ندااااااااء الى الجالية العراقية في كاليفورنيا

[question]

مرحبا اخوتي الكرام في المنتدى اني او والدتي ساكنين ڤيرجينيا هارسنبورك ونريد ننتقل الى كالفورنيا شتنصحونا باي مدينة هارسنبورك مابيها شي لادراسة ولاشغل زين غير تقطيع الدجاج ورفع الباكيتات ارجو من اصحاب الخبرة اجابتي عن المنطقة المناسبة والايجارات والاسعار

[steven_siv]

كاليفورنيا
ليست الحل المناسب بل الحل الاسوء
لان العمل وفرصه شبه معدومة والمنافسة شديدة
الولايات الجيدة لمثل حالتك

اريزونا
تكساس اوستن  - دالاس- سان انتونيو -هيوستن
شيكاغو مقاطعة ديفون

بس مو كاليفورنيا 

[question]

كاليفورنيا
ليست الحل المناسب بل الحل الاسوء
لان العمل وفرصه شبه معدومة والمنافسة شديدة
الولايات الجيدة لمثل حالتك

اريزونا
تكساس اوستن  - دالاس- سان انتونيو -هيوستن
شيكاغو مقاطعة ديفون

بس مو كاليفورنيا 

اشكرك على الرد اني رح ابحث عن المناطق الي گلت عليها

[steven_siv]

حبيبي  ستيف بلا امر عليك اريد اسألك على ولاية ماساتشستس هاي وين تصير . وشلونه زينه لولا مادام معلوماتك قويه الشغل بيهه زين وضعه الاقتصادي زين لولا

ماعرف عليها شي بس رديت لان جنت اعيش كاليفورنيا وحولت لتكساس


تحياتي

[uae123]

حبيبي  ستيف بلا امر عليك اريد اسألك على ولاية ماساتشستس هاي وين تصير . وشلونه زينه لولا مادام معلوماتك قويه الشغل بيهه زين وضعه الاقتصادي زين لولا

عيني أخويه أنا رايحتلها 10 مرات لان تبعد عني 40  دقيقه وكتلك والله راح ترتاحلها وكومة شغل بيها ومن أحسن الجامعات بس مشكلتها أن موت برد  وثلوج بالشتا وشهرين بش الصيف صدك راح توتنس بيها

[omar1979]

حبيبي صاحب الموضوع
بالنسبة لكاليفورنيا انته ممحدد اي منطقة يعني اني ساكن بسان دييغو الجو والاسعار كلها مناسبة بس الايجار غالي يعني تلكه شقق ابجار من 800 دولار الى 1250 دولار خلي افصلها الك شقة غرفتين وحمامين تلكاها بالكهون ب 1000 دولار بالشهر بالنسبة للشغل تكدر تلكي اني اليوم جابواي شغلة باسواق كاشير ينطون 8 دولارات بالساعة طبعا الجماعة الي جابوها الي عرف صح صعب تلكه شغل بس الي يدور يلكه بس اكثر الي عايشين هنا يدرسون وميشتغلون علمود ياخذون فلوس عليها
واي سؤال تحب تساله اني بالخدمة

[Ahmed Kailan]

اذا تريد مكان كلش حلو وبي دراسة .. فسان لويس أوبيسبو من اروع المدن بكاليفورنيا
الحياة بيها امنة وهادئة وكلشش حلوة .. بس غااالية وفرص العمل مو سهلة ابد

اما المدن وسط كاليفورنيا مثل
فرزنو, ماديرا, موديستو, لوس بانوس, لامور, ميرسيد اللخ .. فهي رخيصة وعيشتها سهلة . بس مو مدن حلووة

وعندك الجنوب .. سان دييكو هواية بيها عراقيين كلش وحلووة .. وأمبريال فالي عبارة عن عراق ثاني

تحياتي

[أبو شاهين]

تعال لأريزونا

جامعات محترمة ... وشغل موجود .... والأيجارات رخيصة

يعني تفيدك .... بس اذا تنزعج من الجو الحار لتجي