرتبون الملفات و التأخير مو من مصلحتهم همة لأن هذا عملهم و أعتقد أكو هواية ناس سافرت .
التدقيق الامني هو اللي ياخذ وقت و هذا الشي ما الة اي علاقة بال iom و أعتقد الكل يعرف هذا الشي
و التدقيق الامني بالويبسايت مرات يكون مكتمل و يرجع انتظار هاية مسألة روتينية و عدة مواضيع طرحت بخصوصها بالمنتدى .
حتى المعلقين , التعليق مو يم ال iom .....

كافي بابا كافي كعدو و سكتو على الاقل انتو بعمان و مرتاحين ....